معقوله يكون فيه مشجع هلالي الى الحين مو مقتنع بـ الداهيه جريتس - نادي الهلال السعودي - شبكة الزعيم

ĸɪиɢ ѕυĺταи · #1 28/02/2010, 07:55 PM

من خلال متابعتي لبرنامج فض × فض
طبعا انا نزلته في جهازي من شبكة الزعيم

كالعاده تابعته من بدايته <<من جدك

وفي الدقيقه الـ 21:15 شد انتباهي مشجع هلالي

يوجه رساله للجمهور الهلالي .. يقول:
هل الجمهور الهلالي مقتنع باريك جريتس؟<<وش يحس به ذا

انا واعوذ بالله من كلمة انا وبصراحه وبدون لف او دوران او حتى تقاطع خطر <<اخلص

طلعت عيوني يوم سمعته يقول هالسؤال

انا لو اشوفه راح اتوجه له وانواع الطق والتكفيخ ثم راح اسدحه واصعد فوق اي سياره واقفه وانط عليه عشان اكسر ضلوعه وبعدها اخليه يوقف واسوي له حركة اندرتيكر الشهيره <<مات الولد مسكين

امززززح تراي ماني بمجرم او قتال قتلى

بسأله وبقوله :
انت وش تحس به مع سؤالك الـ......<< تحتفظ شبكة الزعيم بهذه الكلمه

يعني بالله عليك .. مع المستويات المميزه والاداء الرائع ومن انتصار الى انتصار وفوق كذا بطولتين وثلاثيه في السد وووووووو.....الخخخخخخخخخخخخخخخخخخ<<

ومو مقتنعين فيه

لك شوهيدا الحكي .. شو انتا بتشوف مباريات الزعيم والا ايه ياابظاي << وش دخل والا ايه وش جاب اللهجه السوريه في المصريه والعكس صحيح

بالله اسال نفسك السؤال اللي انت سألته للجمهور ...

اتحداك تجاوب ههههههههههههه

والله غريبه

استغرب من وجود هالشاكله من الجماهير <<وش عنده

لا عاجبه العجب ولا الصيام في رجب
استغفر الله واتوب اليه

تحياتي

ĸɪиɢ ѕυĺταи · #2 28/02/2010, 09:43 PM

شكرا يامشرفين على رفع الموضوع

الدوسري محمد · #3 28/02/2010, 09:53 PM

هلا وغلا بيك خيو هلالي موت

لااتوقع في هلالي عاقل او حتى غير عاقل غير مقتنع بجريتس

انا صراحه استغربت يوم شفت اللقطه وسواله الغريب

بس اتوقع والله اعلم انه من جماهير الحاقده على الهلال
ويبغى يسوي شوشره بين الجماهير

عشاق الخيال · #4 28/02/2010, 09:56 PM

يمكن يستهبل على القناة القطرية

عزوز المالكي 20 · #5 28/02/2010, 10:00 PM

هذا مندس من الجمهور الحالمي مو من جمهورالهلال

خذها بالعقل المديح جانا من برااا للمدرب اريك جريتس

ĸɪиɢ ѕυĺταи · #6 28/02/2010, 10:01 PM

الله العالم وش يبي يوصل له من سؤاله الغريب

كل الشكر لكل من مر على موضوعي

20 الكاسر ياسر 20 · #7 28/02/2010, 10:02 PM

والله اني شايفه واستغربت فعلا من كلامه ، اكيد مقتنعين ومنهو اللي ماهو مقتنع ؟؟

ĸɪиɢ ѕυĺταи · #8 28/02/2010, 10:07 PM

حيا الله من مر ع الموضوع
منورين يازعماء

Dr.Diet · #9 28/02/2010, 10:36 PM

شوف اخوي انا ماتفق معاه جيريتس اكي واضحه لمساته

لكن خلني اقول لك كيف جاء السؤال بباله اذكر بعد فووز الهلال بدوري زين من ضمن المواضيع اللي كانت تنزل بالجرايد والمنتديات الغير هلاليه انه الهلال ماقابل فريق قوي يبين ذكاء جيرتس او مهاراته واشغلهم هالموضوع كم يوم الاخ مازال يفكر مثلهم وهذا اللي خلاه يقول هالكلام وللامانه الهلال مع جيرتس واضح انه غير عن بقيه الفرق كوره جماعيه بمعنى الكلمه ماتدري من وين الخطوره بالهلال الكل يسجل حتى الاحتياط بعكس باكيتا وكوزمين اللي اعتمدو فقط على ياسر والتائب والمرتدات ....

وحيد الجزيرهـ · #10 28/02/2010, 10:55 PM

اقووول يالبى قلبك ياقريتس والله انه امتعنا ذا السنه وحققنا والحمد لله بطولتين وهو في بداية مشوراه اظن اللي جاوب على السؤال يسمع في الكوره

أبوعبدالعزيز20 · #11 28/02/2010, 10:54 PM

الصراحه سؤال غررررررريب جدااا

اناشفت اللقطه

فيه مشجع هلالي مو مقتنع بي غريتس

مشكووووووووووووور

Abo 3yham · #12 28/02/2010, 10:59 PM

الله اعلم وش يقصد من سؤالة.........

ĸɪиɢ ѕυĺταи · #13 28/02/2010, 11:33 PM

منورين الموضوع يازعماء

..............................

للكلمه رقي · #14 28/02/2010, 11:51 PM

أنا ودي أسأله سؤال والي يعرفه يوصله هل السؤال

أنت مقتنع بنفسك ؟

أحس أنه حياته ماشيه على مبدئين ( خالف تعرف ) و ( لايعجبني العجب ولا الصيام برجب )

وصحيح من قال ( رضا الناس غاية لاتدرك)

ولهذا أعمل ياقريتس كل الزعماء خلفك

دمتم بود

S3oOoOoD · #15 01/03/2010, 12:07 AM

ياشبـــاب شفيكم أكلتـو الرجـال هو ما كــان يقصــد إنـه مو براضي عـن قيرتس ..

هو كـان يخــاطب اي شخــص مو راضــي عن المدرب قيرتس .. صفـو النية يا شبــاااب