|
تكفى يا بـنـدر !! ما لها إلا الله ثم أنت يابو محمد !! ما بقى إلا ساعات على المباراة !! بسم الله الرحمن الرحيم بذمتكم يا هلاليين جماهير وإدارة ولاعبين متأكدين إنكم تبون البطولة !!!!!! يعني ما أدري برووود غريب وفتوور أغرب ولا كأنه عندنا بكره مباراة نهائي ولا كأنه فيه مباراة أصلا !!! يعني ما أدري وش السالفة اللاعبين ما أشوف فيهم حماس من خلال تصاريحهم ولا حتى الجماهير اللي دائما تكون متحمسه تشوفها هالمره ( نايمه ) والمنتدى نايم !!! مع العلم إن ( أغلب ) اللاعبين يزورون المنتدى ويعرفون حماس الجماهير ويعرفون لا صار الجمهور نايم في المقابل الأهلي كلهم متحمسين حماس جنوني وينتظرون المباراة على أحر من الجمر سواء لعيبتهم وشفنا مالك وشلون يصيح أو جماهيرهم من خلال المنتديات !! يعني داخلين يبون البطولة باللي هي به ..!! أما حنا فشيء غريب اللي قاعد يصير يعني حتى الإدارة ما أشوف فيها ذاك الحماس وصادف أيضا غياب الرئيس شفاه الله وعافاه ..! واكتمل الناقص بالحكم الـ مختار بعناية قليل الأدب بوساكا ..!!! يعني المؤشرات كلها تقول إننا للأسف نتجه إلى هزيمه :cry: وفي حال حصلت لا قدر الله فأنا أحمل الإدارة المسؤولية الكبرى فاللاعبين في فتور ولا بد من الوقفة الحازمة معهم ..! وبصراحه ما فيه إلا شخص واحد هو اللي نشوفه متحمس وعارف قيمة المباراة وهو الأمير بندر بن محمد وأنا أطلب من الأمير بندر من هنا وبحكم خبرته وحزمه في مثل هذي الأمور أن يقف وقفه قويه سواء مع الإدارة أو اللاعبين فاليوم يومه ..!! وأنا أعتقد مسألة المكافئات ما تنفع معهم الحين !! توهم طالعين من بطولة ومكافئات ودلع ..!! لكن الإنذار بالإيقاف والخصم لكل من يستهتر بالمبارة ويدخل من دون حماس أو طموح للبطولة فهذا هو الأنسب ..!! يعني اللي نشوفه الآن إنهم مهب مسألة إنهم ضامنين المباراة إلا شكلهم مهب مهتمين فيها أصلا !! ما أدري هل يعتقدون إنهم خلاص أخذوا الدوري وفازوا على النصر إن المسألة انتهت وما راح يُطالبون بشيء .!! إذا كانوا يتعقدون الشيء هذا تراهم غلطانين ..!! وإذا كانوا يتصورون إننا راح نسكت ولن نغضب أو ننتقد بعد المباراة فهم ما حسبوها صح ..!! إلا نطالبهم بالفوز والمباراة بين يدينا والكأس غالية وإذا لم يقدموا المستوى المأمول فـ جمهور الهلال لا يرحم وسوف تنتقدهم الجماهير من أول لاعب لآخر لاعب ..!! عشان كذا ( فزعتك يابو محمد تكفى ) لأن الموضوع إذا استمر على ماهو عليه فأنا أقولكم من الآن ( هاردلك :cry: وقولوا ما قال !!!! الأمر الثاني : جيرتس ..!! مدرب ممتاز وداهية لكن سبحان الله الزين ما يكمل ولا كامل إلا وجه الله سبحانه ..!! مشكلة جيرتس الكبرى هي التبديلات !! باختصار غالبا إذا بدّل يجيب العيد ..!!! عشان كذا يا ليت يفكنا الله يفتح على قلبه ولا يقعد يبدل ويحوس المباراة ..!! وغير كذا لازم من البداية أن يلعب بالجاهزين ويترك الفلسفه من جهه والمجاملات من جهه ثانية يعني رباعي الدفاع المعروف وعزيز ورادوي والعابد و ويلي ونيفيز وياسر ..!! هذا اللي حبيت أقوله بخصوص الوضع اللي قاعد يصير واعذروووني فـ ماهو من عادتي أكتب موضوع حماسي بالشكل هذا لكن كله من اللي أنا جالس أشوفه :cry: بالتوفيق للزعيم يا رب |
من جد مـأأشوووف حمـآس والله وكنها مبـآرآة عاديه بس بإذن الي ماتنام عينه الفوز هلالي بإذن الله |
يــآشبــآب أهـم شي الحضور وتحفيـز الاعبيــن ، وبإذن الله البطوله هلاليـــه .. |
صدقت اخوووي كأن مو عندنا مباراة نهائي بكرهـ !! |
المهم حضور الجمهور وحماسه :smilie47: يعطيك العافية:rose: |
يعني تبغوونا نطلع ونصارخ ونقوول زي الاهلاويه بناخد البطوله وزي كذا ؟؟ نحنا مافي يدنا الا الحضوووور ومساندة الفريق الى نهاية المباراه سواء فاز او انهزم لاسمح الله أما الاشياء الثانيه كلها في يد الداهيه البلجيكيه وهو أفهم مني ومنك وبعدين ادخل منتدى الطحالب والله اللي يشوفهم يقولون بيلعبون مع فريق من الدرجه الثانيه مررره ضامنين الفوز وحالتهـــم حاله بس بأذن الله ثقتهم هذي وعدم احترامهم للخصم تخسرهم البطوله على العموم أهم شي احترام الخصم والحضور وبأذن الله البطوله هلاليه آسف على الاطااااله >> تقبلو تحياتي |
لاتخاف ولاشي هذا الهدوء الذي يسبق العاصفه والبطوله هلاليه باذن الواحد الاحد اهم شي الحضور للملعب اذا تبون البطوله |
يسلمووووووووووووووووووووووووووووووووووووووووووووووو |
انا معك انا في هدوء بشاهده التويجري > في صدا الملاعب بينما حماس في المقابل لانهم وصلو النهائي بس اعتقد من الغباء (عفوا) اتفريط ببطوله رقمها (50) انشاء الله يكون الهدوء الذي يسبق العاصفه ؟ ببصراحه المباراه تخوف انشاء الله تحسم من الاشواط الا ساسيه لو خسرنا لسمح الله بتاثر على الاسيويه الاربعاء مع السد كله عاد ولا كوزمين يفوز علينا ويارب التوفيق **** |
الحل في يدي و يدك ... الدعااااااااااااااااااااااااااااااااااااااااااااء ... و شكرا لك على الموضوع اللي جاء في وقته .. |
هناك مؤامرة تدار خلف الكواليس انسى تشم البطوله المباراه محسومه سابقا هالمؤامره ماهي غريبه علينا حصلت معنا قبل سنتين ببطولة كاس فيصل |
الله يوفق الهلال وان شاء الله البطوله هلالية يعطيك العافية |
بصراحة كلامك واقعي وهذا اللي انا قلت بقول عنه بس خفت الزعماء يعارضوني غيرتس يفكر في عرض كاس العالم واللاعبين في مباراة السد الله يعين بس |
التصآريح وكلآم المنتديآات مآ رآح تنفع :yes: بإذن آلله نجومنآ بيكون ردهم قوي بالملعب والشعب الهلآلي قدهآ وبإذن آلله يملون الملعب :ba: ويكون حضورهم فعآل ومؤثر بآلتوفيق لهلآلنآ :smilie47: ،، |
حنا نعرف ندق كورة فالملعب بس التصاريح واصدار البيانات لغيرنا |
| الوقت المعتمد في المنتدى بتوقيت جرينتش +3.
الوقت الان » 08:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd