نادي الهلال السعودي - شبكة الزعيم - الموقع الرسمي - إختبار القياس و ياقلب لا تحزن !!

- منتدى المجلس العام (http://vb.alhilal.com/forumdisplay.php?f=1)

- - إختبار القياس و ياقلب لا تحزن !! (http://vb.alhilal.com/showthread.php?t=874494)

شوقي يقول وما درى بمصيبتي ** قم للمعلم وفه التبجيلا ..
:D
اهلا بك اخوي العين الزرقاء :)
والله يعين المعلمين على القرارات :(
وما اقول الا يا زين ايام اول :D

بالتوفيق يالغالي ,,,

إقتباس:

الرسالة الأصلية كتبت بواسطة (اسير& المحبة ) (مشاركة 14525432)

صراحه اختبار فاشل بمعني الكلمه يعني اذا واحد من الشباب تخرج من جامعه الامام اصول دين

وهذا تخصصه طيب يختبر 90 سوال رياضيات والرجال هذا دارس في المعهد العلمي على

النظام القديم مافي رياضيات وقسم اصول الدين في الجامعه مافي رياضيات ورسب في الاختبار

القياس اش ذنبه مادرس رياضيات طول عمره تجي تختبره على وظيفه 90 سوال في شي

مادرسه والحين الرجال عاطل بسبب 90 السوال يعني المفروض تختبر الشخص على التخصص

حقه لانه بيدرس دين اش دخل الرياضيات في الدين ولايتعين بسبب الشي هذا .

:yes::yes::yes::yes:

هذا من حقه أن يختبرونه إختبار في تخصصه

مع إني من مؤيدي إختبار القياس

إقتباس:

الرسالة الأصلية كتبت بواسطة I don‘t know (مشاركة 14525859)

طيب واذا رسب ياادارة التعليم وين بيروح ..؟

سؤال وجيه جداً جداً :cry:,,

إقتباس:

الرسالة الأصلية كتبت بواسطة نـــــــ15ــــــمر (مشاركة 14533296)

طيب راح يكون في نسبه وتناسب

إقتباس:

الرسالة الأصلية كتبت بواسطة نـــــــ15ــــــمر (مشاركة 14533296)

بسبب قله الوظائف مثلا يمكن القياس يكون فارق بينك وبين غيرك :)

تشــــــــأو

والله يـ اخوي هذا مو حل لان كذا كل تعب 16 سنة راح !!

إذا هم مقطعتهم الامانة تقطيع :s3s: يركزون على المعدل ,,

** **

الاختبار ماقد جربته :d سواء كان سهل ولا مو سهل المفروض الأساس مايكون عالاختبار ,,

مسكين المواطن شغاليين تنتيف فيه بكل جهه حتى لما يقدم على وظيفة يـأخذون منه 200 عالاختبار :mad:,,

الله يسهلها ,, بالتوفيق ,,

القياس نآشب لنا نشبه ..

بس زي ما تقول تحس فيه عدل لأن النظام مطبق عالكل

ومثل ما كلوهآ طلاب دفعة 426 رآح تآكلونها

لا وغير كذآ طلاب الشرعي الله يعينكم والله

وما اقول الا الله يوفقكم بهالاختبار النشبه

حسبي الله عليهم

عمي تخصصه لغه عربيه وجاته اسئله بالريـاضيات !!!

نجح بالاختبـــــــار الاول ومع ذالك ماتوضف والحين بيختبر مره ثانيه!!!

ياويلي والله بديت اخاف على مسستقبلي !!!:( وش يضمني القى وضيفه !!

لاحول ولا قوة الا بالله

أنا من أكبر المؤيدين لاختبار القياس

سواء قياس الثانوية أو قياس المعلمين

أولاً قياس الثانوية ..
فأنا مثلاً داخل مدرسة خاصة " أهلية " أدرس السنة كاملة واذا جت اختبارات النهائية تجيني ورقتين وأذاكر وأجيب أقل شي 25 ..
وغيري يدرس السنة كاملة وبالأخير يذاكر الكتاب كامل عبارة عن 300 ورقة
هذا ظلم الظلم ..!

ثانياً قياس المعلمين ..
مثل مانت عارف انت راح تربي أجيال هالوظيفة اللي بتتوظف فيها ذمة وضمير فصعب يحطون أي مدرس

هذي وجهة نظري

حياك الله اخوي .. قبل أمس اختبرت في جامعة الملك سعود , والنجاح فيه لابد أنك تجيب في اسئلة التخصص 50% والتربوي50% كحد أدنى , والحقيقه الأسئلة أغلبها تربوي وقليله فيها اسئلة التخصص وفيها كم سؤال رياضيات ( تخصصي عربي ) وهالإختبار بكل بساطة ماوجد إلا لحاجتين الأولى أنهم يترزقون من ورانا والسبب الثاني يلقون لهم عذر في عدم التعيين , بعد الثنوي قياس وبعد الجامعه قياس !
طيب إلى هالدرجه مافيه ثقه في جامعاتنا !