أخذنا الدوري وبعده كاس ولي العهد .. ولعبنا في الآسيويه . والدوري للحين ماخلص ( تصدقون ) - نادي الهلال السعودي - شبكة الزعيم

ابو طـــــلال · #1 08/03/2010, 01:07 PM

كبير ياهلال ....

الناس ( تطحس ) بالدوري ..... وحماس وتصريحات نارية ... وردود مولعة . ومادخلات بالجولة ... وتشكيك في مساء الرياضه ... وتقارير في برنامج المرمى .... وهذا قال .. وهذاك رد ... وحنا نبي الثالث ... والثاني يخاف من المركز الخامس ... وناس تستعد للهروب من الهبوط ..... وشقلبه مالها اول من تالي ...

كووول ده بيحصل ... والزعيم حاصل على الدوري وليته وقف .. قال دامكم للحين بالدوري بروح أخذ كاس ولي العهد وارجع اشوف وش صار عليكم ... !!

رجع الزعيم ومعه بطولة الدوري وكاس ولي العهد ..... لقاهم للحين بالدوري يبحثون عن تحسين المراكز ..

قال أجل بعد إذنكم بدخل البطولة الآسيويه إنتم شكلكم مطولين .... راح ولعب مباراة في البطولة مع نادي السد .. صكهم ثلاثه ورجع ... قال يمكن خلصوووا ...

وللحين يتكتكون على مراكز من الثالث وإنت رايح .... واخر مركزين للحين ماحسمت امورة ...

شفتوا الهلال كيف بطل ؟

===

الفلوووس مهيب حلال ... او مافيهن بركة ... او النيه سيئه ... او دعوات مظلوم ..

المهم .. نادي يدفع مبالغ كبيرة جدا ... وفي أول مباراة تجية إصابة قوية تبعده عن الملاعب أو تجيه مشكلة ويطلع ... وتتكرر هالحاله مع اكثر من لاعب ... وش تفسيره ؟
علاء الكويكبي ....
أحمد عيد ....
حسين عبدالغني ...
يوسف الموينع
سعد الحارثي
السهلاوي
مع أمنياتي للجميع بالشفاء العاجل ... لكن شي عجيب معقولة مانتبهوا له النصراويين

=====

حتى اللاعبين الاجانب يدفعون لهم مبالغ خرافيه وبالأخير مايجيب ولاهدف موسم كامل .. واخذ جائزة اكثر واحد يوطي الكورة ... هذا ربيع العماني ..

فيه مشكله ....

والإدارة مازالت تنتهج أساليب التحقير .. وتقزيم الآخرين وآخرتها الحزم ..

=====

حسين العتيبي .... أخطاء في عرض مشكلته في الإعلام وهذي مهيب عوايد الهلاليين ... اتوقع من هنا بدأت المشكلة ...

أخوكم الصغير ابو طلال

لبيه وش ذا الحكي · #2 08/03/2010, 01:12 PM

الحمدلله على كل حال

تبقى الزعامه هلاليه الى اشعار اخر

ابو طـــــلال · #3 09/03/2010, 07:21 AM

إقتباس

الرسالة الأصلية كتبت بواسطة لبيه وش ذا الحكي


	الحمدلله على كل حال تبقى الزعامه هلاليه الى اشعار اخر

يستاهل الحمد ...

بالتوفيق للزعيم في باقي البطولات

وشكرا لك ولمرورك يالغالي

===

إقتباس

الرسالة الأصلية كتبت بواسطة عاشق ســ6ــام


	الله حي شآيبنآ <<~~~ هذا الي يبي يكبركـ اما الهلال يخزي العين مآشآء الله <<~~ فيه عرق لبناني ـ مآ قول غير الله يفكنا من الخطط المدروسه وإن شاء الله كأس الملك هلالي بإذن الي مآ تنآم عينه وكأس آسيآ بإذن الله معآهـ اما جيرنآ ـ فاللهم لا شمآته يعطيك الف عآفيه يابعدي ع الموضوع الكويس مثلك ـ لآهنت يآخلفهم ^ـ*

تحيا وتدوم

والله لايضر هلالنا .. هالموسم بدّع الهلال في كل شي ... فنياّ .. إدارياّ ... جماهيرياً ... في كل شي

والله يوفقة في باقي بطولات الموسم ..

يامرحبتين يالغالي

===

إقتباس

الرسالة الأصلية كتبت بواسطة مستـ عزوووزـــر


	هههههههههه مشكوور وصدقت والله وبالتوفيق للهلال يارب

العفو يالغالي .. وتسلم على مرورك وحضورك

وبالتوفيق للزعيم في مباراته القادمة والقادم من البطولات

===

إقتباس

الرسالة الأصلية كتبت بواسطة سعودالرياض


	كووول ده بيحصل ... والزعيم حاصل على الدوري وليته وقف .. قال دامكم للحين بالدوري بروح أخذ كاس ولي العهد وارجع اشوف وش صار عليكم ... !! ههههههههههههههههههههه ...................................................ز الفلوووس مهيب حلال ... او مافيهن بركة ... او النيه سيئه ... او دعوات مظلوم .. برضو :: ههههههههههههههههه وأنا أبصم لك بالعشر إن كل هالأمور مجتمعه ألف شكر أبو طلو لبى قلبك .

الله يجعلنا وإياك من اللى فلوسهم حلال وفيهن بركه .. ترى البركة اهم شي .. قليل بهن بركه ولا كثير فيهن ( سحت )

تحياتي لك ياخلفهم ... وشكرا لحضورك

===

إقتباس

الرسالة الأصلية كتبت بواسطة زعــيــ511ــم


	ههههههههههههههههههههههههههههههههه مشكوووووووور يالغالي لاهنت

العفو ياعم وبالتوفيق للزعيم في مباراته القادمة

===

إقتباس

الرسالة الأصلية كتبت بواسطة wem11


	هههههههه تشوف انت الناس رقت لسطح القمر وذولا دوري اللهم لا شماته يارب اكتب لنا بطولة آآآآآآ سياء بعد ماخذنا الدوري ووولي العهد ييارب<<<<<<<

هلابك والله ...

والله الإستعداد ممتاز ... ولاعبين نجوم .. وإدارة محترفة .. ومدرب داهية ...وخلفهم جمهور عاشق .. وأضف على ذلك التخطيط السليم والنيه الطيبه ... يعني البطولات الجايه من نصيبنا بإذن اللله

تحياتي لك ياعم

عاشق ســ6ــام · #4 08/03/2010, 01:17 PM

الله حي شآيبنآ <<~~~ هذا الي يبي يكبركـ

اما الهلال يخزي العين مآشآء الله <<~~ فيه عرق لبناني *ـ*

مآ قول غير الله يفكنا من الخطط المدروسه وإن شاء الله كأس الملك هلالي بإذن الي مآ تنآم عينه وكأس آسيآ بإذن الله معآهـ

اما جيرنآ *ـ*

فاللهم لا شمآته

يعطيك الف عآفيه يابعدي ع الموضوع الكويس مثلك *ـ*

لآهنت يآخلفهم ^ـ*

مستـ عزوووزـــر · #5 08/03/2010, 01:17 PM

هههههههههه مشكوور وصدقت والله

وبالتوفيق للهلال يارب

سعودالرياض · #6 08/03/2010, 01:19 PM

كووول ده بيحصل ... والزعيم حاصل على الدوري وليته وقف .. قال دامكم للحين بالدوري بروح أخذ كاس ولي العهد وارجع اشوف وش صار عليكم ... !!

ههههههههههههههههههههه

...................................................ز

الفلوووس مهيب حلال ... او مافيهن بركة ... او النيه سيئه ... او دعوات مظلوم ..

برضو :: ههههههههههههههههه وأنا أبصم لك بالعشر إن كل هالأمور مجتمعه

ألف شكر أبو طلو لبى قلبك .

زعــيــ511ــم · #7 08/03/2010, 01:19 PM

ههههههههههههههههههههههههههههههههه

مشكوووووووور يالغالي

لاهنت

wem11 · #8 08/03/2010, 01:20 PM

هههههههه تشوف انت الناس رقت لسطح القمر وذولا دوري اللهم لا شماته

يارب اكتب لنا بطولة آآآآآآ سياء بعد ماخذنا الدوري ووولي العهد ييارب<<<<<<<

هـلالـي @ · #9 08/03/2010, 01:20 PM

باختصار مافيه زعيم غيرررررر الهلال ,,,

ابو طـــــلال · #10 09/03/2010, 04:43 PM

إقتباس

الرسالة الأصلية كتبت بواسطة هـلالـي @


	باختصار مافيه زعيم غيرررررر الهلال ,,,

خير الكلام ماقل ودل

شكرا يابطل

===

إقتباس

الرسالة الأصلية كتبت بواسطة alsamh


	اول شي الحمد لله على هذا الانجاز الحمد لله والشكر على البطولتين ------- ثاني شي ههههههههههههه هههههههههههه قسم بالله اني تفشلت يوم قريت كلامك الحمد لله اني هلالي بس واهم شي التصريحات الناريه الله يهديم بعض الناس قلبوها صناعيه مشكور اخوي ابو طلال على الطرح الرائع

إيه والله ويستاهل الحمد .. بطولات وإدارة ولاعبين وجمهور .. نعمة من الله

والشكر لك على حضورك ومرورك ولاتحرمنا منه يالغالي

===

إقتباس

الرسالة الأصلية كتبت بواسطة البدائع بلاد الروائع


	يعطيك العافيه ابوطـــلال والله 000الضرب بالميت حـــــرام والله000 مساكين يحزون بالنفس الهلال ماترك شيء بالمحليات غير بطولة الاولمي من الطبيعي نادي يفرق عن نادي وادارة تفرق مع ادارة اجــــــــــــل قال دامكم للحين بالدوري بروح أخذ كاس ولي العهد وارجع اشوف وش صار عليكم دمت بود بو طلالولاتحرمنا من مواضيعكـ

هلا وغلا بأخيي .. وينك والله ولهن عليك

لاتحرمني إنت تكفى من حضورك ...

===

إقتباس

الرسالة الأصلية كتبت بواسطة افراق


	\ كاتب رائع وطرح مميز تشكر عليه الف شكر وبكل تأكيد نتطلع للمزيد من ابداعاتك احترامي لك \

الله يسعدك يالغالي حضورك شرفني

والروعة في تواجدك .. لاتحرمني إياه

===

إقتباس

الرسالة الأصلية كتبت بواسطة زعيم وين ماراح


	ههههههههههه بالله للحين ماخلص الدوري تصدق نسينا إن الدوري شغال للحين لكن المفروض يوقفون الدوري ويسون قرعة للمراكز طبعا من الثاني للرابع احسن لهم من لعب مباريات وحجوز طيران واصابات وكروت وناس متحمسه وتصرح وخشينا على الصناعية وقطع الغيار والتشاليح ههههههههههه اللهم لك الحمد اني هلالي وبالتوفيق للزعيم في البطولات المتبقية تقبل مروري السري

ماخلص الدوري .. ويخططون من الحين للبطولة الآسيويه حقت السنة الجاية ؟ وحالتهم حاله .. الله يرفع عنهم بس

فعلا المفروض خلاص يقفلون ملف الدوري ويعطون كل نادي عشرة آلاف وإنتهينا .. ماتسوى علينا نسمع هالتصريحات السخيفة من بعض مسؤولين الأندية

شكرا لك يالسري

===

إقتباس

الرسالة الأصلية كتبت بواسطة هولآإلي ~


	مشاءالله لا اله الا الله . اخوي ياليت تذكر الله . ونشكر الله . . ونترك التشمت بالفرق الثانيه ونكون يد بيد مع نادينآ [ نادي القرن ] . صحيح اعجبني اسلوبك . . ههههههههههههههههههههه . . بسسس الصراحه ماودي تقلب علينا ويبلنا الله.

