هل يسمح بالعلم الروماني داخل الملعب ؟ ومن هو هالإداري ؟
 

بسم الله الرحمن الرحيم
السلام عليكم ورحمة الله وبركاته

انا هلالي في القصيم .. وحضرت نهائي كاس ولي العهد واستانست آخر وناسة ..

وناوي أحضر مباراة الهلال وميس كرمان في الآسيوية .. تعرفون حنا يالهلاليين عقدتنا الآسيوية ومنجنين فيها ..

باقي على المباراة 17 يوم تقريباً .. يالله يمدينا نضبط العلم .. خخخخخخ << -- قاعد يحسب الايام s13s

ماعلينا ..

المهم انا ناوي أضبط لي علم روماني واجيبه معي الملعب ..

لكن السؤال ..

هل يسمح لي بالدخول بالعلم ؟؟ يعني العساكر اللي يفتشون اثناء دخول الجماهير

يسمحون لي بدخول العلم ؟؟

وفيه سؤال ثاني بعد .. هل يسمح لي بان ارفع العلم داخل الملعب ..

تعرفون بعض العساكر يتواجدون بالملعب .. وأول مايرفع مشجع علم .. علطول يجون ويصادرون العلم ..

فإذا سمحوا خير وبركة .. وضبطنا العلم ..

وإذا ماسمحوا .. فـ يفتح الله .. لاني بصراحه ماعندي إستعداد أكلف نفسي على لا شي .. ياما وياما سحبوا منا أعلام ولافتات فلين .. في بريدة وفي الرياض ..

لا وأزيدكم من الشعر بيت مباراة النصر اللي في 10/10 وانتهت 2/2 هالموسم هذا .. معي علم السعودية مشتريه بـ 25 ريال .. وجاي أبرفع علم بلادي !

وياخذونه ويمنعونه .. ويقولي العسكري ماله دخل السعودية .. مباراة بين الهلال والنصر !!!!!

وفي مرسيليا ومانشستر نشوف علم السعودية يرفرف !!!

الله يخلف علينا بس ..

فيه سؤال ثالث بعد .. وياليت تتحملوني شوي <<< -- ههههههههههه

الإداري هذا اللي في الصورة ..

على الرابط هذا ..

http://upload.alhilal.com/img/019/Cu...1-2Hilal-6.gif

مين هو ؟ ووش إسمه ..

انا اعرف الإداري هذا وأشوفه من إيام المدرب الهولندي إديموس ..

وماشاء الله عليه عيني عليه بارده .. 24 ساعه في النادي وفي المباريات ..

وشكله مخلص ويعمل بقلب .. :smilie47:

صدق الله لا يحرمنا من هالكوادر الـ :smilie47:

فأتمنى اني اعرف اسمه .. لاني والله اتابعه كثير .. ونادراً ماأشوفه في الإعلام .. ماقد صرح أبد لأي قناة ..

يعني دائماً نسمع عن الإداريين ( الخميس وسامي ابو خضير وسامي الجابر وعادي التويجري والدكتور البرقان وفهد الغصن عضو العلاقات العامة وفهد المديد .. حتى في الإدارة السابقة النمر والتويجري والمعمر )

لكن هالإداري هذا مجهول .. وماندري من هو .. :smilie47:

بلغوه اني أحبه .. وشكراً على كل اللي قدمه ..

والف شكر لكم انتم ياجمهور نادي القرن ..

الله لا يحرمنا منكم .. والله يخلينا لبعض .. :smilie47:

بالنسبه لـ العلم فـ لا تتعب عمرك ، لو هربته ودخلته الملعب صدقني أول ما يشوفونه يبي [ يتلونـك ] و تبي تتمرمط ، خلـك من العلم بس و تعال شجع فريقك ..



اما بالنسبه لـ الإداري فـ هو خالد المغيربي .

يارجال ذا العسكرين مزاج يوم اعتزال نواف معي صوره نواف
خذوه مني


ويوم مباراه الهلال والاهلي واحد من اخوياي معه شال النصر هو طبعا نصراوي ويبي وجااي يشجه الهلال ووده يثرفع علم النصر


وجاء العسكريين وخذوها منه