السلام عليكم ورحمة الله وبركاته

اريك جيريتس كان في المدرجات في ملعب بارك دي برانس مساء اليوم الاحد لحضور مباراة مرسليا. المدرب السابق لفريق مرسيليا الفرنسي ، والآن في الهلال (السعودية) ،قد استمتع بمشاهدة المباراة
وللعلم فإنه كان قد أحرز نجاحا كبيرا في العاصمة في الموسم الماضي مع مرسيليا بنفس المباراة وكانت ضد باريس سان جرمان وانتهت (1-3) لمرسيليا.

هذا ما ذكر بالموقع الرسمي لمرسيليا وهنا الصورة الأصليه وكبرنا لكم الصورة أيضا










جريتس فالها والله يحب مرسيليا بجنون ومن حقه حقق نجاحات كبيره

===========================================


الــــــــــــــهــــــــــــــلال ونــــــــــقـــــــــــاط مـــــــتـــــــــفـــــــرقـــــــة:


= انخفاظ ملحوظ في مستوى أسامه هوساوي والشلهوب ولكن قابله ابداع ونهوض من المرشدي والزوري.
= تياقو نيفيز متوقع وبنسبة كبيرة جدا جدا التخلي عنه من أجل مهاجم أجنبي خاصة أن وجوده في الفريق لا يضيف الشيء الكثير في ظل وجود ولي والفريدي وعبدالعزيز الدوسري والعابد والشلهوب ولذلك ان حدث تفكير بتغير أي لاعب فوالله أعلم أنه نيفيز.
= الكوري لي مصيره مجهول ولكن اعتقد أن لدى ابن مساعد بديل له أجني يفوق لي بالمستوى خاصة أن الكوري لاعب دفاعي فقط وبذلك قد نرى ظهير دفاعي وهجومي وهذا ما يحتاجه الهلال.
= وجود ظهير أيمن يجيد الدفاع والهجوم بشكل قوي سيكون دفعه قويه جدا جدا جدا مع وليهامسون في الجهه اليمنى.
= نيفيز لاعب فقط يخدم نفسه أكثر من خدمة الفريق وظهر ذلك جليا في احتفاظه بالكرات كثيرا وعادة ما تقطع منه لأن اتجاهه لرجله الشمال واضح جدا لذلك عليه أن يهتم بالفريق وباللمسه الواحده.
= الشلهوب لو يفك الكره من لمسه واحده راح تظهر خطورته بشكل كبير لأن الإحتفاظ بها يعني خسارته للكره في ظل ضعف بنيته الجسمانيه.
= التفائل المفرط من الجماهير لدرجة انهم يتكلمون عن النهائي من الآن أمر يعيدنا للماضي المحزن فأتمنى أن نكون مركزين للأقرب وما لدينا حاليا هو الفريق الإيران فيجب احترامه والفوز عليه ولذلك قد نتأهل لدور 16 ونخرج بأي ظرف وبذلك كاننا لم نفعل شيء.
= الفوز على السد فقط 3 نقاط ولا تعني تأهلنا ولذلك الفوز في المباراتين القادميتين بالرياض مهمه جدا لو أخذناها نضمن التأهل على الأقل.
= كثرة خروج الإدارة الحالية واللاعبين في الإعلام بعد مباراة السد لا أراه مناسبا في الفتره الحالية لذلك أتمنى أن نركز على الفريق أكثر من التركيز اعلاميا والله يوفق الهلال.


تظل هذه وجهة نظر لي وقد تتقبلونها خاصة ما يتعلق بنيفيز ولكن الأيام كفيله بكشف المستور




أخوكم

..........................................
.........................................
..........................................

حضور جيريتس للمباراة شي طبيعي وهذا يدل على الوفاء فقد شهدنا بن زيمه يحضر مباراة لفريقه السابق ليون وسمير نصري يحضر مباراة لمرسيليا
اما بخصوص نيفيز فالمدرب جيريتس افهم مننا في الامور الفنيه

ماني معك ولا 1 3% في رحيل تياقو نيفز صنع فارق بالهلال

رحل طارق و جاء الي يصنع الفارق << هذا تعليق فااااارس عوض

يا لبى قلبك يا جيريتس

لبى قلبك جيريتس

احبك موووووووووووووت و اتمنى بقائك معنا اطول فتره ممكنه

اقترح عليك انك تتفرج ع مباريات

الان صار نيفيز يخدم نفسه !! مدري من طلعك من مباراه النصر ض1

ياشباب الله يعطيكم العافيه

أولا شاكر مروركم

ثانيا اقرأ الموضوع كاملا لا تأخذ كلمه وترمي الباقي

وتظل وجهة نظر وأتمنى احترامها مو لازم انها صح


ونيفيز انا قلت في حال التفكير في تغير لاعب فهو نيفيز

واللاعب يحتفظ بالكره كثيرا واتمنى يغير طريقة لعبه لان قطع الكره منه سهل

واللي مو عاجبه كلامي يتابع المباراة القادمه ويحكم

والله اني خايف من دزة جريتس هناك ياخوفي من ظنوني


بالنسبه للفريق من راح ومن جااء عادي ماتفرق اهم شي يكون بمصلحة الكيان

ولو اني اشوف ان نيفيز عامل عماايل والكوري لي قاايم بدوره الدفاعي باكمل وجه وما يندفع لان ولي هامسون مكفي وموفي قدامه


ويعطيك العافيه

بخصوص نيفيز فالمدرب جيريتس افهم مننا في الامور الفنيه

الله يعطيك الف عافيه وبالتوفيق لجيرتس

انا ماني معك في كل الكلام اللي قلته ..

