شباب ما تحسون انكم كبرتوا موضوع طلعة الريال ؟؟

حسيت ان فيه رابطة لليون هنا .. !

خلاص نادي طلع وانتهى الموضوع اللي يجي يحطلي بطاطس ويحط لي مدري ايش !

ارتقوا بفكركم .!

بعلق عل جزئية بسيطه واللي هي
اللي يقول مانشستر الى الان مااختبر اختبارحقيقي
اذا كل هالفرق القويه اللي لعب معها مانشستر ولسه مااختبر
اجل متى تسمونه اختبر ...............؟؟؟؟

ابي رد مقنع مو تذب كلام وتمشون ..!!

إقتباس الرسالة الأصلية كتبت بواسطة MANU10 بعلق عل جزئية بسيطه واللي هي اللي يقول مانشستر الى الان مااختبر اختبارحقيقي اذا كل هالفرق القويه اللي لعب معها مانشستر ولسه مااختبر اجل متى تسمونه اختبر ...............؟؟؟؟ ابي رد مقنع مو تذب كلام وتمشون ..!!

حياك الله

اولا انا قلت انه ماختبر في دوري الابطال لانه بدور المجموعات مجموعته سهله ولاننا تونا متعدين دور
16
وبالنظر للمستوى والنتائج مع الميلان يبين ان الخصم ماهو جاهز ... والفوز وان كان كبير لكن مايعني ان المان بكامل جاهزيته (بغض النظر عن اسم الخصم ) . وبنفس الوقت مايعني ان المان ضعيف او من الكلام اللي فكرتبه انت .
وعن ذب الكلام والمشيه يالغالي اليوم خميس >>
لكن تاكد ان الكلام اللي اكتبه انا قده وبالاخير يبقى رئي يحترم .

بس ابيك تقولي وشي الفرق القويه اللي واجهه المان هالموسم ..؟؟!!

إقتباس اتفق معك وبقوة..! اصلآ المفروض نقول هالكلام من طلع المهووول من البطوولة..! مانشستر..تسلسي..البايرن..الانتر..ارسنال..كلها اندية ما هي كفوو للبطوولة..!

هالانديه اللي انت قلت كله كبيره واحترمه واحترم جمهوره
لكنه بالاخير ماتعنين

البارشا هو الوحيد الباقي

وانت قلته طلع المهوووول ولحقه الممتع .... مابقى الى الاصل وهو كفو (كبير ويعنين )


بالاخير مبروكـ التاهل تستاهلون (مايختلف عليه اثنن )
لكن نبي نشوف من تواجهون وبعده يبي يثبت انا غلطان ولا معي حق

الاختلاف بالرئي لايفسد بالود قضيه
يبقى اللي بيننا اكبر من جميع هالانديه

للجميع

عقده يا ريال عقده
الـ 16 صار فال عقـده لك ..
تستمر من 2004 عقدة الـ 16
كل أمل الـ أسبآن على البرشششششلونه الذي لطالما رفع الرؤوس

كتبت رد طويل وعريض لكن راح
المهم توفي حبيبي الخساره امر وارد بكرة القدم وريال مدريد لاهو اول فريق ولا اخر فريق
يخسر ويطلع من دور الـ 16 ولكن بصراحه انت مزودها شوي بردودك استهزئت بما فيه الكفايه
ومااظن في سبب واحد يخليك تسبب حزازيات بينك وبين اخوانك المدريدين
برشلونه جلس فترة خمس او اربع سنوات يبني بالهفريق وفي هذا السنوات البرسا كان غير مطالب
انه يحقق البطولات ولكن هيا مرحلة اعداديه ومثل ماشفتم مرحلة اعداد الفريق اثمرت النجاح
6 بطولات في موسم واحد
وكذلك الحال مع مدريد لكن مدريد الوضع اصعب شوي بحكم انه مجدد 8 لاعبين بالفريق
وقريبا سترون مدريد اخر

وفي الاخير اتمنى اشوف فرحتك ذي في حال فوز البرسا

هذا الرد غير قابل للنقاش توضيح فقط

إقتباس الرسالة الأصلية كتبت بواسطة MANU10 برشلونه جلس فترة خمس او اربع سنوات يبني بالهفريق وفي هذا السنوات البرسا كان غير مطالب انه يحقق البطولات ولكن هيا مرحلة اعداديه ومثل ماشفتم مرحلة اعداد الفريق اثمرت النجاح 6 بطولات في موسم واحد وكذلك الحال مع مدريد لكن مدريد الوضع اصعب شوي بحكم انه مجدد 8 لاعبين بالفريق هذا الرد غير قابل للنقاش توضيح فقط

اسمح لي اخوي على المداخله .. بس انت من خذها من باب انه هذا الرد عزيمه على سندويشة كبده

أولا .. لو حسبنا فترة الخمس/الأربع سنوات الا تتكلم عنها عزيزي .. هي فترة جزئيه من فترة رئاسة لابورتا .. فـ أعتقد كلامك خاطئ نسبيا .. لأنه لابورتا مسك النادي وعين ريكارد وفي اول سنه حقق المركز الثاني وثاني سنه حق لقب الدوري .. فـ فترة الفراغ اللي ذكرتها مغلوطه وغير موجوده

