- على أيام علي داوود ومحمد رمضان كان الواحد يتفاعل مع صرخة الفرح والفوز والأقوال بشكل خيالي وجميل لأنه نابع من القلب بدون تصنّع او إدّعاء
حتى خليجياً : خالد الحربان وعلي حميد لهم طابعهم الخاص بالدندنه على اوتارهم الصوتية واطرابنا وراء الشاشة ..

- بعد دخول عدنان حمد أولاً لمحيطنا الكروي المحلي و الضجيج اللي يحدثه وكأنك جالس في ورشة حداده ، الأدهى من ذلك عدم المامه بخلفية المباراة وتعويضها بالصراخ ولسا اتذكر مباراة تركيا والبرازيل في مونديال 2002 لما كذب جهارا نهارا على المشاهدين وقام يتكلم تركي بعد هدف حسن مدري ايش وبالصدفه كان جالس جنبي واحد تركي يسب في عدنان حمد يقول شقاعد يخرف هذا !!!
ومباريات كثير اثبتت فشله في كثير من المباريات وتعويضها بالنهيق وفوق ذلك التكلم بلغات البلدان بشكل سخيف واستغفال المشاهد ، احسه يذكرني بجملة عادل امام لما يقول : خيلي خوووبي خيييلي خوووبي ..


صاحب الصورة أعلاه محمد غازي صدقه ..

دخل المجال الرياضي بالواسطة عن طريق ابوه وكلكم عارفين ولكن اول سنه في قناة الـ art كان يعلق على مباريات الدرجة الثانية السعودي وربي رحم المشاهدين منه لان نادرا ما احد يتابع هالفئة ولكن طحت مرة على مباراة هو يعلقها تخيلوا اللاعبين باردين والملعب بخشه وكل الوقت الكوره برا وهو يناهق ويصايح ويسمي ذا باتيستوتا العرب وذاك زيزو الخليج ( قااالك بتبقى ماركه له )

وشائت الاقدار انه يروح قناة الزعيم وكان الله بعونا كذا مباراة علق عليها ..
وراح قناة الخشبية السعودية المفلسة ..
بعدها نصحوه يغير طريقته قام اخينا يقلد فارس عوض ..

- الله اكبر الله اكبر الله اكبر ( فارس يقول يارباااه يااارباااااه ) .. بنفس اللحن ..
- يكون متفاعل ومنسجم وصياح ونياح وفجأة يقول ( على فكرة هذا اللعب عندما كان صغيراً .. الخ ) بصوت هادي ..

كل هذا انسوووووه ..

انا رحمة من الله رحت جدة وحضرت مباراة اليوفي والاتحاد رغم التنظيم السيء وقعدتنا من العصر بالملعب والتقديم السيء من البطاطي لنجوم اليوفي ولكن استمتعت وكحلت عيوني باليوفي وديل بييرو ولكن المصيبة لما رحت اشوف اعادة للمباراة آخر الليل ..

اقسم بالله في حياتي كلها ما تمنيت احد اتوطى ببطنه مثل ذا الادمي ..


شوفوا طلعاته الغبيه بالمباراة :


- ديل بييرو عندما كان صغير كان يحب الشوكلاااا ولاحظوا كلمة الشوكولا وفي يوم من الايام ذهب لشراء فطيرة بالشوكلا ولما رجع للبيت لقاها سادة بدون شوكلا فبكى وبكى الى ان اتت امه وسألته مابك يا أليكس : قال فطيرتي ليس بها شوكلا فذهبت وابتاعت له فطيرة شوكلاا ..

وش هالسمااااجه والغباااوه !!!!!!

خلوا ذي طالعوا معاي شيقول :

يقول نجمتين على شعار اليوفي لأنه حقق 27 بطولة والاتحاد حقق 32 بطولة يعني الاتي افضل من اليوفي بعدد البطولات !!!!

هههههههههههههههه ياناس وربي اضحك وابكي وش هالغبي طيب الـ 27 بطولة دوري بس يا ..

وطوال المباراه يسمي جيرجيرا ( جيرارا ) و جيفينكو ( جوفنكيو ) ودي تشيلي ( شيليا ) وقاعد يلخبط بينهم ، المصيبة كلهم تغيروا وهو لسا ينادي البدلاء باسمائهم هههه !!!
والمصيبة الأدهي الرهيب طلع واستبدلوه وفي كوره عند الصقري وقاعد يقول ( يلاااا شوت يارشوودي ) ؟؟

المهم انو قافلة الاخلاق من هالبشريه اللي ازعجوا الخلق فيهم نهيق وصرير و خشخشه وربي اتحطلم وتجيني بلاوي الدنيا لما اسمع ( ذا الاهبل وواحد كمان اسمه شوقي الزهراني و عدنان حمد وعبدالله العدوان سابقاً )

وسلملي عليك يا علي سالم الكعبي ورؤوف خليف وأحمد الطيب ..
تفاعل معلومات اثارة حتى لو يعلقوا على دوري بلايستيشن .