عن انخفاض مستوى هوساوي والشلهوب هذا شي عادي لأنه مستحيل يكون فيه لاعب يظهر بنفس المستوى موسم كامل ..

فـ/هوساوي والشلهوب في الآخر يكونون بشر ربما هو شي من الارهاق ولا اكثر ولا اقل ..

وعن مسألة خروج تياقو نيفيز عن الفريق هذا شيء اتمنى انه لا يحدث ..

لان نيفيز في مستوى متصاعد من مباراة الى مباراة فما اتوقع ان الاداره تاخذ مثل هذا القرار الفاشل وتبعده عن الفريق ..

واما عن لي يونق فهو لاعب ممتاز وهجومي ودفاعي في نفس الوقت ..

ولو تلاحظ في مباريات الهلال انه اكثر واحد في الفريق تكون لديه الكرة هو لي يونق وان اغلبية الهجمات تبدأ من ناحيته ..

وانه جعل للهلال قوة ظاربة في الجهة اليمنى بعدما كانت نقطة ضعف للهلال ..

وعن كثرة خروج الادارة في الاعلام فـ/هذا شي طبيعي لـ/تطمئن الجماهير على هلالهم ووضعه في البطوله الآسيويه ..

ولردع اي تشكيك يأتي في مستوى الفريق او مشواره في اسيا ليكون الفريق في نفسيه جيده طوال البطوله انشالله ..


[ وبالتوفيق للزعيم ]

اجل نفييز مايفيد ؟!! هههههههههههههههههههههههههههههه ولا بعد توقع انه بيستبدل بعد قصدك تمني منك انت


ياليت يافنقر تخلي قريتس والاداره يشتغلون

يا اخي ترا مب كل وجهة نظر تحترم ..

وجهة النظر تحترم اذا طرحت بطريقه واقعيه و منطقيه

ما ادري على اي اساس نيفيز يخدم نفسه و هو مصلح 7 أهداف في الدوري

طبعا ما راح اقارنه باي صانع ألعاب آخر في الدوري لاني ما ابي اضعهم في حرج

غير الاهداف اللي صنعها في كاس ولي العهد و اهمها تمريرته الرائعه للمحياني امام النصر

مع ان الفرصه كانت متااحه تمااما لنيفيز للتسديد (خصوصا انه كان مستنزل ذاك اليوم)

لكنه مرر للمحياني اللي صلحها لويلي


ايضا لو كان يخدم نفسه كان شات بدال ما يرفع لياسر قدام السد في الهدف الاول

خصوصا ان هالمكان افضل مكان بالنسبه لنيفيز و يحب يشوت منه كثيييير

من الجهه اليمنى

بعدين ما ادري ليه تبي مهاجم اجنبي ثاني؟

اذا جيرتس اصلا ما يلعب الا بمهاجم واحد صريح اللي هو ياسر

و ياسر من بداية كاس ولي العهد و مستواه في تصاعد و لله الحمد

الا اذا كنت تبي المهاجم الاجنبي يكون احتياط فهذا شي ثاني


اما عن كلامك عن اللعيبه اللي ممكن يعوضون نيفيز ضحكني كثير

مب قصور فيهم بالعكس بعضهم يؤدي افضل من نيفيز حاليا


لكن اغلب الاسماء اللي ذكرتها تلعب على الطرف و صعب انها تكون في النص

يعني تبي ويلي الجناح الطائر يكون صانع لعب و يترك الجهه اليمنى؟


و الا تبي الشلهوب و الدوسري و العابد يكونون يلعبون على العمق؟

خصوصا ان امكانياتهم البدنيه ما تساعدهم ابدا على هذا الشي

خصوصا الشلهوب في آخر كم مباراه لاحظنا انخفاض مستواه بشكل كبير جدا

لان جيرتس اكثر من مره خلاه يلعب في النص و طبيعي انه يختفي




اما سالفة ان لي يونج دفاعي و ما يساند الهجوم ابد

فهذي اللي تخليني من جد اتحسف على الكلام اللي كتبته لانه بيروح على الفاضي

لكني اصلا فاضي و مواصل و الدوام في الجامعه بعد العصر

فلا باس باني ارد عليك




عموما اقتناعك من عدمه لا يقدم و لا يؤخر في الموضوع

خصوصا انك الى الان لم تنضج رياضيا و الله اعلم




لكن الشي اللي صدقوا فيه نجومنا ياسر و سامي:

(خل المدرج يتفرج)

(دعوا القياده لنا و استمتعوا بالرحله)

عشان كذا تكفى تفرج و استمتع و بس لاننا مب ناقصين كلام غثيث


و شكرا

مستحيل لاعب يستمر على مستوى ثابت طوال الموسم لا بد ان المستوى يكون في صعود ونزول

والكوري انا اخالفك الراي فهو له مساهمات هجوميه فعاله وعرضياته اكثر من ممتازه

اما الاستغناء عن نيفيز فلا تعليق


وعلى اي حال هالمواضيع ماهو وقتها يعني الفريق في مشاركه اسيويه مهمه وبيدخل كاس الملك وانت تقول

نغير نيفيز ونغير الظهير ومدري ايش والمشكله ماحنا في فترة انتقالات يعني الموضوع ماله اي هدف


واتمنى منك انك تطبق مقولة الاسطوره سامي الجابر دعوا القياده لنا واستمتعو بالرحله )

استمتع بمستوى ونتائج الهلال وانا اخوك