هلا نايف

بصراحة أول ماشفت اللعبة استغربت

هذولا وش يحسون به

أنا طبعاً كنت من الفضاوة أمر على موضوع العالمية وأقرا المشاركات

لازلت أتذكر كتابات مدريدي جداً لما كان يوزره مدريد جاجو الظاهر


المهم أنه كان يكتب عبدالرحمن شوستر

فأنا كنت مستغرب

بعدين قالي ابن الخطاب ترى فيه لعبة بنسويها

وأنا على عماها وشاركت


ما أعرف شي اطلاقاً

حتى من الذكريات باللعبة اني بيعت فريقي كله وكنت ماخذ فياريال

مابقى الا توماسون قبل لايجي ابن الخطاب ويكلم الادارة ويكرشوني بحجة اني أخرب اللعب

طبعأً سالفة تخريب اللعب لها سالفة طويلة

كنت أنا والمشذاب والثعبان الأزرق الله يذكرهم بالخير مسوين تحالف او حزب زي كذا

كان المشذاب معه موروسيا وكنا نعطيه لاعبين بدرجة جنونية

تخيل نشتري لاعب بغالي ونبيعه برخيييييييييييييييييييييييييييييييييييييييص

وكنت أنا والداب الممولين له

طبعاً الحزب نجح إني انطردت من اللعبة و أن المشذاب فاز بالدوري

لما قلت لكم أمس ذكريات برسايلي الخاصة أستغرب البعض وش دخلنا فيها

أبوريكم رسالة وحدهـ بس للموضوع

إقتباس الرسالة الأصلية كتبت بواسطة الثعبان الازرق إقتباس الرسالة الأصلية كتبت بواسطة هتلر الرياض فهد ان خشيت ضروري قدم عرضك لـ بيرلو علشان تاخذه تكفى ضروووووووووووووووووووووري وبنفس السعر اللي تبيه ويقبله النظام شكريات هلا يزيد سوري على امس مشغوووووووووووووول الى شعر راسي ابشررررررر اليوم ابدخل وابقدم سعر يقبله الجهاز يعين اقل من سعره الحقيقي ههههههه شكرا لتعاونك

كان بينا اتصالات بالجوال والماسنجر

نجتمع أنا وشلة الأنس ونتفاهم على لاعبين المشذاب

نبي نموله

طبعاً كان الموضوع حكاية ثانية مرة

المشكلة اللي ماساعدتنا نكرر هالشغلات المرة هذي

أننا ماتفاهمنا مع بعض من بداية الدوري


في تلك الرابطة كنا كأننا عائلة وحدهـ وببيت واحد

رغم ان معرفتي في البعض في تلك الفترة كانت سطحية بس قدرنا نشبك مع بعض بسهولة

المرة هذي للأسف فيه عوائق

العوائق هي

اننا ماتفاهمنا مع بعض من البداية

بالإضافة لأن البعض مايدخل الرابطة كثير ومافيه ميانة

وللأمانة من خلال الدوري هذا حاولنا نوجدها والحمدلله قدرنا على البعض والبعض للأسف الوقت ماساعد

وغير كذا

حالة الزعل اللي صارت وخربت كل شيء

كنا ناوين نية قشرا بس لو سالفة الزعل عدت على خير ولا كانت الامور تسير بإتجاه خطير

بس ربي فككم

الأهم ان الفكرة الحمدلله طلعت وأعجبت الكثير إن لم يكن الكل

كان الهدف من اللعبة هو تقريب الأعضاء من بعضهم البعض وكذلك ايجاد روح أخوية عالية وغيرها من الأهداف

الصراحة الكلمات الوداعية تحزن

لو بيدي الشغلة لجعلت ويـلـي وأبو برشا وعلي - ميلاني للابد - من أوائل المشاركين في الدوري القادم وسأسعى لذلك ان شاء الله بشرط أنهم يسنترون في رابطتنا

حقيقة رغم إني ما أعرفهم لكن تشرفت إني قرأت ردودهم وتعرفت عليهم وعلى يوزراتهم وبإذن الله لنا لقاءات قادمة قريبة

الأهم أن الروح الأخوية والجماعية تستمر بينا كأعضاء والله يصبرنا على الفراق <<<




أنا أتمنى بس للمشاركين في الدوري القادم يرجعون للموضوع حق اللعبة الأولى اللي انلعبت للرابطة ويشوفون الموضوع ان ماقدروا على كامله يشوفون أكثره

كان الموضوع بصراحة مميز وكان فيه تفاعل وكان فيه تنتيف وفيه ذب

هنا للأسف يقتصر الموضوع على بيع وشراء فقط

مع أن ودي يصير في هواش لكن ماقدرنا

عمومأً

فيه رد محزن ان شاء الله بينزل بكرهـ والله يصبرنا على فراقكم <<<< انقلب عزاء

إيه تخبر سالفة فالنسيا

دقيت على مبارك قال اني منيب مطول قلت هات يوزرك

وارجع البيت مستانس

وأصير ابيع اللاعبين اللي ابيهم لي وأبيع لاعبين لأندية ثانية علشان أجمع فلوس

أتذكر جبت سكولز بسعره من الكشاف ونقلته لي بعد ماطيحت ثلثين سعرهـ


أما الاجتماع اللي صادف مباراة روما

فيه مفاوضات مباشرة

بعت سينا ذاك اليوم واكلتها صار كل يوم خساير

آخرتها قررت أبيع اللاعبين



مايستروتوتي



أنا قلت لك كاسياس = روبين أو ريبري يعني عطني واحد منهم وخذ كاسياس

ثم قلت لك خذ هيجواين وعطني اقويرو وفوقه 35 مليون