لو حسبناها على انه هالفتره .. قبل مايجي لابورتا .. وضمن فترة الفراغ النسبي الا عاشها النادي .. والا كان اخر لقب فيها عام 99 قبل 2004

فـ مااعتقد انه جماهير النادي/الاداره ماكانت تطالب ببطولات وكانت هالفتره تعتبر (فقط) فترة بناء او شي .. فيه فترة بناء لكل جيل صح .. لكن السنوات الا عاشها النادي قبل مجئ لابورتا كانت سنوات اداريه سيئه .. لما تكون عندك اداره سيئه لأي مؤسسه .. آثارها راح توصل لكل اقسامها .. مراحل سنيه .. كرة سله .. كرة يد .. هوكي .. حراس النادي .. حتى منظفين الحمامات وانت بكرامه

نادي برشلونه من أندية الصفوة في أوروبا .. فـ مقولة انه ماكان مطالب ببطولات هي فكرة خاطئه .. لكن لما نقول مانجح في الوصول لأهدافه بل بالعكس كانت فيه أشياء كارثيه خلال الفتره هذي .. هنا كلام صحيح

بالمقارنه مع وضع الريال حاليا .. مااعتقد انه وضع الريال وصل لمرحلة سوء برشلونه في تلك الفتره .. لا على الصعيد المادي .. ولا على الصعيد الرياضي .. لأنه قبل موسمين فقط كان بطل الليغا ..

مجئ بيريز هالموسم .. متزامن مع وجود نهائي دوري أبطال اوروبا في السانتياغو برناباو ..

ايه نعم ! بيريز وادارته وضعت أسس لبناء فريق جديد وقاعد يحاولو يصححو فروع مختلفه داخل النادي .. ايه نعم ! هذا الفريق يحتاج وقت .. ايه نعم ! انه فكرة 250 مليون يورو تتبخر بظرف خروج من بطوله او شي فكره موعقلانيه لأنه مازالت فيه فتره طويله في عقود اللاعب الا شرتها الاداره

لكن على الجهه الأخرى .. بيريز مادفع كل هذا في موسم واحد علشان بس مرحلة بناء .. مايحتاج أحلف .. بس لو كان نهائي دوري أبطال اوروبا في غير السانتياغو هالموسم .. ماراح يدفع كل هالمبالغ دفعه وحده ويجيب هاللاعبين في وقت واحد .. وممكن راح يمشي حبه حبه مثل فترة رئاسته الأولى

فيه هدف رئيسي وواضح للكل .. هذا الفريق الا عملته ادارة الريال هالموسم هو للوصول لنهائي التشامبيونز + تحقيق الثلاثيه .. وهو ماكان موجود ويتردد ذكره من أول الموسم في صحف مدريد .. وهذا الشي الا مانجح فيه هالموسم فريق الريال

فـ أنا اعتقد من هالمنطلق .. الدراجي .. او اي معلق آخر .. او اي عضو .. لما قالوا تبخرت الـ 250 مليون يورو .. موقصدهم تبخرت وكأنها دخان وكأنه هذا الجيل اختفى من الوجود .. لكن القصد انه النادي مانجح في الوصول للأهداف الرئيسيه السريعه الا حاول يوصل لها

تبقى المسألة .. مدى تفهم العضو للمقوله الا يسمعها او يقراها وردة فعله .. هل بياخذها بحساسيه وتعصب او راح يفهم الفكره بالضبط ايش

التركيز الا صار حول صفقاته من مختلف أرجاء العالم .. فقط لابداء وجهات النظر حولها .. لا لكره ولا لتعصب .. ممكن فضول لا اقل ولا اكثر .. الاستثمار يبغى له جرأه ومجازفه وهاالشي سواه بيريز .. خصوصا في فترة سيئه اقتصاديه للعالم ، كان هالمشروع قوي أثره على المتتبعين لأمور كرة القدم .. لكن مسألة الحكم في نجاحها يعتمد على قياس الشخص لفكرة المشروع .. كل مشروع له اهداف على فترة زمنيه قصيره ومتوسطه وطويله .. وحاليا .. الأهداف القصيرة المدى مانجح فيها النادي بنسبة تفوق 50 % تقريبا لأنه باقي لقب الليغا في اليد

ختاما .. فريق الريال الجديد بمقدوره ينجح في أي وقت .. لأنه عنده قدرات خارقه كامنه ..

سلام

إقتباس هنا .. أعتقد من المخجل أن تعطي درجتك لاختبار بطل .. إلى الآن يواصل مشواره في الصراع على البطولات .. وأنت معلم .. حالياً وواقعياً .. تصارع وتحاول أن تضمن لك مكانة على السلم الوظيفي .. وبالدرجة الرابعه كأسوء حل .. للمشاركه مع الفطاحلة والكباااار الموسم المقبل .. دور الـ 16 بحد ذاته يعتبر اختبار قوي .. حتى ولو كان المنافس فيه " نادي هجر " .. فكثيراً من فشل بالإختبار في أبجديات هذه البطوله .. فما بالكـ في من نجح في عقباتها .. ومن أمام أسيادها ..

اعطاء التقييم لايعني المقارنه الحاليه بين المتفوق والمجتهد والضعيف ....

كون الفريق لم يختبر ... الرد على مثل هالكلمات المعتبره حساسه يكون بالمستطيل .. وفي كلامي ماقللت من الفريق المنتصر بقدر مابينت حال الفريق المنهار .

قبل موسمين الانتر متصدر الكالتشيو وبفارق عن منافسيه لكنه بالابطال خرج من دور 16 .... لكن هذا لايعني انه ضعيف بقدر انه خرج على يد فريق لعب دور الاربعه . وكل اللي قيل مستوى الميلان ماكان مشرف للكره الايطاليه وتاريخ الفريق وهذا بدوره ينعكس على الفريق اللي قابله وان الاختبار ماوصل باللقاء الى حد التنافس بين الفريقين يعني لما يتفوق الطالب مايعني انه الافضل قبل مايرجع على من تفوق وهل اصلا الطالب المنافس دخل الاختبار وشارك او انه راح مواصل ولما خش تعب ونام .... !!

بالنسبه لعدم التاهل الليفر ولو انه ماله علاقه بالموضوع .. فالرد موجود .. لكن مابي الموضوع يتشعب
والتاريخ يشهد لبورتو . وحال ميلان والليفر حال الفريق الكبيره تمرض ولاتموت

--



اول شئ بسم الله الرحمن الرحيم .. !


استغرب من الاعضاء اللي يتشمتون بـ الريّـال وميلن .. ؟!

لـ مَـعلوميتك انهم كبـار اوروبـا .. [ الريال بـ 9 بطولات اوروبية .. وانت مآقدرت توصل لـ ربعهآ .. والميلن بـ 7 بطولات ] !
الفيولا .. خسر مـن الحكم لان المُباراة في الذهاب كان واضح الغش فيها ..
الارسنال .. لو اكتب رد من اليوم لـ بكرآ مانيب رآح اوفيّ حق اللي يسمونهم .. " المدفعجية " .. بإذن الله قادرين نحقق الثنائية بـ وجود هـ النجوم الشبّـاب !

الميلان .. اعتقد المُباراة انحسمت من مُباراة الذهـاب .. كان من الممكن ع الاقل يطلعون الميلن بـ التعادل عشان يعوضون بـ الإيآب !

الريـال ،، مادري وش اقول .. بعض اللاعبين قتلتهم الانانية .. [ حرآم يلعب قرانيرو مكان فارت .. وقوتي اساسي ؟ مايصلح اساسي لانه لاعب حسّم ولازم يكون ورقة رابحه تنزله بـآخر 20 دقيقة ] !!


عندي كلآم كثييـر لكن ....

العقول الصغيرة لاحد يلتفت لها .. كلن واثق بإمكانات فريقه ..


تحيتي .. يزيد ..

::أول شي ألف مبرووووك للجميع الفرق المتأهلة
ومتلن هاردلك للخاسرين
أول شي في أحد يفرط بنستلروي ويترك راعول احتياط
أنا ماني مدريدي بس لو اني مدريدي ماراح ازعل من الخروج صراحة
الفريق يبغى له سنة أقل شي عشان يتأقلم يعني اذا الريال اخذ الدوري يكون سوى اللي علية
الشي اللي قاهرني ان هيقوين اللي ضيع الفرص
ليتة كان رونالدو والا كاكا بس شف الحظ ماضيعها الا البيبيتا
بس العوض إن شاء الله في كأس العالم ياهيقوين
وإن شاء الله تستمر عقدة الريال للمدة عشرين سنة قادمة
أجل ليون يطلعكم > خربها

^
^

بإذن الله الانتر بيوصل لربع النهائي
مع أن الفريق المقابل وهو البلوز خطير مره و مايمزح ابداً
لكن نقول ان الانتر يقدر يدافع و يسجل هدف في الشوط الثاني و تنتهي الامور ،

إقتباس الرسالة الأصلية كتبت بواسطة Lover Sami ^ ^ بإذن الله الانتر بيوصل لربع النهائي مع أن الفريق المقابل وهو البلوز خطير مره و مايمزح ابداً لكن نقول ان الانتر يقدر يدافع و يسجل هدف في الشوط الثاني و تنتهي الامور ،

الله يسمع منك باذن الله الانتر يتأهل وياخذ الابطال

^^ ^^ ^^

كلنا أنتر بكره
كامبياسو , شنايدر , مييلتو هم مفاتيح الإنتر بكره

***

إقتباس المشكلة مو في الدفاع !

بعض النظر عن أمس .. هل قوة دفاع الريال مثل قوة هجومه ؟!
هل هذا الدفاع يوازي دفاع مانشستر و أنتر ميلان و برشلونه و الأندية ذي !؟
الريال لازم يجيب مدافعين بالمستوى .. و نفس الشي للوسط الدفاعي .. الونسو ما يكفي الحاله .. و لاسنا ديارا مب قد الريال .. لازم يجي واحد مثل ميكليلي سابقاً .. يظبط الأمور و الريال يصير فريق كامل ..