ماشاء الله لاإله إلا الله . الله لايضره

>> تصدق خفت يجينا ماجاهم

عاد مصيبه إن قلبت علينا خربت ... الله لايقوله

بالتوفيق لزعيمنا بكرا ... وشاكر لك حضورك ياكبير

===

إقتباس

الرسالة الأصلية كتبت بواسطة قرقاص


	هلا وغلا ابوطلال الأسبوع اللي فات مريت من جهة ملعب الملز واشوف الأنوار مولعة وجماهير في المدرجات وناس متحمسة قلت للي معي وكان نصراوي بس عاقل وش عندهم ذولي!! يلعبون الأسيوية ؟؟؟ قال بلا مسخره هذا النصر والحزم يلعبون مؤجله من دوري زين قلت الى الحين هالدوري ماخلص ؟؟ اتذكر من زمان مرة احتفلنا فيه ونسيناه واخذنا عقبه بطولة ونسيناها وذولي يلعبون في نفس الدوري فرق في الطموح الحمد لله اني هلالي الجزء الثاني من موضوعك أعتقد أن السبب النية !!

هلابك مليوووون قرقاص ولايسدن على قولة ربعنا المجاورين

شلونك ياخلفهم ... عقب الخضرمة وإنت مالك شوفة ....

عاد العيارة لعبتك ... تقول تمر وتشوف المبات مولعة حقت الملز هع هع هع هع

عساني منيب نصراوي عنك

أما الجزء الثاني
وأتوقع النيه ... اللى ماتغيرت والغريبه مايتعلمون

ولو إني مااستبعد إن سببها جميع ماذكر هع

تحياتي لك يالغالي ولاتحرمني حضورك

alsamh · #11 08/03/2010, 01:21 PM

اول شي الحمد لله على هذا الانجاز الحمد لله والشكر على البطولتين
-------

ثاني شي

إقتباس


	الناس ( تطحس ) بالدوري ..... وحماس وتصريحات نارية ... وردود مولعة . ومادخلات بالجولة ... وتشكيك في مساء الرياضه ... وتقارير في برنامج المرمى

ههههههههههههه هههههههههههه قسم بالله اني تفشلت يوم قريت كلامك الحمد لله اني هلالي بس واهم شي التصريحات الناريه الله يهديم بعض الناس قلبوها صناعيه

مشكور اخوي ابو طلال على الطرح الرائع

البدائع بلاد الروائع · #12 08/03/2010, 01:22 PM

يعطيك العافيه
ابوطـــلال

والله 000الضرب بالميت حـــــرام
والله000 مساكين يحزون بالنفس

الهلال ماترك شيء بالمحليات غير بطولة الاولمي
من الطبيعي نادي يفرق عن نادي وادارة تفرق مع ادارة

اجــــــــــــل
قال دامكم للحين بالدوري بروح أخذ كاس ولي العهد وارجع اشوف وش صار عليكم

دمت بود
بو طلالولاتحرمنا من مواضيعكـ

الـــمــطــيري · #13 08/03/2010, 01:28 PM

[COLOR="Navy"]مــشــكور اخي على الموضوع الرائـــع

والـــزعــيــم يبــقــى زعــــيـــم

[

/COLOR]

Sultan | سلطان · #14 08/03/2010, 01:37 PM

\

كاتب رائع وطرح مميز تشكر عليه

الف شكر وبكل تأكيد نتطلع للمزيد من ابداعاتك

احترامي لك

\

زعيم وين ماراح · #15 08/03/2010, 02:24 PM

ههههههههههه بالله للحين ماخلص الدوري تصدق نسينا إن الدوري شغال للحين

لكن المفروض يوقفون الدوري ويسون قرعة للمراكز طبعا من الثاني للرابع احسن لهم

من لعب مباريات وحجوز طيران واصابات وكروت وناس متحمسه وتصرح وخشينا على الصناعية

وقطع الغيار والتشاليح ههههههههههه اللهم لك الحمد اني هلالي وبالتوفيق للزعيم في البطولات المتبقية

تقبل مروري السري