أعرف هلاليين كثييييييييييييييييييير مايحضرون للإستاد بسبب الامن

ياخي حتى عصير ربيع ممنوع تدخل فيه المدرج

تخيل حتى الشال اللي مكتوب عليه اسماء اللعيبة ممنوع
المسموح فقط شال مخطط ازرق وابيض

امس الجمهور اللي برى مادخلوهم يمكن 7 آلاف

كل الواجهه مسكرينها يقولون فل

حسبي الله ونعم الوكيل ولا حول ولا قوة الا بالله

اتمنى تثبيت الموضوع حتى يكون له صدى عند الادارة
لي 12 سنه لم احظر مباراة في الملعب والسبب تعامل رجال الامن
وما اسمعه عن تعاملهم الهمجي

يارجال والله ان ملاعبنا ماحولك احد انواع الهمجيه للأسف من العسكر ومن بعض الجمهور

يستخدمون بعض الاشياء في همجيه

المفروض عشان الهلال تتحمل اي شئ لو تحب الهلال صحيح طفشهم هم يبون يطفشون جماهير الهلال تبي رغباتهم تتحقق لهم

اكيد لا صح طيب لاتخلي مباراه للهلال الا واحضرها للعيون الزعيم الاسيوي

تحمل . . . . . عشان الـــــــــــــــــــهلال

يستاهل التثبين


والله يعيينا بس


شكرا اخوي

هههههههههههههه من جد رحمتكم

لايهمونك اخوووووووووو ,,,,

اهم الحظور وتشجيع الزعيم ....

حتى العصير تراا ممنوع ,,,ماقووول غير الله يصبرنا بس

انا معاك بكل كلمة

بسس انا اشوووفها مو استقصاد..!! يمكن همجية في العمل...

والتعامل هنا بمزاجية مافيها نظام ولا محاسبة...


بالاخير مبرووك الـ3 نقاط

تحياتي لكم

قسم بالله كرهت احظر !

كم مره صبرنا لكن كل يوم يرفعون الظغط اكثر !!

اجل اي شال مكتوب عليه موبايلي ممنوع .......؟!

وش يحسون به ذا الدروج...؟!

قسم بالله مالوم اللي مايحظر بعد اليوم !

لازم رجال الهلال يتحركون ويفكوننا من هالمهازل اللي تصير !

مع احترامي لك مو عذر ..

يا الله في عله

ألف ألف ألف شكر للأخوان اللي ردوا وبالفعل حسيت إننا شعب هلالي واحد .. وكذا واحد قال انه ترك من زمان الحضور عشان التطفيش اللي صاير وهذا مقصدي الأول من كتابة الموضوع اني احذر من هالشي.. بس عشمنا في الادارة الهلالية بعد الله كبير في انها تحاول تعدل الوضع اللي صاير

وبالنسبة للأخوان اللي يقولون أحضر بالنسبة لي أنا ما أقدر إني ماأحضر ولا مباراة للهلال بس في الرياض خلاص احس انها صعبة .. أحيان اشوف بعض الجماهير تجيهم بعض الاستهزاءات من المفروض اسمهم رجال أمن .. ويبلعونها مجبرين .. بالنسبة لي لو صارت لي ما أقدر أبلعها وبأتمشكل ولايندرى وش العاقبة بتصير .. فعشان اتحاشى المشاكل أحاول إني ما أحضر .. بس فيه بعض العينات ردت ردود مالها دخل بالسالفة وودي أعقب عليها

إقتباس الرسالة الأصلية كتبت بواسطة الشيباني(الشلهوب10) وش قصدك من لاحد يحضر شكلك مقهووور من كثافة شعب الهلال هههههههههههه الله يهديك بس خل عنك الحركات حاضرين حاضرين وعلى قلبك

ههههههههههههههه ..
أولا : اتحداك ثم اتحداك تقتبس لي نص من موضوعي طالبت فيه الجماهير بعدم الحضور .. بس شكلك ياماتعرف تقرأ أو تحب تسوي مشاكل .... وبعدين يا أخ يامحترم ترا أنا يمكن أشجع الهلال قبل أنت لاتدري وش الدنيا .. والحمد لله في البيت عندني شالات هلالية قديمة جدا .. وهذي تدل على إني أحضر من أيام ما كان أبو هنود يدورون في المدرجات ببسطات العصير والفطاير ... عيب الطريقة اللي رديت فيها .. وطالما إني أتكلم باحترام لازم ترد باحترام وتوضح وجهة تظرك بدون محاولات انك تجردني من هلاليتي يامحترم..

إقتباس الرسالة الأصلية كتبت بواسطة monster مبالغة زاااائدة وزائفة نرجسية و لا أحد يكلمني ولا يلمسني شفنا برنامج 99 وما يحدث في مدرجات الملاعب وما يواجهه رجال الأمن من ضغوطات خلو الدلع شوي يا جمهور الرياض

بصراحة شي سخبف منك إنك تتكلم عن مشجيعن بمثل الأسلوب .. جمهور الرياض له وقفاته الكبيرة وماتكلم إلا بعد ماشاف اللي محد شافه .. والموسم هذا بالصور نقلت وش صار لنا في مباراة نجران ومباراة الوحدة.. .. بس لو الله يفكنا من العينات أمثالك كان حنا بخير يا بودلع

إقتباس الرسالة الأصلية كتبت بواسطة راكــــان البرنــس14 مع احترامي لك مو عذر .. يا الله في عله

عزيزي أنا وضحت وجهة نظري وضحتها وقلت الحضور في مدرجات الرياض بالنسبة لي صعبة صعبة .. وضجت أسبابي وأنا مقتنع بها .. احترم لك رايك .. وبالنسبة لـ علة مادري وش تقصد ؟؟!!! بس أخلي تفسيرها لأخلاقك