اهانات ملعب الملز الى متى ..؟؟ - نادي الهلال السعودي - شبكة الزعيم

نواف 80 · #1 16/02/2010, 04:57 PM

بسم الله الرحمن الرحيم

اول شي مبروك الفوز والتأهل للنهائي وان شاء الله البطولة

50

ياشباب والله طفشت من اهانات العسكر واللي متخصصين بتطفيش الجمهور الهلالي

يعني بالله انا جالس بالواجهة تحت وهي ممتلية ومافي مكان ومسكرين اللي فوق

بالله وش يحترون انا واقف لي ساعة ونص احتريهم الين تتدافعوا الجمهور وخلوهم

غصب يفتحونه والشي اللي قهرني اني يوم جلست بالواجهة اللي فوق

رحت ابغى اصلي العشاء وكلمت العسكري قالي اذا طلعت ماراح تدخل يعني بالله هذا

كلام والله قهر

والشي الثاني اللي بيخليني اكره الملعب التدخين

.. انا انسان مصاب بالربو

يعني رجاءا تفهموا مشاعر الناس ومشاعري اذا تبي تدخن اصبر لبعد المباراة

او اطلع برا الملعب ودخل وبصراحة ماالوم اللي مايحضر الملعب بسبب المدخنين

الله يهديهم ويبعدهم عن هذي البلوه

...........

تحياتي

هلالي مخاوي البطولات · #2 16/02/2010, 05:38 PM

احتفظ بطرفك الثاني من التذكرة .. وتدخل غصب عن امه اللي جابته

وبالنسبة لراعين الدخان سد خشمك بمناديل

ضايع ضايع · #3 16/02/2010, 05:55 PM

ي والله من جد الى متى وكل مباراة بالملز تأخير واهانات
مشكوور اخوي على موضوعك الرائع
يعطيك الف عاافيه

نواف 80 · #4 16/02/2010, 05:58 PM

هلالي مخاوي البطولات

يسلملي مرورك .. طيب اذا سديته ياخي ابغى اشجع ض1

ضايع ضايع

يعطيك العافية على مرورك

سعودالرياض · #5 16/02/2010, 05:59 PM

يعطيك العاااااافيه يازعيم

وعقبال البطوله رقم 50 بإذن الله

هلالي قريناوي · #6 16/02/2010, 06:04 PM

انا معمري دخلة لاكن اسمع من كل الجمهور يسبون الامن فية

abu_sol6an · #7 16/02/2010, 06:22 PM

صادق والله

افشل ملعب شفته بحياتي او ملاعبنا نظامهم خايس

لاتقدر تصلي مثل المسلمين ولاتطلع من الملعب زي العالم ولا تقدر تشوف مباراة وانت مرتاح يعني يا يجي واحد يبلشك ويكتمك بالدخان حقه ولا يجي واحد يوسخك بالفصفص حقه ولا يجيك واحد يتلفظ بألفاض بذيئه وتلقى وراه طفل بأولى ابتدائي

الله يعيين بس على ملاعبنا السامجه

homs.taza · #8 16/02/2010, 06:31 PM

تعودنا على الامن ..

لكن المدخنين ما نقول الا الله يهديكم ..

يعطيك العافية على الموضوع

الفيلسوف8 · #9 16/02/2010, 06:42 PM

يالبآ مكاني امس بس والبوابه الي دخلت معها العسكري هلالي
والي فتشني تطاقيت معه ممنوع تدخل قلم والمشكله القلم ابو ٢٠٠٠ ريال
وجاي مشخص بثووب وشماغ
واخرتها ممنوع بس دخلته من فوووق خشمه ...

alzaeem_2020 · #10 16/02/2010, 08:06 PM

إقتباس

الرسالة الأصلية كتبت بواسطة نواف 80


	بسم الله الرحمن الرحيم اول شي مبروك الفوز والتأهل للنهائي وان شاء الله البطولة 50 ياشباب والله طفشت من اهانات العسكر واللي متخصصين بتطفيش الجمهور الهلالي يعني بالله انا جالس بالواجهة تحت وهي ممتلية ومافي مكان ومسكرين اللي فوق بالله وش يحترون انا واقف لي ساعة ونص احتريهم الين تتدافعوا الجمهور وخلوهم غصب يفتحونه والشي اللي قهرني اني يوم جلست بالواجهة اللي فوق رحت ابغى اصلي العشاء وكلمت العسكري قالي اذا طلعت ماراح تدخل يعني بالله هذا كلام والله قهر والشي الثاني اللي بيخليني اكره الملعب التدخين .. انا انسان مصاب بالربو يعني رجاءا تفهموا مشاعر الناس ومشاعري اذا تبي تدخن اصبر لبعد المباراة او اطلع برا الملعب ودخل وبصراحة ماالوم اللي مايحضر الملعب بسبب المدخنين الله يهديهم ويبعدهم عن هذي البلوه ........... تحياتي

والله انك صادق يحبون يهينون جمااهير الهـــــــلال

وياليت صدق للمدخنين لايدخنون في المدرجات المفرووض يطلعون ولا يصبر لابعد المباراه

هلالي والعز مكاني · #11 16/02/2010, 08:15 PM

يسسسسسسسسسسسسسلموؤؤؤؤؤؤ كلام صحيح مئه بالمئه

هلالكووو · #12 16/02/2010, 08:29 PM

أتمنى يالغالي مثل هالمواضيع ماتكتب في نفس هالتوقيت الخوف يأثر على حضور النهائي ..

faisal_alzaeem · #13 16/02/2010, 08:33 PM

والله انا انك صادق حتى انا عندي ربو ..التدخين ظاهرة سيئة والله يحمي الشباب منه ^_^

مجنون ميريل رودوي · #14 16/02/2010, 08:42 PM

والله إنك صادق
ياخي بعض الناس مايهمه إلا نفسه الله يهديه

علي السلطان · #15 16/02/2010, 09:20 PM

يالربع الشغلة مو اهانة للهلال .. ولا يتقصدون الهلال
السالفة هو موكل بعمل وعليه تأديته ، لا تنسى أن أخلاقه رايحة فيها تخيل أنك ما تشجع الهلال أو أنك تشجعه لكن شغلتك ينادونك من بيتك ويقولون ترا اليوم عليك تستلم مهمة الملاعب ..
باختصار هم يؤدون عملهم ، وصح فيهم اللي أخلاقه زفت لكن ما لك الا الصبر وتحاول تكسبه بالكلمة الحلوة ..
ولو الود وده هو ما جاء وتعنى غثى الجماهير وخلا الجماهير تتلاعن الخير على البوابات وفي المدرجات