|
تناقض بين رجال الامن في مباراة مس كرمان.... بسم الله الرحمن الرحيم الحمد لله ع الفوز والمستوى ومازال للمجد بقيه ,,,,,, ندخل في الموضوع سريع ذهبت انا وخويي للملعب العصر وجينا للتفتيش قالي خويي انا ابروح لطابور الثاني وانت خلك هنا ونتقابل عند البوابه 26 قلت اوكيه طبعا هو معه علم مكتوب عليه موبايلي وانا معي علم ازرق ابيض المهم تقابلنا عند البوابه انا معي علم وخويي مامعه ( لاحظ التناقض كيف الحين) وربي وقسم بالله انا اكتب الي صار بالتفصيل قلت لخويي وين علمك قال العسكري اخذه مني قلت ليه قالي العسكري يقول لازم يكون العلم مكتوب عليه كتابات المهم انا دخلت بالعلم من التفتيش الي برا دخلنا من عند البوابه 26 خويي راح انا وقفني العسكري قالي العلم مايدخل قلت ليه تدرون وش قالي ...... قالي لازم يكون مكتوب عليه موبايلي قلت يااخي قبل شوي خويي اخذوه منه علشان مكتوب عليه موبايلي قال العسكري انا غير الي برا هم وتفتيشهم وانا هنا انا وتفتيشي براحتي لك دخل في شغلي مابغيت اخذ معه واعطي علشان مايخمني للجيب قلت براحتك بس خلني ادخل قالي اهم شي العلم مايدخل قلت اوكيه بس ادخل قالي تفضل .... والله هذا الي حصلي انا وخويي في الملعب قمت النتاقض بين العساكر:mad: ..... بس الله فوق ونداء للاداره انها تشوف حل للزعماء اذا كذا ماحد حاضر مباراة الشباب او مباراة الاهلي الامراتي ..... وبنهايه نقول لهم المخططات ولنا البطولات ... ردودكم تهمني الله لايحرمني منكم...:alzaeem: |
قسم بالله مهازل في هالملاعب !! لكن وش نقول.........؟! ننتظر رجال الزعيم يتدخلون والا وقتها يعذرون الجمهور اذا ماحظر على هالمعامله السيئه ! عوآفي |
المشكله إن الظاهره ذي في ملاعب الرياض فقط !! :wub: ملاعب الشرقيه وبريده ومكه ماشفت اللي شفته في ملاعب الرياض!!:wub: نتمنى أن يوصل الصوت للإدارة !!:ba: يعطيك العافيه وتقبل مروري يازعيم !!:ba: |
يمكن العسكر يشجعون النصر وحاقدين على جمهور الهلال ههههههههههههههههههههه |
ان شاء الله نشوف من الاداره في تسهيل الدخول للجمهور |
بالتوووووووووووووووووووووفيق للزعيييييم |
بصراحة اللي يصير لكم شي يرفع الضغط الله يعينكم عليهم و إن شاء تنحل كل المشاكل تحياتي |
بنهايه نقول لهم المخططات ولنا البطولات ..... اذا تكلم اسفيه فلا تجبه.. يسلمووو اخوي كنق.. |
تمنى من الاداره انها تلاقي حل ،، لكن ان كانت الاداره لا تدري فهذه مصيبه وان كانت الاداره تدري فالمصيبه اعظم مشكور اخوي مااا قصرت ،، ،، أوجزت فانجزت وكفيت فأوفيت تقبل مروري //// أفلاجي هاوي |
والله طفشنا من رجال الامن وتصرفاتهم مع جما هير الهلال فقط اتمنى من ادراة الهلال تشوف لنا حل بتوفيق للهلال |
هذا عسكري نصراوي واطي بكل ماتعنية الكلمة منقهر من الزعيم وبطولاته دايما جمهور النصر هم الى ينضمون الجمهور في مباراة الزعيم وانا صار لي مشكله في مباراة الزعيم مع النصر في كأس ولي العهد يقولي نزل العلم الى معك والا بطردت انت والعلم قلت لا يكون انا داخل بيت وانا مدري على كلا الى الامــــــــــــــــــــم يازعيم ولايهمك عسكري ولا يهمك جمهور منشطات وجمهور مسير وحمهور دار العجزه . ابو راكـــــــــــــــــــــــــــــــــــان |
يعطيك العافية اخوي ومانقول الا حسبنا الله عليهم ومع ذلك سوف نحضر |
يارجال وش هالنظام الزفت حتى الدور الثاني تاخرو يفتحونه وش هالكلام وش المهزله هذي قسم بالله شسي يضيق الصدر . .. ... .... .... |
ياخي المفروض ان الرابطه تحرك نفسها شوي وهي اللي تدخل الشعارات والشالات وتوزعها على الجمهور في المدرج عشان نفتك من معاملة رجال الأمن لنا ونضمن ان الشعارات تدخل. |
قسم بالله مهازل في هالملاعب !! لكن وش نقول.........؟! ننتظر رجال الزعيم يتدخلون والا وقتها يعذرون الجمهور اذا ماحظر على هالمعامله السيئه ! عوآفي |
| الوقت المعتمد في المنتدى بتوقيت جرينتش +3.
الوقت الان » 01:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd