مرحبا للزعماء ......................

حسن العتيبي موضوع محير للواقع ............

العتيبي منذ اكثر من 6 سنوات وهو احتياط ولم تفكر الأداره في عرضه او التنازل عنه
اتيحت له الفرصه في كاس ولي العهد وابدع في البطوله وكان سبب رئيسي في
تحقيقها من وجهة نظري كان حارس ومدافع في الوقت ذاته الدعيع مايطلع للكور الأنفراديه
مثل العتيبي وهذا يتفوق العتيبي على الدعيع فيها

..احب الدعيع بس بالعقل نفرط في الدعيع ولا نفرط في العتيبي ..

الدعيع في مباراة السد بدع ورجع عشرين سنه ورا وكل هذا بسبب ابداع العتيبي
في كاس ولي العهد لأنه حس ان العتيبي بياخذ مركزه .....

... طيب بعد الدعيع مين حارس الهلال .... لاتقول بدر الدعيع ولا شراحيلي
هذولي يبيلهم 10 سنين عشان يثبتون مراكزهم

.. من وجهة نظري العتيبي يستحق اكثر من مليون عن كل سنه توقي
.. العتيبي يمتاز بالخروج الصحيح في العرضيات وشاطر بالتصدي للأنفرادات

.. في نظري افضل حارس بالمملكه الدعيع وبعده يجي راضي النصر وبعده يجي العتيبي

..اكبر غلط حصل هو تصعيد موضوع العتيبي للأعلام واعطائه اكبر من حجمه

.. اتمنى يكون التقييم من غيرتس ولا دخل لسامي ولا الأداره بكبرها

...اذا بعد سنه او سنتين اعتزل الدعيع بيدور الهلال عن حارس في حال
التنازل عن العتيبي كم المبلغ اللي بندفع في الحارس تعتقدون بيكون اقل من 5 ملايين

.. في حال البحث عن حارس بديل للدعيع مين من وجهة نظركم احسن من العتيبي
فكر بعقلك والله ماتلقى ....

... سياسة لي الذراع ماتصلح في زمن الأحتراف اما وقع ولا بنعرضك على قائمة الأنتقال
ياخي فيه نادي الشباب والنصر والأتحاد والأهلي مستعدين ياخذون العتيبي في اقرب
فرصه

...يعني جزاء ابداعه في كاس ولي العهد يكافاء بالعرض على قائمة الأنتقال
اتمنى اتمنى اعادة النظر في قضية العتيبي من عبالله وعبدالرحمن ونواف

... اختلاف الرائ لايفسد للود قضيه ...........

أحترامي