|
50 بطولة × 54 سنة .. يا زعيم القرن (احتفالية استراحة الضبيـَّة بالمجمعه بخمسينية الزعيم) تقرير - صور سلام من الله عليكم ورحمة منه وبركات صباحكم ومسائكم ازرق .. كزرقة سماء تحتضن قلوب بيضاء .. تنبض بنقاء في امسيه استثنائيه اقامها عشاق الزعيم في استراحة (الضــبــيـَّـة) بمحافظة المجمعة احتفالاً بخمسينية زعيم القرن .. 50 بطوله ×54 سنه .. يا زعيم القرن هكذا كان شعارنا في هذا الاحتفال .. ومهما قلنا وفعلنا فلن نوفي الزعيم حقه .. زعيم القرن الذي حقق المعادله .. فكسر المستحيل واعتلى العرش وبقي لايُنافس الا نفسه .. واوصل للجميع رساله مُفادها [ لايٌقاس المجد بقدم العمر بل بعظم الانجازات ] .. اعتلى هامات المجد وتربع في صفحة السماء بدراً .. وهاهو اليوم يكمل سلسلة الذهب بالقطعه رقم خمسين .. فكان شعارنا (50 بطولة × 54 سنة) .. زعيمٌ مختلف لايكل ولايمل من اشباع الكبرياء المُتخلق معه بالبطولات .. فقلما يمر عاما ً واحدا ًإلا ويوقع عقد قرانه مع احداها .. بل لانبالغ ان قلنا ان البطولات تتسابق على الهلال ليحتضنها .. واترككم مع صور منوعه للحضور ولفقرات الحفل عامل الاستراحة واحد عشاق الزعيم .. ليس هناك اجمل من مسامرات العاشقين .. بحبهم يتغنون .. وبصفات محبوبهم يترنمون .. حتى اذا مافاض بهم الشوق كان الشعر انيسهم .. فكيف يكون السمَر اذا كان المعشوق بحجم الهلال ؟! فقد كان لابد ان يكون للشعر حضور في حفلنا المتواضع .. وهذه الثلاث قصائد كانت قد ازدانت بها ليلتنا الجميله .. القصيدة الأولى اكرمونا هالشباب بحفلهم قالوا الا نحتفل لاجل الزعيم قلت في نفسي وانا من قبلهم عازم فصلي على كاس قديم ذا الجماهير امتداد لجيلهم دام الأزرق ما ترك شي لغريم ضفها خمسين واعلنها لهم جاري التحميل من كف كريم كاس ابومتعب طريقه مثلهم حددوا سيره على الوجه السليم وامس في دوحة قطر يا حليلهم صار نقعه سدهم واصبح رميم جاه من يكشف ويفضح جلهلهم في اصول اللعب واللعب العقيم الهلال اتعب خصومه كلهم واضح دربه طريقه مستقيم زبدة الموضوع قعدنا لهم خص الدوري صديق له حميم الف شكر للشباب بحفلهم ودامت الافراح لانصار الزعيم القصيدة الثانية اشهد انه ما يحس بطعم لعب الكوره غير من شجع هلال وشاف لعب نجومه الزعيم اللي سطع نوره على المعموره لا لعب هامته فوق وكل يوم يومه لا حضر تركد جميع الانديه بحضوره كل خصم لا وقف ضده تضيع علومه كل لاعب عارف في خانته في وش دوره والمدرب في المعسكر خطته مرسومه ما يشح الفكر وذا الاسطوره واقف ومكمل بافكاره المنظومه مع شبيه الريح دايم مسعد جمهوره والنتيجه لا لمع كاس الذهب محسومه لا لعب خصمه يضيِّع خطته وشعوره وكان تبغون الحقيقه يالربع ما الومه بين صمام الامان الي تعالى سوره وبين قناص ذبح خصمه برمي سهومه اربع وخمسين عام في الزمن محفوره وكمل الخمسين يالله لا تقف عزومه قلت شعري والتحايا وافره موفوره من ديار سدير دار بالكرم معلومه للزعيم الي تلالا في سمانا نوره للادراه ولجماهير البطل ونجومه القصيدة الثالثة البارحه ثار البحر وأغرق الناس أغرق جميع الشعب في وسط دوله واللي نجى بالله ثم لبسه لباس ثوب الزعامه ماهو كل يطوله خلك من اللي هرجهم وسط قرطاس وخلك مع اللي في الملاعب فعوله ماهي غريبه هلالنا يحقق الكاس وماهي غريبه لو بقي ألف جوله دامك هلالي ... أزرقك يرفع الراس دايم نهائي؟ ... إلا دايم بطوله هذا الزعيم ولعبته كتم الأنفاس ياكم نفوس تضيق لاجاب قوله لاجا فريق يلاعبه دوم يحتاس من خطة مدرب وكثرة حلوله شوفو هجومه يرتبك منه حراس وهذاك بابه مايجي اللعب حوله شوفو جماهيره أبد مالها قياس ياهلال عزك عزنا رددو له شوفو المنصه وشوفو الطير قرناس صاحب سمو وأخلاق وفكر ورجوله تاريخنا يشهد ولو شكك أنجاس واللي مع الحساد دقت طبوله يكفي فخر ماقيل .. من دون هوجاس هذا زعيم القرن .. فيفا يقوله وقد كان للشاعر [عبدالعزيز الصبيح] ترنيمة جميله في كتيبة الابطال وقائدهم تم عرضها في القناة (الرياضية السعودية) ليلة الاحتفال بالبطولة من مقر النادي .. وقد تم عرض قصيدته عبر جهاز العرض .. وهذا رابط للقصيدة على اليوتيوب .. http://www.youtube.com/watch?v=-HdZaH8l69M الهلال ليس الا عشقٌ ازرق .. ليس الا قلبٌ بالأزرق ينبض .. ليس الا سيمفونية يتغنى بها الصغير والكبير .. فالصغار كان لهم حضور ايضاً في مسابقة التعليق على اهداف نجوم الزعيم .. فقد اختار كل متسابق هدف وقام بالتعليق عليه .. وكالعاده .. جميع الزعماء مبدعون .. حتى ولو كانوا صغاراً واليكم هذه الصور من المسابقة ذهب جيل واتى جيل .. وبقي الهلال ثابت والبقيه متحركون .. لنردد بلا تردد [ زعيـــم والله زعيـــم ] .. واليكم هذه الصور المختاره لطعام العشاء .. كيكة الاحتفال .. في الختام نوجه الشكر لكل من حضر وشارك معنا احتفاليتنا البسيطة .. وفي مقدمتهم عصائر (دنيز) ونشكر ايضاً مقدمي الحفل (لؤي البريك ,, زيد الحمدان) والشكرايضاً موصول للمصور المبدع (حسام العجيمان )لمساهمته الفاعله في تغطية هذا الحفل.. كان معكم اخوكم ومحبكم .. عبدالعزيز البريك والسلام عليكم ورحمة الله وبركاته |
يعطيكم العافيه حفل اكثر من رائع بعض الاشخاص عرفتهم بحكم اني كنت ادرس بالجمعه ساابقا هذا الزعيم هذا العشق ويلوموني فييك ياهلال |
لي رجعه ............................. |
احتفال رائع جدا وعساكم على القوة دوما |
ما شاء الله صراحه مجهوود رائع وماهو غريب على جمهور الزعيم >المجمعه وسدير من دون خلي <<<<<<يعني تراني اعرف المجمعه سي يو |
احتفالية رائعة يعطيك العافية |
مشاااءلله والله شغل متعوب عليه اهنيكم والله يارب تزيد افراحكم يااارب |
دووم الافراح ياااااااااااااااااااااااااااااااارب |
الله يديم عليكم الافراح تراني جاركم ليه ماعزمتوووووني :( |
مشكوور ويعطيكم العاااافيه بالتوووووفيق للزعيــــــم |
ماشاء الله تبارك الله الله يجمعكم على الطاعه ويديم طربكم بالتوفيق للهلال |
مآ شآء الله , بيض الله وجيهكم حفل رآئع وراقـيْ ما شآء اللهَ , / آعجبتني كتآبة 50 بالببآسي × العصيرآإتَ , ^^ .. |
ألف ألف مبرووك ويعطيكم العافية وعساكم عالقوة |
الله يعطيكم العافيه احتفاليه رائعه وعقبال ما نفرح بالاسيويه :) تقبل مروري لك اخوي |
كفو والله على شباب سدير والله مكفين ووموفين وبلعاافيع عليكم |
| الوقت المعتمد في المنتدى بتوقيت جرينتش +3.
الوقت الان » 11:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd