نادي الهلال السعودي - شبكة الزعيم - الموقع الرسمي - زوجات اللاعبين .....هم سر البطولةرقم50......!

السلام عليكم ورحمة الله وبركاته وبعد
بداية أبارك للجمهور الهلالي البطوله الخمسين:ba::ba:
*الكل يدرك أهمية الزوجه في حياة الشخص في جميع أموره الحياتيه فهي الدافع له بعد الله سبحانه وتعالى في الوصول لمبتغاه في كثير من الاحيان.. وكما يقال وراء كل رجل عظيم أمرأه.
مع انها تدبل الكبد في كثير من الاحيان خاصه اذا طلبت منك الذهاب للسوق:s2::s2:
المهم ماعلينا من ذا الكلام <<بس على بالي بسوي مقدمه :to:
لفت انتباهي أمس بعد المباراة تصاريح عدد من لاعبين الزعيم:smilie47::smilie47:
وهم يهدون الفوز لزوجاتهم:wub::wub:
فحسن العتيبي أهدى الفوز لزوجته.
وتياقو (ابو عبدالعزيز):s2: أهداه كذلك لزوجته وابنه اللي بالطريق..اللذي أسأل الله سبحانه وتعالى أن يكون عبدا" للعزيز ويهدي قلب والده للأسلامs13s
وياسر أهد الفوز لعزوز ..طبعا" المقصود ام عزوز بس لزوم التميلح ياياسر:laugh::laugh:
عمر الغامدي جاب ابنه معاه لبى قليبه وان شاء الله يكون محور الهلال القادم:smilie47:
أما الزاحف الزوري قسم يامت ضحك عليه:s2::s2: يقول تراني مااحب اطلع بالتلفزيون بس عشان زوجتي تقولي انت وش فيك ماتخليهم يقابلون معك بعد المباراة:s2::s2:
وعشان كذا طلعت:wub:
والكوري لي يونق احس ان وده يهدي لزوجته الفوز بس علوم القبايل بكوريا الجنوبيه حالت دون ذلك:to:
أما أيريك جيريتس شكله ساحب على العجوز:razz::razz:
بس مادري ليس أحس انه آخذ مسيار من كوت ديفوار وان صدق الرواة انها ابنة آخي ديديه دروقبا مملوحه شوي وعشان كذا شكله بيوافق على تدريبهم بكاس العالم:to:
وشبيه الريح لبى عيونه ذاك اليوم أهدى زوجته وبناته بطولة الدوريs13ss13s
مما يتضح أعلاه<<واضح ان الاخ متأثر بالعمل حقه:to:
نجد أن العامل الاساسي بعد الله سبحانه وتعالى للفوز يعود لزوجات اللاعبين اللاتي يتحملن الجزء الاكبر في التهيئة النفسيه للاعب خاصة في حالة انخفاض مستواه:yes:
وأتوقع والعلم عند الله<<وش عندك يالبكر:d
أن سر الفوز أمس عند زوجات اللاعبين والا لو مافازوا امس كان سحبوا عليهن ولا اهدوهن الفوز:to:
فلهن منا جزيل الشكر والامتنان ونسأل الله ان يصلح لهم ذرياتهم:smilie47::smilie47:
ويطلعون نجوم للهلال في المستقبل:rose::rose:
انتهى كلامه حفظه الله<<مشكله اللي يحظرون للماجستير يصير بهم شوية لحسه:s2:

من هنا وهنا:d
&&استحق الهلال البطوله بكل جدارة ولله الحمد والمنه
&&هارد لك للنادي الاهلي الشقيق فقد شاطرنا حلاوة النهائي:rose:
&&وليد عبد ربه ..وش تحس فيه:mad:
&&ياسر رجع لمستواة ولله الحمد وهذا بحد ذاته بطوله:smilie47:
&&تعامل العساكر مع جماهير الهلال عند مقر النادي..!لاتعليق(خاصة ذاك اللي مسوي فاندام ويروع الناس بالجيب الربع ويحاول يصدمهم):ranting:
&&حسن العتيبي ..ماقصرت ورددت على جميع المشككين:naughty:
&& احتضان سامي الجابر للدعيع ..اقولكم شي تراني صحت بس شوي للأمانه:cry:
&&عبدالله بن مساعد .. لبى قلبك:smilie47::smilie47:
&&نواف بن سعد..يااخي احبك من قلب ماادري ليش<<يمكن عشان فيني غميزه بخدي زيك:naughty:
&&شبيه الريح.. مانقصنا الا شوفتك بالنهائي ..أسأل الله لك العافيه:smilie47::smilie47:
&&جيريتس..لبى عويناتك يالعود..خاصة لما عطيك ذلك الطفل المعاق ..ميداليتك:smilie47::smilie47:
&&محمد الشلهوب..متى العرس يابو:d:d
&&ويلي ..لبى قلبك بس ..اوما لو لعبتك اللي بالكعب جات هدف كان انلحست زياده:to:
&&احلى بطوله هو تشريف والدي الامير سلطان بن عبدالعزيز :smilie47::smilie47:

ومضه..:smilie47:
ان كان في السماء هلال ..ففي الارض هلالs13s
الاول ينير للي في الارض..والثاني يجلد من في الارض:s2:
فأما الاول:فكان نوره يسطع ويتلألأ..والثاني يطربك بفنه ولعبه:smilie47:
وايضا" الاول: يظهر مره كل شهر.. والثاني قاعد على قلوب بعض الناس مدى الدهر:d

وفي النهايه....

كلهم اسمهم هلال وتترقبونهم دائما":smilie47::smilie47::smilie47: