السلام عليكم

كنت انا واسير الزعيم وتورام وابوحمد جالسين في مقهى الدانه بالرياض دي سي وبينما الحديث يدور حول العاشرة اللي بيجيبها الريال , قلت لهم ان مانشستر يونايتد بياخذ الابطال مرة ثانيه قبل الريال يجيب العاشره , وهذا تعليقا على ان الريال اصبح اقوى بكريستانو ومانشستر اضعف بدونه .

عمر القوه ماكانت في لاعب او لاعبين , القوه فكر وتخطيط ويلزمها واحدن مثل (شايب الهاص اللي يأكل علك على الدكه)

هاردلك للريال ومبروك ليون ومانشستر وارسنال وبايرن .

كتبه وآملاه محماس بن نجر - الولايات الافريقيه المتحده

مشروع بيريز ناجح 100 % و الدليل ان الفريق تطور و لم يخسر رايح جاي مثل العام و الي قبله

بل ان الملايين تمكنت من ادخال الرهبه في هجوم ليون و تسببت في اضاعة آخر انفرادين

و كبير يا الملكي

إقتباس الرسالة الأصلية كتبت بواسطة FLORINTINO اذا رد مثل هذا يطلع من عضو كبير .. وش نقول عن الأعضاء الصغار أو العقليات الطفولية ؟! يا خسـارة بس

إقتباس الرسالة الأصلية كتبت بواسطة FLORINTINO اذا رد مثل هذا يطلع من عضو كبير .. وش نقول عن الأعضاء الصغار أو العقليات الطفولية ؟! يا خسـارة بس

شدعوه يا الغالي .. ترا و ربي على بالي امون عليكم و امزح معاكم

و الا بالله عليك ما تشوف حال فريقي .. يعني ما اردى منكم الا فريقنا

على راسي حبايبي مشجعي الريال

إقتباس محمد هد اعصابك طيب لا تطلع روحك وأنت تكتب الرد ترى راس مالها مباراه وفزتوا فيها يعني ما اخذتوا الكأس باقي المشوار طويل

ياخوي فيه فرق بين مباراه عاديه ومباراه مع الميلان .. اكيد لما تفوز عليهم بأكثر من ما فازوا عليك تعتبرها انتقام شخصي .. وخصوصا اغلب الميلانيه اللي عرفتهم سواء في النت او في اي مكان ثاني صاجيني في ميلان .. يقولون فزنا عليكم وطلعناكم وثلاثه صفر وخذ يا هياط في ذا الميلان وتاريخ المواجهات .. حتى اني شكيت ان الميلان فاز على مانشستر ١٩ مره ومانشستر مافاز الا مرتين .. راس مالها فزتوا خمس وفزنا خمس .. وكذا مالكم مجال بالهياط .. لو فاز مانشستر اليوم ٢ صفر كان قلتوا حنا فايزين عليكم ٣ صفر .. الحمد لله ان النتيجة صارت ٤ عشان مايكون لكم مجال للهياط ابد .. يعني بالمواجهات متعادلين .. واعلى نتيجة صارت لنا ..

انا ما ادري وش جو اللي اذا فازوآ قاموآ يذبون وينبسطون ونحن الفلآويٌة
وااذا خسروآ صارت سماجة و ثقاالة دم.!!!

إقتباس ما ودي أحط أعذار لكن فيه إصابات مؤثره جداً مثل باتو ونيستا

الله يبارك فيك اولآ

برضو عندنا كاريك وبديله اندرسون و ايفانز وجيجز كلهم مصابين..
طبعآ هذولآ المؤثرين اللي ذكرتهم..والا فيه غيرهم

هارد لك مرة ثانية

مانشستر لم يقدم اداء جيد في هذه المباراة .. وكان ميلان الطرف الافضل ولكن عابه بعض الاخطاء البسيطة التي اثرت على الاداء وجعلت مانشستر ينتصر باربعة اهداف فقط .. ميلان الفريق الكبير كان يستحق التأهل لكن احكام الكرة ابت ان تبتسم له هذه الليلة


































تخيّل يالدحمي فريقنا فايز اربعة ونجي نقول كذا .. معليش .. فريقي فايز طبيعي نبي نهايط شوي بعدين عادي هذي الكورة وانا اخوك لكم كم سنة وانتم قاعدين على قلوبنا خلونا ننفس شوي

على طاري الغيابات .. الميلانية يشتكون من غياب نيستا .. اتمنى حسّوا باللي حسينا فيه لما لعبنا اخر مباراتين معهم بدفاع مرقع ترقيع .. كل قلوب الدفاع اوت قبل مباراة الذهاب وبالاياب فيديتش لعب بـ بنج

هاردلك ميلانية


تجي تبي تتكلم عن المباراة ما تدري وش تقول بصراحة .. مع ان اداء الفريق اليوم (خصوصاً بعد الهدف الاول لحد نهاية الشوط الأول) مهو بذاك الزود .. بس الفريق يستاهل التحية .. مو مبالغة ولا تقليل بـ ميلان لا والله .. بس ادائنا مثلاً في المباريات اللي تعثرنا فيها قدام تشلسي وبيرمنغهام كان الاداء الهجومي للفريق افضل من اليوم بكثير والدليل اهداف روني ما تحس فيها مجهود .. سكولز و فليتشر يتمشون اليوم .. و السير يطلع روني بدري

اكثر اللاعبين اللي عجبوني اليوم غاري و بارك .. اداء بطل من الكابتن بالذات .. حشر رونالدينيو .. روني من اللاعبين اللي خلاص تقفل عليه المساحات يضيع وهالشي طبقه غاري .. لدرجه الولد يرجع لنص ملعب فريقه يستلم كورة يلقى غاري مشخص وراه

بارك مركز جديد نسبياً واداء بطل .. بثارته تخليه يقدر يأدي بأي مكان تحطه فيه .. فالنسيا ما شفنا انطلاقاته ورفعاته .. ادواره اليوم دفاعية .. ناني فرق بالشوط الثاني .. باين جاه دش جامد بين الشوطين

اتخيل بس لو كان فيه كاريك و جيجز اليوم وش كان راح يصير .. عموماً اداء ممتاز من الفريق .. اهم شي الحين يبدأ التفكير بمباريات الدوري .. الفترة الجاية مهمة محلياً .. نفكر بالمباراتين اللي على ملعبنا .. فولام و ليفربول .. فولام بكرة وراهم مباراة جامدة مع اليوفي راح تستنزف منهم مجهود كبير .. الحلو بالموضوع مباراة الاياب يوم الخميس بعد يعني تفكيرهم هالاسبوع بيكون على هالمباراة الاهم بتاريخهم حسب تعليقات مدربهم هودسون !!

ايفرا لازم يريح الاحد .. اتمنى


والله مدري وش نبي نسوي بدونك !!

هاردلك لاخوان المدريدين

لازم انهم يصبرون على الفريق الي كله لاعبين جدد

والموسم الجاي مدريد قادم بس لازم الاستقرار الفني والعناصري مع اضافة بعض اللاعبين في بعض المراكز
-----------------------------------------------------------------------------------------------------
هاردلك للميلان العظيم ببطولاته الاوربيه

ميلان خسر من الذهاب وانتهت المباراة والمان ما ترك مجال للميلان للعوده

هنأ للمان بالشايب حقهم الي يروح كل اللاعبين الكبار ويبقي هيبة المان
---------------------------------------------------------------------
الله يالقنرز فوز ومتعه وبخمسه

ارسن فنيقر لاعب بافضل تشكلية للقنرز وياليت يلعبه بالدوري
---------------------------------------------------------
وبالتوفيق للانتر ولبوردو واشبيليا والبرشا الاسبوع القادم

وجهة نظر كتالوني

ألف مبروك عشاق المان وأنا أولهم .. مباراة مجنونة ومستوى خرافي من المان .. تشكيلة البداية وأدوار اللاعبين في الملعب مثالية وأكثر .. محسودين عليك يافريقسون ..

نقاط :

* روني 6 أهداف من 4 مباريات مع الميلان 3 منها بالرأس و 3 بالقدم يعني عدل .. والله قوية .. لبى كلش ياروني .. والله يستر عليك من الإصابة والإرهاق ..

* نيفيل كان على قدر المسؤلية والخبرة لعبة دورها .. وحجر لرونالينهو تحجير إنما ايه ..

* فليتشر وسكولز عوضوا الفراغ اللي مسببه غياب كاريك .. وفليتشر توج مجهودة بالهدف الرائع ..

* ناني وفالنسيا وبارك لعبوا مباراة رائعة ومتكافئة في الهجوم و الدفاع .. خصوصاً ناني مع إنه بغى ينكبنا في كم كورة ..

* الدفاع والحراسة لا جديد .. فيه أحد عنده سار وفيرديناند وفيديتش وايفرا ويخاف ..

* الميلان اليوم كان ( سيلفا ـ بيرلو ـ رونالدينهو ) والباقي صفر على الشمال .. كنت متخوف من فلاميني لأنه سريع في وسط الملعب وبثر لكن الخبرة لها دور ..

ختاماً : أتمنى تكون القرعة في صف المان .. وقلوري مانيو ..


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


بالنسبة لمباراة الريال :

هاردلك جماهير الريال الخروج المر .. كنت أتمنى لكم الفوز لكن الله لم يقدرها لكم .. ماأدري كيف ضاعت هجمتين هيجواين في الشوط الأول ..

عندكم فريق تحسدون عليه .. وإن شاء الله تتفرغون للدوري ويكون من نصيبكم .. وتتوجون للمرة 32 . .

لايهمكم بعض الأعضاء اللذين ينتظروا أي تعثر ليتشمتوا بكم .. فريقكم ريال مدريد العظيم من حقكم الفخر به .. لا برشلونه ولاغيره يصل إلى نصف تاريخ الريال ولا كاريزما الريال ولا اسم الريال ..

لو كنت مشجعاً للريال لكان ذلك كافياً لي للفخر أمام الجميع .. مهما تعثرت وجانبني الحظ ..

رونالدو .. أنت أكثر من حزنت لأجله هذه الليلة ..


موفقين