لا تقولوا مستحيل مافي شي على الزعيم مستحيل , أدخل وراح وتعرف قصدي وصدقني ماراح أطول عليك كثير
 

السلام عليكم
ياجمهور الزعيم بالله أتركوا الاعذار ترى الاربعاء في الانتظار وقريب ماهو بعيد يعني باختصار نبي الملعب مليان(... فل يعني...) ولا مو بس كذا بعد نبي يكون جمهور برة الاستاذ يتمنى يلقاله مكان ولا تقولون متسحيل ترى مع الزعيم مافي مستحيل بتقولون وشلون راح أقولكم بس خلوني أقولكم أمثال عن جماهير المقاهي والبيوت مثلا يجيك أنسان متحمس وهو يطالع في التلفزيون وذا شاف الجماهير قليلقة قال أفا وهذا ونا أحسبهم بخلونه فل طيب السؤال ليش أنت ماجيت؟ تطالب غيرك ونت لاهي مع فارس وغيره تدرون وش راح يكون رده بيرد ويقول والله ماعندي سيارة(...في اختراع اسمه تكسي...) ولا سيارتي خربانه (...مدري متى بتتصلح...) ولي يقول مشغول مع أهلي(...تعودنا على هالتصريفة...)وغيرها بعد كثير... ولا من زين وجهه لو أنهزم الهلال(...الله لايقوله...) يجيك بعد المباراة ينتقد لاعب لاعب يعني بالعربي شين وقوي عين باختصار ياليت الاربعاء ننسى التصريفات والاعذار ونجي نساند الهلال وللحين بقولكم كيف بنخلي الملعب مايحتمل مشجعين الهلال أول شي ننسى الاتكالية لأن لو كل واحد قال ماله داعي أحضر في غيري بيحضر ماراح نلاقي أحد يعني من ألحين جهز نفسك وربعك وخوانك ولا تفكر في الجماهير بتحضر ولا لا فلو كلنا سوينا كذا صدقوني الملعب بيمتلئ عن بكرة أبيه هذا الي عندي وهذاني قلته لاكن أتمنى أنكم تقرون وتنفذون للعيون الزعيم مابي أحد يقراه ويقول والله صادق وهو مو جاي نبي الكل يجي



خارج الموضوع
(أنا أدري أن بعض الاعضاء الي ماراح يحضرون ما راح يردون علا الموضوع والبعض الثاني بيقول مشكور وماقصرت بس أنا مابي مشكور وماقصرت أبيك توعدني وتقول أني بحضر ولا حد يجيب لي عذر يقول بعيد ترى أنا بيني وبين الرياض 200 كيلو مع ذلك راح أحضر للعيون الزعيم وتذكروا ترى هالمباراة مصيرية للزعيم)



ملاحظة
1-تكفون ياناس أتركوا الدخان أذا أنت تدخن في غيرك مايدخن ولا يحب الدخان علا الاقل أحترمه وبعدين ماراح تموت أذا ماشربت الدخان وقت المباراة طيب علا الاقل اشربه قبل ماتدخل وذا طلعت

الف الف الف شكر على الموضوع وإنا ان شاء الله انا اول الحاضرين

رغم الاصابه بالرباط في الركبه والتي لحقت بي _دعواتكم لي بالشفاء _ إلا اني وبإذن الله سوف أحضر وبعكازي عساهم يسمحون لي أدخله .......وهذا أقل واجب

اهم شي الحضور بعدين يوم ربوع وإن شاء الله الملعب فل مافيه شي مستحيل

عوووآفي

بأذن الله يمتــليء درة المـــــــلاعب بجمــــاهيـر الزعيــم

مســـــاء الأربعــاء

كونوا في المـــــوعد

صح لسانك ياغالي ع كل ماقلته

من جد نبقى الحضورالمباريات مصيريه

وانا عن نفسي اخوي من الاحساء قسم بالله مكلم خويي من الاربعاء اللي راح اني بجي لكن وخويي يعني ويعني

انا املي بالله ثم الباصات اذا في باصات وربي اجي لعيون ازعيم انا كل مباريات اسياء احضرها وغير وغير في التتويجات

ان شاء الله خويي ماعنده شيء يوم الاربعاء واجي معه لان بالسياره افضل من الباص وهم الباص حليو لكن السياره اريح


تحياتي


ولد الاحساء

اهنيك على الطرح الرآئع يـ الغآاالي ..

انا من الشرقية و بأذن الله حآضر و معي 9 من ربعي ..

ولعيون الزعيم تهون المسآفآت ^_^ لبى قلوووبكم

الف الف شكر وان اء الله الشباب مايقصرون راح ينلون الملعب

مشكــــــوووور...

وبـــإذن اللـــــهـ الجمــــهــوور يبيـــــض الوجـــــهـ

صدقت والله وانا جاي من تبوك لعيون الزعيم والله الله بالحضور وبالتوفيق يارب ونشاالله الفوز

الجميع راح يحضر غنشا الله وراح يكون الموج الازرق يغرق الخصم بالصيحات والاهات