|
التفحـيـط ،،/ عجلآت آلمـوت السلام عليكم كيف حالكم :rose: طبعا في هذا الموضوع مناقشه في ظاهره انتشرت بالمملكه خاصتن وهي التفحيط :s5s: طبعا الصراحه انا كنت افحط لكن مبطلها من 7 او 8 شهور تقريبا معروفه انتشرالمرور السري طبعا سمعنا كثيير عن التفحيط وبلاويه :ranting: موت ،، شلل ،، سمعه ،، سيئات وذنوب،، قتل اروآح بريئه ومن عوامل انتشار هذي الظاهره 1-التأمين على السيارات المستأجره 2- اصدقاء السوء 3-عدم النظر في الاهل لهذا الشاب ومن المعروفين بالتفحيط 1- ابو كاب ( داعيه ) تتم محاكمته الى الان 2- ابو زقم ( داعيه ومن الشرطه استفادو الشرطة منه علشان يعلمهم الاوقات الي يصير بها تفحيط والاماكن ومعروف كم صاد مفحط ) لايوجد له شي خرج على شرط مدير الشرطه ان يثبت على الدين وان يعمل للشرطة 3- شراري الله يرحمه ويسكنه الجنه صارله حادث وهو يفحط 4- بوبو ( الله هداه بعد ان صدم طفل صغير بالخطأ وتم التنازل ) طبعا انا كنت افحط ومحد يدري غير اصدقائي لكن فكرت بالامر وقلت اعتزال التفحيط والاغاني ومشالله الله هداني وسيارتي مليانه محاضرات الجبيلان:ba1: واناشيد حامد ضبعان:ba: وشيلات الشبرمي:smilie47: وتركي 2000:s3s: يعجبني صوته ( لحد يزعل ) ومستور العتيبي :smilie47::smilie47: نرجع للموضوع * ماهي السبل ايقاف هذه الظاهره المنتشره وخرجت العدوى الي قطر والامارات واسالو اهل الشرقيه * هل تؤيد العقوبات الصارمه كالجلد وغرامات الماليه فوق 5000 والسلام مسك الختام :rose: |
وعليـكم السلآم ورحمـة الله وبركآتـة :smilie47: + :rose: اولآ : الله يثبتك ويهديك إن شآء الله وصدقني منت خسرآن على تركك التفحيط :smilie47: ثآنيآ : ما أحب اكذب عليك واقول اني ضد التفحيط , انا شغلتي فيهآ اخرآج بس ثالثآ : قليل من المفحطين اللي يتوبون الى الله من انفسهم , اغلبهم حادث او تمسكهم الحكومه الله يعزهآ :d:smilie47: رابعآ : طريقة الشهره في التفحيط وانه يكون عندك لقب مشهور تبدأ بمعرفتك لبياعين الحبوب والمخدرآت لانهم في البداية هم جمهورك وهم وسيلتك للشهره لدخول عالم الالقاب والشهره في التفحيط خامسا : طريقة السياره والخشّه عليهآ تكون من محل ايجآر ( قطعة حشيش علشان فلوس التأمين ) ويروح الاخ يستاجر إكسنت علشآن سعرهآ ( رخيص ) ويرجعهآ ويآخذ بدآلها ( كآمري أو أكورد أو .. أو .. ) والكفرآت في التفحيط تكون غير عن كفرآت الإيجآر , او تكون في بالطريقة الاسهل للمتبدأين وهي سرقة السيآرة علشآن ( لاصدم يتركهآ وينحآش ) سآدسآ : في الآونة الاخيره اصبح التجمهر في خشآت التفحيط اكثر من السآبق وكل هذآ بسبب خدمة البلآك بيري حبيت من هالرد اوضح هالنقاط للي مايعرفونها , :yes: يعطيـك العآفية واعذرني على الإطآلة :smilie47: + :rose: |
ان شاء الله نفتك من هالظاهره الي ماجا من وراها غير البلاوي , اغلب المفحطين معروفه اهدافهم من التفحيط وعواقب التفحيط معروفه ايضا,, بس بخصوص انه وصل الخليج عن طريق السعوديه تراه منتشر بالخليج معنا ويمكن قبلنا لكنه كان معروف باسم درفت ومايطبقونه الا على المواتر السبورت او زي مانسميها هنا (زرزره) لكن هنا الله يهديهم طبقوه غلط وصار تنطيل و وو الخ... |
إقتباس:
ولد عمي هو اللي انصدم من المفحط الملقب بـ " بوبو " :cry: لآ نقول سوى اللهم اهدي شبآب المسلمين ,,:rose: شكراً لك و جزآك الله خير ,, :ba1: ~ .. |
أبدأ مستعينــاً بالواحد القيووم و متسلحاً بفكري : التفحيط آفه عقيمه هتكت أعمــار المجتمع .مع كثره الوعي و زياده الضرائب الماليه على هواتهــا ,إلا أن عددهم إزداد و أصبحــت أصدآءهم و شهراتهم تعلو شهرة المشاهير و غيرهم. - لو طرحت على مفحط سؤآل واحد فقط: لمــاذا تمــارس هذه الهوايه الخطيــره مع أنك تعلم بخطورتها؟ طبيعي أنه سيعزو الأسبــاب الى عدم وجود الوظائف أو قلتهــا,طيب لا أختلف معاه,لكن أبواب الرزق لا تمتلك أسمــاء محددين و إنمــا الرزق على الكريم العليم. و لا تعتبر التفحيــط مصدر رزق أو فرح أو قضــاء وقت مع الآخرين .لا . - حلول هذه الآفـــــه إنمــا هي بتطبيـــق النطام على المتجمهرين قبل المفحطيــن ,لأن المفحط لا يمارس هوايته إلا ليكسب إعجاب الغير فقط . -(جمله إعتراضيـــــه) أسأل الله لقريبك الرحمـــــه أخويQηαs SuĐeeя تحيآآآآآآآتي لك عادل |
