نادي الهلال السعودي - شبكة الزعيم - الموقع الرسمي

بسم الله رحمن الرحيم

السلام عليكم ورحمة الله وبركاته يا زعماء

اخواني ساسرد لكم قصتي مع نادي الهلال بالكآمل

السيرة الذاتية :
الاسم : سلطان
العمر : 25 سنه
الدولة : الامارات / ابوظبي

القصة :
منذ طفولتي وانا لا ابه في تشجيع أي نادي في دولتي ولا في الوطن العربي ولا العالم اجمع , بل كنت أحب كرة القدم والعبهآ بشكل مستمر ظهرأ عصرأ ليلا لكنني لم أتطرق لتشجيع أي فريق في حياتي .
كان من حوالي أخواني وابن عمومتي يحبون كرة القدم ويشجعون الاندية الاماراتية وانا لم اباه اللي تشجيع الفرق الاماراتيه لان الكرة كانت عندنآ وقتهآ ضعيفة نسبيآ او بالاحراء ميولي ليس للتجشيع انذاك .

واذا في يوم من الايآم كان عمري وقتهآ 13 سنه واتذكر هذا اليوم بشكل مستمر
كنت في المجلس اشاهد التلفزيون واقلب في القنوات رياضه او مسلسلات او بالاحراء رسوم متحركه وكانت بعد صلاة العشاء فمن المستحيل قنآة تظهر رسوم متحركه هذا الوقت وبالصدفه وقع الاختيار علي قنآة السعودية الرياضية في يوم الخميس 19/3/1998 مباراة الهلال والاهلي في مربع الذهبي مباراة الاياب
وانعجب بلعب الهلال وقتهآ وكنت اسمع من الملعق مباراة يقول النهائي بين الهلال والشباب بالتاريخ الهجري وان لا اعرف التاريخ الجهري جيدا لان تاريخ الدراسه والعطلات في دولتي بالميلادي

وكنت اعرف طريقه وحيده لمعرفت متي هذا التاريخ وهي كنت اذهب المسجد لكي ادئ صلاتي وبعدها اتجهت اللي حاط التواريخ
وعرفت بان هذا اليوم يصادف الاربعاء 25 /3 بالميلادي

المهم كنت انتظر لاعب بشغف وهو نواف التميآط اتي هذا اليوم وانا مترقب والعاده في المجلس وكان اخواني وابن عمومتي موجودين في المجلس يوم أجازة طبعآ

اللي يعلب ورقة واللي جالس يخرط علي الثآني بسوالفه
وحبيبكم يطآلع المباراة والكل مستغرب مني هذا الطفل يتابع دوري السعودي وحتي لا يعرف اسماء لاعبين , بالكآد كنت اعرف سامي الجابر , نواف التميآط , محمد الدعيع , يوسف الثنيآن خالدي تيماوي . ويعرفون انني لا اشجع أي نادي اماراتي ويقولون في بالهم الولد استخف وشجع برع الدوله قبل داخلهآ .
المهم انتهت المبارة بفوز الهلال والكل يعرف مجريات المباراة وما حدث منها من فرح واعجوبه والهدف الخيالي
بعده هذي المباراة وبكل صراحه بدات البحث عن الهلال لكن للاسف لا جرايد سعوديه تصل ولا كان الوصول للانترنت طريقه سهله ,, كان ما يساعدني في الوصول للمباريات الهلال هو المعلق وكآن يذبحني بصراحه بالتاريخ الهجري وكالعآده بعد تآديت الصلاه اذهب للحآئط التواريخ واشوف بالميلادي وانتظر الموعد بالنسبه لي كآن الموعد غرامي ههههههه ويحق للهلال طبعآ .
المهم كان عندي اخ يشتغل في مطار ابوظبي واساله توصل لكم جرايد سعوديه يقول ليش قالو له هات لي أي جريدة فيها رياضه

وكان ما يقصر يجلب لي الجرائد وقتهآ وفي مره من المرات جلب لي خبر سعيد جدأ بجدول الدوري السعودي الموسم المقبل لكن كان بالهجري
تعرفون الطريقه طبعآ ,,...؟؟؟

لكن كان الوقت غير اخر الليل دخلت المسجد وفي يدي الجريدة والقلم ودفتر ونزلت لوحة التواريخ وأكتبهآ بالميلادي عن مبارايات الهلال ,, طبعآ النآس نآيمه وفي المسجد الحبيب يسجل تواريخ بالميلادي وخايف من امام المسجد وش يبي هالطفل اذا شافني وانا منزل لوحة التواريخ وربي يذبحني هههههههههه بس عدت علي خير

لاحد يقول لي انترنت يا شيخ كان عربسات كثير علي تبون تقولون لي انترنت .
المهم هذي كانت بداية الاعجاب .
وكان عندي 5 من ابن عمومتي من عمري تقريبآ سنه 99
2 اتحآديين + 3 هلاليين
الاتحآدين علي فترت ما شجعت الهلال كأنو يشجعون الاتحآد والهلالين كآنو معاي في تشجيع الزعيم
المهم وأحد أختل ميزانه من الهلالين علي كثر نقآشتن بين الهلال والاتحآد انعجب بمآجد عبدالله وحول للنصر والسبب في ذلك كثر مناقشه بين الهلال والاتحآد والنصر وصرنآ وكبرنآ وكلن كبر معه نآديه في تشجيعه بعد مرحله أنتهاء الثانويه , بدينآ ندخل كوفي ونشوف المباريات في المقهي , المهم كل ما نناقش هالامور كانو ناس يشوفون هالمناوشات , وكل ما خذ الهلال كل ما زاد حقد بعض الناس علي الهلال في الكوفي لين سنه 2004 بعد فوز الاتحآد ببطوله اسيا انتشر في هذا الكوفي خاصه تشجيع الاتحآد ( طبعآ حبيبكم مسوي لهم ازمه عالق لهم في حلوقهم ) المهم صارو يتابعون الدوري السعودي بشغف وما اخفيكم بعطيكم الاحصائيات

1. اثنين من خواني اتحآدين ( ليس حبآ في الاتحآد بل حقد علي الهلال )
2. واحد شبابي سطحي ( عيناوي ارجنتيني للابد )
3. ثلاث عيال عمي اتحآدين منذ الصغر و واحد نصراوي مستحي
4. المصريين اللي في الكوفي وقت مباراة الهلال تلفزيون بروحي ( حتي لو برشلونه يلعب )
5. مباراة ديربي الهلال والنصر ( الكل ضد الهلال ) والسبب معذبهم سامي

هذي قصتي مع الهلال

اما مباريات اللي حضرتهآ للهلال في ارضية الملعب
1. في الامارات ( مباراة العين 2) سنه 2004 في المجموعات اللي استظافها نادي العين كنت وياهم في المسكر والتدريب وتصورت مع كم نواف وسامي .
2. – الشارقه 1 – الوحده 1 – الاهلي 1 )
3. في قطر الاخيره مع السد
4. في السعوديه ( ديربي مع النصر وفزنأ 2/0 سنه 2008 )
اعتزل سامي الجابر والاخيره في الرياض اعتزال نواف
واكثر الظروف تنمنعني من حضور المباريات الداوم

وفي النهايه السموحه منكم علي موضوعي الطويل واذا وجدت اغلاط املائيه لاني كتبتها بشكل سريع ومختصره .