الله يعينكم
بس لايكون هذا عذر تحطونه عشان ماتحظرون ..

هو بس الخراب بهذه اعلم اخي الفاضل شيء واحد ما دام الهلال بقمة جاهزيته فهناك من يعمل لسلب اي شيء منه
هم لا يعطونا من سيأتهم حتى تنتظر حسناتهم .....
يا خوفي بكرة يطلع قانون علينا ندخل المباريات بدون ملابس المعسل دخل الملاعب وهم يحاربون شعار الهلال
الخطابات السوقية يتراشق بها بعض روؤساء الاندية بين قطع الغيار و التشليح وهم يمنعونا من شعار الهلال
المنشطات لها طريق أخر اسهم فلونزا الخنازير ولم يعلموا انه لقاح وليس منشط وهم يمنعونا من شعار الهلال

المشكلة ان الدول المشاركة بالبطولة لم تمنعنا من حمل شعارنا ونحن نمنع في أوطاننا

ترى اسهم الهلال السعودي وليس الإيراني او الكوري خلاص بنغي اسمه

فكرة قل لهم انا جاي اشجع الهلال السوداني مو السعودي صدقني محد يوقفك .
مهزلة وللعلم لن تكون آخر مهازلهم

شكراً أخوي ع طرح الموضوع اولاً نبارك لجميع الجماهير الهلالية الفوز وأما بالنسبة ع منع دخول شالات هلالية أو أو أو .......الخ
فهذا شيئ واضح هو تطفيش الجماهير الهلالية وللأسف يوجد عندنا رجال أمن تلاقي الواحد منهم لمن تجي تكلمه لأزم يعني تحسسه أنه مسؤول وما يعرف كيف يتعامل مع من حوله أقول القله منهم وليس كلهم ما أدري شكلها المشكله بس في ملاعب الرياض

لابد من تدخل الاداره الهلاليه بهذه المر وبالتوفيق للجماهير الحاضره لمساندت الزعيم

حسبي الله ونعم الوكيل بس ...
انا اخووي حاظر ومعه اثنين وانا ناوي احظر بس ماكنت في الرياض ..
دااق علي قبل صلاه المغرب يقولي ان اللي يفتشوون مانعين اي علم او شاال فييه كتاابات سوا اسم لاعب او كتبه موبايلي او اي شي ..
ومسكرين البوابات عليهم مادخلوهم الواجهه يقولون ممنوع مليانه والواجهه اللي فووق مسكرينهاا مابعد فتحوهاا يقولون لين تكتمل الواجهه اللي تحت ..!!
ومافتحو البوابات الا قبل اذان العشاء بنص ساعه ..!!
وين المسؤلين عن هذي التصرفاات وحركااات التطفيش للجمهوور ,,,,

وش اقول بس , اليوم اخذت الصغار بفرحهم ومعي اخوي

المهم اذن العشاء وطلعت اصلي ,, ما اخذت دقايق معدوده ورجعت

الا ابوالشباب مقفل البوابة ,,, ليه اوامر عليااا

ياخي مكاني هناك ومعي الصغار ... يقول مكانك ! هو مكتوب باسمك

اقوله ياطويل العمر طلعت اصلي وبرجع

يقول توك تصلي الحين ,, ليش ماصليت قبل شوي

يا اخ , يا بش مهندس

معي اطفال ... يقول المدرج مليان ومافيه مكان عشان ادخلك

المشكله اقل شي 300 كرسي لاني باخر بوابة في الواجهه والكراسي الي جنب

كرسيي 11 كرسي فاضي عديتهم يوم دخلت

إقتباس الرسالة الأصلية كتبت بواسطة غصب اكون هلالي اولاً وش دخل قطر في الموضوع؟ ثانياً ماتبي تحضر براحتك ترى ما وقفت عليك اذا عندك ملاحظات من بعض الممارسات اللي تصير في الملعب تكلهم عنها وراح تلاقي كل الدعم من المنتدى واذا الموضوع يستحق اكيد بيوصل للاداره الهلاليه ويتم دراسته بعدين وش رايك تستمتع بالفوز والمستوى اللي قدمه الهلال...واترك عنك النرفزه

اقول وش رايك تروح لبيتكم

الف مبرووووووووووووووووك الفوز

إقتباس الرسالة الأصلية كتبت بواسطة الشيباني(الشلهوب10) وش قصدك من لاحد يحضر شكلك مقهووور من كثافة شعب الهلال هههههههههههه الله يهديك بس خل عنك الحركات حاضرين حاضرين وعلى قلبك

بالله استغرب من ردودكم الرجال زعلان ويبغى يحل هالمشكلة
وشفيكم مافهمتوا قصده واضح ولولا حبه للهلال ورغبته في حضور مبارياته ماقال هالأشيااء
الله يهديكم بس

معذرة أخوي د.أبو عبدالرحمن لأني رديت بس والله ردودهم تنرفز وترفع الضغط وتخلي الواحد يرد على كلامهم غصب
أعتذر منك مرة ثانية
تحياتي

يا غالي المفروض تتعود على هذا الشي عارف ليه
إنت هلالي ويا مكثر حسادك لكن ما نقول إلا الله يجعلها في وجوههم
واتمنى من الإدارهـ الإلتفات لهذا الموضوع ... مشكور اخوي على طرحك
تقبل مروري

يعطيك العافيه ع الموضوع

كلامك صحيح انواع التطفيش

لازم نشوف حــــل



((((((الحمدلله إني هلالي)))))))

حسبي الله ونعم الوكيل ولا حول ولا قوة الا بالله

مبالغة زاااائدة وزائفة
نرجسية و لا أحد يكلمني ولا يلمسني
شفنا برنامج 99 وما يحدث في مدرجات الملاعب وما يواجهه رجال الأمن من ضغوطات
خلو الدلع شوي يا جمهور الرياض