والله ياخوان وش الفايدة من التفحيط !! ابي احد يجاوبني ^^ |
شكرا على مروكم والله يدخله الجنه والله المطلوب من التفحيط قتل وقت الفراغ ،، او يمكن يكون ماكله حبه لان اغلب المفحطين كذا زي شراري |
انا قريت هالموضوع ورجعت دخلته مره ثانيه عشان في كلمه قاعده تقرقع في قلبي وبقولها :d اول شي ابارك للاخ كاتب الموضوع لانه تغلب على نفسه وانتصر عليها والله يثبتك التفحيط آفه عظيمه واقدر اسميها (فتنه) اذا جاز التعبير ، لان الانسان الموهوب في السيطره على السياره يصعب عليه التخلص من الرغبه الجامحه في (هز) السياره والتلاعب بثباتها ومن ثم السيطره عليها بكل حرفنه وابداع لا اخفيكم انني من المذهولين بما يصنعونه المفحطين بالسيارات من قدره هائله على التحكم بالسياره لدرجة ان صانعين السيارات ربما يذهلون من فعل هؤلاء! فأكثر ما يؤلم قلبي حينما أرى (مبدع) في هذا المجال يستغل مهارته الرائعه في القياده بهذا الأسلوب! فيديو عن قيادي مذهل ملاحظه: الفيديو يحوي موسيقى لماذا لايجد هذا المبدع ساحه للتنفيس عن رغبته الا بتلك الطريقه المهلكه؟ ألا ترون أنه وصل لمرحله أنه مستعد أن يضحي بحياته من أجل اسكات رغبته الجامعه؟ لماذا قام بهذه المهارات المهلكه بحقه وحق راكبين السيارات التي مارس (الابداع) عليها! بلا شك اجابة هذه الاسئله انه لم يجد متنفس غير هذا المتنفس :cry: فلو وجد تنظيم سباق السيارات والتحكم بها وفق شروط صارمه وحمايه قويه ويفوز بها ويذاع صيته ويرضي غروره ويكبح جماح رغبته ويحصل على جوائز كبيره وربما يصبح سائق بارع بالفورملا 1 او الرالي لما لا! :cry: |
المشكله اخوي كل شاب عنده فراغ غير طبيعي ولا يـدري وين يروح ولا وش يسوي بعدين انا اشوف ان التفحيط فيه مهارات غير طبيعي ليه ما يكون لهم نـــــادي خاص و يكون مجهز من كل النواحي |
التفحيط أحد منافذ التعبير عن الذات و استعراض المهارات ..هذا كبداية.. صحيح أنه استثمر في نشر المخدرات و المشاكل اللأخلاقية , لكنه بالأساس أحد مظاهر مشكلة أكبر من التفحيط و هي اهمال طبقة الشباب في المملكة العربية السعودية . من الخطأ أن نذهب نعالج الأثر أو تجلية المشكلة بدل أن نبحث عن السبب . أين النوادي التي تستثمر مهارات الشباب و طاقاتهم ؟ مجتمع لا يحتفل إلا بـ.. 1- طلاب حلقات القرآن .. 2-لاعبي الكورة ... ...................................... و شباب لا يجدون من يكتشف مهاراتهم .. فتجدهم إما خلف مفحط .. أو أمام تلفاز يتابعون بشكل سلبي . أو ضحايا إدمان ... لو أن التعليم اكتشف مهاراتهم و صقلها لما وجدنا هذا الضياع ... تحية |
''' والله ان ما أايد أنهم ينجلدوون " وينسجنوون " ويغرموون " .. عشااان تكوون ضربة قوية في ووجيههم .. الله يعطيك العافية اخووووي ... دمتم بــ ود الذيابي ''' |
سآحة تفحيط :d يآسلآآآآآآآآآآم ههههههههههههه علشآن يطب الشعب السعودي كله فيهآ , ويصير اللي يعرف ينطل تزيد مهآرته , واللي مايعرف يتعلّم :s2: وبعدهآ يطلع على الشآرع العآم ويعطيهآ شوطين ولا احلى مع اقرب نخله :yes: التفحيط في الاسآس رآكد من شهر بعد وفآة اثنين من المفحطين ( البعير الله يرحمه يوم السبت , وفودي قبل شهر تقريبآ ) انا ماني مع هالفكره صرآحة :rose: |
هالمفحطيييين تلقاهم مايدرون وش يسون وووين يروحون فضاوة لا غير .! ع عموووم يعطيك الف عافية .. :rose: |
فضااااااااوهـ + عطااااااله زين بعد وقفت على التفحيط |
الله يثبتك يارب .. قال تعالى .. < ولا تلقوا بأنفسكم الى التهلكه > . فمن هذا المنطلق .. اقول ان ظارهة التفحيط وممارستها اشبه بما يكون بالانتحار .. فهي القاء النفس الى التهلكه .. يعني افحط عشان اكون لي عدد من الشباب الصغار ويصيرون جمهوري .. اتقوا الله يا المفحطين .. وكم من ارواح ذهبت بسببكم .. الف شكر لك .. اختكم .. ميمي |
| الوقت المعتمد في المنتدى بتوقيت جرينتش +3.
الوقت الان » 08:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd