|
من حق الاعب ان يطالب بكل ما يحب و لكن عليه ان يدرس مسيرتة الرياضية .. عمره الرياضي و قدرته على العطاء .. لكن لم تعجبني المقارنه التي ذكرها الكابتن حسن العتيبي .. " فلان اخذ و فلان ياخذ عطوني زيهم " احس فيها تقليل لنفسه .. الكابتن حسن لاعب كبير و يستحق اتمنى منه التفكير جيد .. هل سيلاقي مكان له كما في الهلال و هناك امثله كبيره .. مثل خميس العويران و احمد الدوخي و غيرهم .. يعني القيمة المادية ليست كل شي " نعم مهمه لكن ليست الاهم " على سبيل المثال الاتحاد مستعد يدفع لك فلوس لكن تنتهي مسيرتك على دكت الاحتياط اذا كنت تطمح لتمثيل المنتخب .. و الامثله كثيره مثل مرزوق العتيبي .. الخ من النجوم الي انتهوا في الاتحاد .. و فقدوا نجوميتهم في ناديهم السابق و الحالي .. شـكرا :: إعداد | هلالــ( ever4 )ــيـه .. :) |
مشكورين انا اشوف ان العتيبي يساوم النادي ومن حقه اكن مو كذا كلامه ما له داعي |
مهي أول مره تساوم يا حسن ولا كل مره تسلم الجرة |
لله يهديك ياحسن ، كلامك ماعجبني بالمرة ! الامير عبدالرحمن وعدك خير ، وترى الهلال عمرة مايوقف على لاعب ! الحمـد لله عندنا فهـد الشمري وعندنا خالد شراحيلي . .. |
إعداد | هلالــ( ever4 )ــيـه آلف شكر لك جآري التحميل ،، |
بالتوفيق لحسن العتيبي والله يكتب اللي فيه الخير للهلال ولك والجماهير الهلالية عموما |
وش التصريح ذا ياحسن اولا احترم الهلال ومن يعمل فيه ثانيا لاتقارن نفسك بالمحياني انت الحارس الثاني ويمكن لو رجع الشمري تكون الثالث وانت مو صغير تقول هالكلام ذا انت مالك شغل بالمحياني وكم ياخذ فلوس هو من افضل المهاجمين بالسعوديه تقارنك فيه وانت بعد كبير بالعمر والحارس 2 او 3 ياحسن ترا الهلال مايوقف على لاعب يعني بتحترم الهلال ومن يعمل فيه او مع السلامه كونك تجي وتقول ان البرقان ماله دخل الا له الف دخل انت ماعليك منهو الي يقدم لك العرض ياحسن ترا يمكن نكرك بسبب تصريح فأحظر من التصاريح هذي اتمنى لك التوفيق وان يجددون معك تحيتي قبل مودتي |
\ \ \ الصراحه استغرب من حسن هذا الخروج الغير مبرر و محاوله لي ذراع الاداره بأملاء شروطه على الهواء وكان من الافضل و الاجدر ان تحل مثل هذه المواضيع داخل اسوار النادي بدلا من الضجه الاعلاميــــــه و على العموم يا حسن اذا اردت ان تطاع فطلب المستطاع و بما انك و كما تفضلت اقدم لاعب في الهلال حاليا ياليت تأخذ من اخطاء الدوخي و العويران العبره و ما تكون انت الضحيه الثالثه بعدهم دمتم زعماء \ \ \ |
الله يكتب اللي فيه الخير للطرفين شي طبيعي أن يفكر في مصلحته لكن عليه أن يراجع نفسه من ناحية أنه أي حارس يتمنى أن يكون في الزعيم ؟؟؟؟؟؟ بينما كم نادي يرغب بتدعيم صفوفه بــــــ حسن العتيبي ومقارنة نفسه بعيسى المحياني اتوقع بأنها ظالمه له شخصيا لانه هناك فرق ما بين التجديد و شراء بطاقة لاعب من نادي آخر ويعطيكم الف عافيه دائما |
حسن كبير بالعمر استغرب عدم التفات الاداره الهلاليه للحراسه ومشكلتها كان الافضل انه من العام الماضي يعار الشمري او انه يلعب بعض المباريات حتى ما يفقد مهارته بالتوفيق للزعيم |
الله يكتب اللي فيه خير للزعيم حسن العتيبي اثبت وجوده في بطوله كاس ولي العهد واتمنى مانخسره موفق يالازرق ان شالله ... |
ابوعتب يستاهل اكثر من المبلغ المعروض عليه لكن غريبه منه مسأله المقارنه بعيسى اتمنى ان يحل الموضوع داخل النادي لا ان يعرض على بتال القوس تحياااتي |
مشكورين عساكم على القوة |
اقول يا شباب اللاعب يبي يضمن عمره في اخر حياته الرياضية اتمنى رفعووووووون المبلغ ويهتموووووون في اللاعب بجد حسن من ابناء النادي وموجود في الهلال من قبل ولادة بعض الجماهير اللي تعاتبه على التصريح وانا اقول لو حسن ما يبي الهلال كان ماطلع في هالتصريح اوكي وانا احب الهلال واحب اي لاعب ينتمي لهذا النادي ويا رب يبقى |
. . ..الله يهديك ياحسن بسس.. ..جد انت حارس ممتاز..واثبتت جدارتك بالبطوله اللي فاتت .. ..ماقول الا الله يكتب لك اللي فيه الخير يارب .. يعافيكم ربي .. |
| الوقت المعتمد في المنتدى بتوقيت جرينتش +3.
الوقت الان » 07:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd