|
الشــآيـب ،، آلـعجـوز / مصـطـلـح مـنــتـشـر السلام عليكم :rose: كـيفـكم :ba: مبـروكـ فوز الزعـيـم ( بدري ) والله انتشرت ظاهرة انتشار كبيير سولفت مع واحد تلقا يدق جواله يرد وتتفاجا يقول لا الشايب للاسف نايم او موموجود يصك قلت من الـشآيب قال أبـوي قلت طيب هو جاركم ولا ابوك قال وش نسوي انتشرت وعلقت بلسانا طيب ماهو ابوك الي جلس معك طول عمر هو الي صرف عليك ورباك وعطاك واخر شي شايب:cry: ولا تجيك الي اكبر منها قابلت واحد قلت وين شايفك مستعجل قال العجوز طالبتني اروح للبقاله اجيب مقاضي انا اندهشت وش عجوز :cry: يعني حملت 9 شهور وتعبت عليك واذا مرضت جلست عندك لين تشفى والشفاء باذن الله تعالي يعني الصراحه صارت الي يقولي شايب ولا عجوز اقول عقلك صغير مع السلامه وانتظرو برنامج 98 القادم وهذي \ الحلقه الثانيه الصراحه ماتحمسون احد يتعب ويكتب باي |
هههههههههه صدقت يابو محمد يقول اذا كتبت وتعبت محد رد عليك |
والله صادق هالظاهره منتشره احس انها تدخل من ضمن يلعن امك ومدري وش واغلب اللي يقولونها بزارين وماخذينها من اصدقآء السووء آستغفر الله بس الله يهدي هالفئه منهم يسلمو ع الطررح لاهنت .. |
SnIpEr-787 .. يعطيك العافيه اخوي على طرح شي منتشر بهالوقت .. بصرااحهـ انا اشوف اللي يقولونه كلهم مبزراهـ او مراهقين وهذولاء يسمعون بالتقليد الأعمى .. الله يهدي الجميع بس .. شكرآآ على الطرح.. |
انا اشوف مافيها شي انا يقولي ابوي رح لم خويي الي هو خويه وقله يسلم عليك الشايب وسو كذا اما الام لا تبقا ام لاعجوز ولاهم يحزنون هع مشكوووور |
يعني انا اشوفها كلمة عفوية ..! بس اذا كانت على هالكلمة وبس .. زين ياخي ..ّ اهم شي البر والي بالقلب .. مو لازم الي برا ..! والشايب ..! يعني شاب عليه الزمن ونال منه ما نال ..! واعتقد لو يقولها .. كل يوم اهم شي البر ..! واكيييييد من المفترض انهم يخلونها .. تأدبا واحتراما .. لهم ..! |
ياكثر ما صار نقاش عن ها الموضوع واشوف ان الكلمة تختلفمن شخص لاخر بعض العوائل عادي عندهم بس الافضل عدم قولها لكنها ليست قضية حسب ما اعتقد . شكرا لك اخوي وهدي اعصابك شوي :D |
وعليكم السلام ورحمة الله وبركاته الله يعطيــك العافية وأشكرك على هـ الموضــوع . ممكن يكون هالمصطلح غريــب عليك شوي، وبصراحة أنا كنت أنقــد على اللي يسمي أبوه " شــايب " وأمه " عجــوز " .. لكن طبعاً بعد البحث والتحري :d .. اكتشفت أن المصطلح عادي جداً "بالنسبة للي يقوله " وما يمثل انتقاص أو اللي يقولها ما يعني انه منزعج أو أنه ما يحترم والدينه .. ويمكن تلقى الوالد نفســه مثل ما ذكر أحد الإخوان اللي قبلي يسمي نفسه " الشـايب :d " .. وتلقى بعضهم لا منه سلم عليك قال لك " شلونك .. شلون شايبك " ووبس ^^ .. |
شكرا على المرور جميع لكن شايب وعجوز تحس فيها قله احترام والرسول وصا بالبر الوالدين يعني وش بتخسر ان قلت ابوي ولا امي عموما شكرا وانشالله يروح هذا المصطلح من السعوديين ( مافي امل ) |
شي عادي جدآ أني أسمي أبوي الشايب لأن أبوي أصلآ كبير في العمر فوق الخمسين غير كذا ياخي الشيب تقدير مهوب إهانه ولاتقلل من قدر أبوي بس الأم لا ما أقولها العجوز تبقى أم |
إقتباس:
هذا يعني يقلل من قدر أبوي بالعكس مافيها أي شي وهي تختلف من مجتمع الى مجتمع |
عموما شكرا على المرور ونتحرم وجهات نظركم طيب سؤال ليش تسميه شايب مو ابوك ..! صح لو انه ولد عمك ولا غيره لكن ابوك |
أعتقد إذا الواحد ودّه يقدّر أبوه ويعطيه هيبته اللي يستحقه مايقول مثل هالكلمة قدّام أي أحد شكراً لك عزيزي :) |
88 هذا هو الكلام عين عقل اشكرك على دك وهذا دليل على كبر عقلك |
... هي كلمة عفوية وصارت للاسف دارجة في ايامنا بس يضل الاحترام موجوود هذا اهم شي عوااافي ... |
| الوقت المعتمد في المنتدى بتوقيت جرينتش +3.
الوقت الان » 04:48 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd