حكاية : بحثت عن زوجة فوجدت " أوباما " ...!! - نادي الهلال السعودي - شبكة الزعيم

الـمـشـاغـب · #11 10/03/2010, 03:44 AM

ردود الصفحة الأولى

عـز الهلال

هلا وغلا بسفيرنا المغترب

احجز لي معك وحدة من فنزويلا .. بس بعد ما تقنعها بالمسيار

إلا تعال .. أنا قليل ذوق؟

وقسم بالله ما لقيت اسم ثاني أصرف وبعدين أحسن النية

شكراً لمرورك يا فتى

ماجد مقبل
يا هلا ويا غلا بالماجد المقبل غير المدبر حطه السيل من علي

ما أخفيك إني دخت من أبياتك العذبة خصوصاً مع التوفي والشاني

بس ترى حركاتك ما تمشي علي .. تبي تصرّف وما تعلق على الأشياء الطريفة على قولتك .. وجيت تقول النهاية محزنة تنسي كل شي طريف

شكراً لك على المرور والتثبيت إن كانه أنت اللي ثبّت أو أي مشرف آخر

مَاهِينُورْ

هلا وغلا بشعلة النور

حتى أنتي نسيتي كل شي مع النهاية مثل ماجد؟ صدق والا تصرّفين؟

الحمدلله أن القصة طلعت محبوكة مثل ما قلتي

والله خفت من بعض الردود اللي يسمع أصحابها بالتزبيد

خفت أحد يقول مثلاً: معقولة أوباما تلقاها بالطريق بدون حرس وسيارته متعطلة وماجاته مساعدة .. بيسوون مثل سالفة جامعة الطب بالموضوع السابق

على العموم شكراً يا نور على المرور .. والرد في الصفحة الأولى

<< تذكر يوم ما كنتي تردين إلا بالصفحات الأخيرة

عقد الياسمين
هلا ومرحبتين بطوق الياسمين

هي وقفت عليّ أنا بالغياب؟ ما كلّوه يغيب .. الله يرجعهم بالسلامة

حتى أنتي بتغيبين ومحدّش بيشوفك .. لا يكثر بس

شكراً لك يا عقد على الرد الجميل والدعوة الطيبة .. لا خلا ولا عدم

hilalemooot
هلا وغلا بالأخضر هلالي موووت

الله يعافيك يا بعدي ويشرفني ان القصة نالت على رضاك

صدقت في كل كلمة قلتها عن الوالدين الله يجزاك خير .. أعجبتني ترى جملة ( شعور بايخ )

حسيت أنها جات بالغلط

شكراً لك وكل عام وأنت بخير

»ĐЯ .3ĻǾ$Ή«
هلا ومرحبا دكتور علوش .. وينكم ما عاد تنشافون؟

يالله خلنا نشوفك كثير بالمجلس .. خلنا نملّ من وجهك تكفى

شكراً لك على حضورك يالغالي .. لا عدمتك

‏Mr.RęLǻҗ
هلا وغلا بالماصل اللي يسمع بالصراحة والتزبيد وغيرها من قلة الحياء

بموضوعي مصالة؟ .. أصلاً لولا المصالة بالموضوع ما كان قدرت تشوف الطرافة فيه يا ثور

المهم شكراً يا حلو على اعجابك بالموضوع ومرورك الضحل

خلنا نشوفك كل سنة مرة فديتك

YậṡŝєR
هلا ومرحبا بالياسر الكاسر الآسر الماهر الشاطر الساحر

الله يعينك على تقفيلة المخ كلنا نعاني منها

متشكر كتير لا إلك على هيك رد كتير مهضوم زيّك .. فديتك

متابعة بجنون
هلا ومرحبا متابعة بجنون

الله يحييك ويبقيك .. شكراً على الإشادة أخجلتي تواضعي

إلا أنتي بعد ما صرنا نشوفك؟ عسى المانع خير يا مودموزيل !
أشكرك بقوة وعنف وشدّة على مرورك الجميل وتواصلك الأجمل

RO7_ALHILAL
هلا والله ومرحبا روح الهلال

قسم بالله أحسّكم قديمييييين .. مدري هو صدق أنا مغبّر أو أنكم فعلاً ما تجون؟

المهم .. تبي أمريكية وفلّة؟ الظاهر أني عطيتكم وجه وتبون تجرّونا صدق لمستنقع الرذيلة والعياذ بالله

محد يعطيكم وجه ويرسل لكم شي بالخاص

أجل رواية عن شباب الرياض؟ خخخخخخ ايه طيب يصير خير .. والله أن تشوف الهيئة تسوي اتفاقية مع شبكة الآداب في مصر عشان يلقون القبض علي متلبس بحالة إباحية والعياذ بالله ويحرقوني ويحرقون الرواية معي !

الزبدة .. أنت ما فيك خير يا عين أبوي يا أنت

مشكور على مثل هالمرور الحلو .. وكل عام وأنت بخير

Blue Sun
هلا والله وغلا بلو صن

أشكرك قبل كل شي على الاقتباسات في ردك .. لأني أحب الردود اللي فيها الاقتباسات خصوصاً الاقتباسات اللي من الموضوع نفسه اللي أعرف فيها وش اللي عجبكم في القصة ووش اللي ما عجبكم عشان أستفيد مستقبلاً

نجي لردك الحين .. من اللي قال أن الكبسة مضرّة؟ يا أخي أنت حمار والا ايش؟ << بسرعة يقلب

إقتباس


	وش بتفيد الاخلاق وكبدك حايمة ..

هههههههههههههه قوووووية هذي .. وأنا ما قلت شي بكيفك معاهم

الله يعطيك العافية يالغالي على الرد الحلو .. وكل عام وأنت بخير لبى قلبك

هلاليه محترفه
هلا ومرحبا بـ هلاليه منحرفه

أغيب وأرجع بشي دسم؟ الله وأكبر على هالنصب

ما أذكر أني غبت ورجعت بموضوع أو شي دسم .. لا يكثر بس

الحزن إن شاء الله ما نشوفه بأي موضوع جاي .. لكن هنا كنت مضطر له لأن لما أختم بأني رجعت لأمي وبسبب شوقي لها صرت بار بها .. هنا ما بتوصل الرسالة السامية التي أحمل لوائها إلى السادة القرّاء

لكن لما عاشوا القصة وانصدموا بموت الأم حسوا بمرارة العقوق وصعوبة فراق الأم وهذا يحسب للكاتب الجهبذ أنا ..!

المهم بالنسبة لركبة ويلهامسون .. ترى ماهي بفايدته .. فيه أحد يتزوج بركبته؟

يعني الرجال السعوديين ما يهم لون ركبهم أهم شي ألوان قلوبهم البيضاء

يالله شكراً لك على تواصلك الجميل .. وكل سنة وأنتي طيبة

انتهينا من الصفحة الأولى بشقّ الأنفس

إلى ذلك الحين لنا لقاء آخر بإذن الله .. هذا إذا شفتوا وجهي بهالويكند لبّى قلوبكم