حدث في مثل هذا اليوم ( نجاتي من موتٍ محقق ) - نادي الهلال السعودي - شبكة الزعيم

هـــ الشماسيةـــلالي · #11 19/03/2010, 10:56 PM

إقتباس

الرسالة الأصلية كتبت بواسطة المـشـاكـس


	هلا هلالي .. ماش احرقت علينا اهم جزء في القصة .. مهما تمر عليك من احداث .. راح نعرف انها عدت على خير .. يعني ضامنين ان النهاية ماهي حزينة .. الحمدلله على السلامة اولا واخيرا .. وكلها من ابو شوق وابو عبدالله .. يعني وش فيها الكبسة مع الموز .. الا لازم فقع .. طيب ليش يوم ضيعت ما دقيت على الرقم 112 او 122 .. لا تقول لي ما تعرفه ؟! .. بس عادي اصلا انت بالاخير راح تسلم .. خروجك من عند راعي الخيمة غلط واكبر غلط .. والمشكلة انك كررت نفس الخطأ اكثر من مرة .. اول مرة يوم يوصف لك مدير المدرسة مكان الفقع .. والثانية يوم حددت مكان المحطة .. والثالثة يوم تبي ترجع للصداوي .. وكلها بنفس الطريقة تحدد اتجاه وتتبعه واللي يسمعك يقول انك مركب GPS في صندوق الهلّي .. بس عادي لأنك في الاخير بتسلم .. وانت تعلمنا بالقصة وانت بخير .. الا ان كنت جني .. تدري لو اني مكانك .. ابدأ القصة كذا بدون المقدمة وبدون ما اشرح هل هي واقعية والا خيال والا صارت لي والا احكيها عن واحد .. هل اللي صارت له حي والا لا .. صدقني تعطي القصة حمااااس خصوصا ان الصور ممكن تشكك الواحد هل هي صدق والا قصة من رأسك وتحط عليها الصور المناسبة .. عموما حصل خير .. انت عوضت معرفتنا بنهاية القصة بروعة سردك وابداع وصفك وترابط مشاهدك .. مخمخ لنا على الاجزاء الباقية وعجل علينا ..

إقتباس

الرسالة الأصلية كتبت بواسطة المـشـاكـس


	والله يعطيك الف الف الف عافية ..

هلا والله بالمشاكس , عبط بط سابقًا

سآتي على ملاحظاتكـ وأقسمهن إلى نقاط :
*

إقتباس


	ماش احرقت علينا اهم جزء في القصة .. مهما تمر عليك من احداث .. راح نعرف انها عدت على خير .. يعني ضامنين ان النهاية ماهي حزينة ..

مر على القصة خمس سنوات ولا أجد مبرر يوحي بأن النهاية ليست حزينة إلا إذا كنت تربط الحزن بالموت ولا غيره ؟!

إقتباس


	وكلها من ابو شوق وابو عبدالله .. يعني وش فيها الكبسة مع الموز .. الا لازم فقع ..

على طاري الكبسة مع الموز هذي عجوز عندنا الله يغفر لها ويسكنه الجنة , يسكنون مزرعة على طريق الرياض القديم , تعطلت سيارة مسافرين قبال المزرعة فقدم إليهم صاحب المزرعة ولزّم عليهم بالقهوة والغداء فوعدوه بعد صلاحية سيارتهم التي لن تمكث إلا قرابة ساعتين أو أقل , فرجع إلى أهله ليجهزوا الغداء , أحد أصحاب السيارة نادى ابن صاحب المزرعة وأعطاه كيس مليء بالفاكهة ( موز برتقال تفاح ) , ذهب به إلى أمه التي بدأت بتجهيز الغداء وتقطيع حاجياته , فنظرة إلى الفاكهة واستنكرت الموز فما كان منها إلا أن قشرت الموز وألقت بالقشر داخل قدر الغداء ورمت داخل الموز خارجا وهي تقول : ( ياااكبر لبّه كبراه , اللب تعني العبس )

,

إقتباس


	طيب ليش يوم ضيعت ما دقيت على الرقم 112 او 122 .. لا تقول لي ما تعرفه ؟! ..

حقيقةً لم أكن أعرفه , وحتى الآن لا أعلم ماهيته والخدمة التي يقدمها , لا أعلم إلا أنه للطواري , أي طواريء ؟ يتبع أي دائرة ؟ ماذا سيقدم لي لو اتصلت به ؟ ومتى يلجأ إليه في أي حال ؟! , كل ذلكـ مغيب ونجهله !! .

إقتباس


	خروجك من عند راعي الخيمة غلط واكبر غلط ..

راعي الخيمة قال : والله ياوليدي ودنا تمرح عندنا ونخدمكـ أكثر لكن زي ما أنت شايف نزهب نبي نرحل للصمان ومبتلشين , ما ذا يعني ؟!

إقتباس


	تدري لو اني مكانك .. ابدأ القصة كذا بدون المقدمة وبدون ما اشرح هل هي واقعية والا خيال والا صارت لي والا احكيها عن واحد .. هل اللي صارت له حي والا لا .. صدقني تعطي القصة حمااااس خصوصا ان الصور ممكن تشكك الواحد هل هي صدق والا قصة من رأسك وتحط عليها الصور المناسبة .. عموما حصل خير ..

لا أخفيكـ صديقي الكريم أن هذا من ظمن الخيارات التي طرت على بالي قبل كتابة القصة , ولكن استحسنت النهج الذي اعتمدته لسبب أراه أنسب وهو كوني أصرح أن القصة حدثت لي وأنا بطلها الذي يعيش ويسجل أحداثها وكل ماجرى بها مدعاة :
ـ للمصداقية , بمعنى معرفة الأعضاء بمعرفي وثقتهم بأن ما أقوله جارٍ وحادث لي أدعى بأن تكون أكثر متابعة من كونها مبهمة لا يُعلم قائلها أو من حدثت له ,
ـ كوني أعلن أني بطل القصة أكون أكثر مقدرةً لتوصيل المعلومة , وذكر أدق التفاصيل .
ـ استعدادي التام للإجابة على كل استفسار أو رد كل مأخذ أو ملاحظة , هو أيضًا يشد القاريء حال القراءة ويلفت انتباهه ,

المشاكس

الله يرفع قدركـ ويجزاكـ الجنة على تواجدكـ وتشريفكـ الموضوع ,,

000