|
بين الجوازات والأحوال المدنية السلام عليكم 2/24 في هذا التاريخ سيلعب الهلال مع السد القطري :alzaeem: من هنا بدأت القصة تحدثنا أنا وبعض الزملاء بعد الحصول على الدوري للحضور هذه المباراة s13sخصوصا أنها قريبة من الرياض وفي وقت مناسب ((في وقت التسجيل لجامعة الملك سعود للفصل الثاني )) . بدأت أولا بتاريخ 1431/2/23 لاستخراج بدل فاقد من الأحوال المدنية وياااااا ليـــــــــــل ماطولك تعال بعد أسبوعين ندور الملف بالأرشيف ------- للحين على الأرشيف العالم وصلو القمر لا وتعال شف النفسيات . جينا بعد أسبوع لقينا الملف بصمنا وصورو الخشة وياااااااااالــــــــــــــيـــل ماطولك الموظف : خل تكمل العدة أسبوعين وبعدين قدم الطلب وأسبوعين ثانية لين ماتطلع . يابوشباب عدل بدل عندي سفرة الأسبوع الجاي الموظف: لازم أسبوعين .:mad: رحت للجوازات نجدد الجواز يجيك الموظف يقول: لازم نطابق أصل الأحوال مع الصورة طيب خشتي طالعه عندك والجواز القديم معي ,رح للعقيد وروح له : لازم الأصل .يبن الناس عدل بدل مافيه.:ranting: 3 أيام وانا أطامر بين الجوازات والأحوال المدنية. هل من المعقول شهر كامل لاستخراج بدل فاقد ويقلون ليش تفقدها ماتمشي صورة البطاقة ولا الرخصة في الإثباتات وشلون ماتبونها تضيع. المهم حبينا نفضضفض شوي من الغثا في الصدر ولي شغال بالجوازت يمكن يفيدنا. |
والله انا نفس الشي ان شاء الله مرتب اموري احضر المباراة انا وكم واحد من الشباب ومعروفة حركات الاحوال حقت الاسبوعين,,, اعتقد انه إجراء امني زي ماقالي واحد من الشباب يشتغل هناك لكن اخوي ممكن افيدك,,, اعتقد ان احوال المناطق مثل ثآدق وشقراء والمجمعــة تطلعها في اقل من اسبوع اعتقد اسأل والله يوفقك يارب |
شاكر لك مرورك أخوي بس لازم نقس المصدر ((يعني نالك الا فرع الوشم)) اذا الجواز يطلع بيومين نفس الإجراءات الأمنية وشوله 4 أسابيع جزاك الله خير على الدعوة. |
لا مو صحيح ياقلبي انا كنت مطلع بطاقة الاحوال من المجمعــة وغيرتها من الرياض وطلعت الجواز عآدي انا اقولك اقل من اسبوع ياغالي |
اولا كذبة الاسبوعين ذي صارت عندهم احد انظمة العمل واقول كذبه لاني اكتشفت انها كذبة بعد ما كنت اتوقع انها نظام من وزارة الداخلية وهذا ما كان يوهمون به المراجعين انه قرار ويجب احترامه لانه احد الزملاء يملك لسان وتحايل وكذب قوته 240 حصان في يوم واحد فقط احذ معه تقرير طبي كان بينه وبين سطل النفايات شعره واحدة s121s بكل ثقه يقول هذا هو الواسطة التى سوف تفتح لي ابواب الراحة اخذ :naughty: التقرير الطبي معه الى ادراة الاحوال ودخل به الى نائب مدير ادراة الاحوال :cry: واخبره انه هذا التقرير الى احد اقاربه وانه يجب انه يكون غدا على متن الرحلة المتوجه الى الخارج معه قريبه المريض بعد ان صدر لهم امر علاج ونظرا انه الادراة هنا ما تمشي الا بالكذب وكذلك :ba1: امر له بصرف البطاقة ودون الوقوف في طوابير الانتظار من اجل ان يكون عنده الوقت الكافي لكي يتم تجديد الجواز :ap: في الموضوع انه نائب مدير مكتب الاحوال اتصال في احد اصدقاءه في الجوازت من اجل تخليص امور صديقنا الكاذب وخلل نصف دوام فقط انتهى من اجراءت اثنتين من اعقد الاجراءت ثانيا احذر من الذهاب الى تلك الاماكن بدون واسطة |
أخوي رائع يمكن كلامك على البطاقة القديمة ذي تطلع بيومها بس الجديدة غير ودخلت على مكتب مدير الأحوال قال مافيه الااسبوعين تنطق كذا النظام ، المشكلة وين الواسطة وشاكر لكم المرور |
بخدمة جدة يحصل موقف متكرر دائما ً يعطونك رقم مثلا 150 وتجلس تنتظر ثلاث ساعات وتصل للموظف يقولك متى قدمت على البطاقة تقول يوم 21- 3 مثلا ً يقول البطايق اللي موجودة اللي قبل 17 - 3 طيب بلا غباء ليش ماتقولون من البداية اي واحد قدم على البطايق بعد 17 لاينتظر ولايحجز دور باقي ماوصلت .. قسم حصلي هالموقف بعد ماستأذنت بشق الأنفس من المدرسة وجلست ساعتين ان لم تكن اكثر وبصالة ترفع الضغط واخر شيء قال الموظف ماوصلت يعني ابجديات التنظيم ماعندهم بالنسبة للبطايق معروف تاخذ 14 يوم لين تطلع لكن هذا وجهي ان خذتها بعد 14 يوم بالذات بجدة انا رحت بعد 19 يوم وعلى بالي متأخر وجاي متفشل قلت الحين بيقولون ليش تأخرت :s2: وقالو ماجات راجعنا بعد ثلاث ايام يمكن تجي :naughty: سحبت اسبوع وجيت ولقيتها انتظرت ساعة ونص تقريباً لاني سنترت بعد التوقيع بالدوام مباشرة :s2: ولو قالي ماهي موجودة كان فقعت وجهه ومشيت لأني انسان متوحش وماحب رفعة الضغط s121s |
يارجال الاحوال معروف العن دايره حكوميه تصدق 40 يوم عشان اغير بطاقه الاحوال رحت اول مره قالوا اصبر حتى مايجي ملفك من المدينه المصدر اللي طلعت منها البطاقه الاولى لاني كنت في الجنوب وطلعته من هناك وبعد 25 يوم على قولهم جاء الملف مع ان نفس البيانات موجوده في الكمبيوتر لكن اعذار غريبه وبعد 25 يوم قالوا تصور وبصم وتعال بعد اسبوعين والقهر كنت ناوي احضر مباراه برشلونة في الامارات لكن للاسف بسبب مرمطه الاحوال مارحت والله يعوضنا خير لكن اللي قاهرني ليه مايفتحون اكثر من فرع للاحوال يريحون الناس من الزحمه عند الاحوال في المواقف ومن الانتظار اللي ممكن يوصل للساعه واكثر واذا كنت محظوظ وداعيتلك امك طول الليل تخلص في ساعه واذا حظك سي 4 ساعات وانت ماشي |
(اسير& المحبة ) شكلي بذوق اللي ذقته هذا حنا تمر الأيام وننسى والأجراءات صح انها تتحسن لكن مثل مشي الدودة بالطريق الدائري |
الله يعينك على مرمطة الدوائر الحكووميه,,, صدقني لو عندك واسطة بتمشي أمورك سلام سلام.. وموعدنا الدوحة إن شاء الله>>يقولون المعيشة غالية هناك ودي أروح صد رد,, أحضر المباراة وارجع الديرة |
**الـــــــــواوا** شاكر لك أخوي على المرور بإذن الله ربك يفرجها وان كنت صامل على الروحة فيه مواقع تعطيك تصور على الأوضاع وتقدر تحجز وترى الأحساء قريبة وأرخص مشوار 150كم تقريبا على ما أظن وبالتوفيق |
الله يعينكم ويعين الجميع عوووووووووووووووووووافي |
ما قلت ذا الكلام إلا وعارف انه فيه عالم تتذمر من الواقع المزري في هالدوائر لأنه من يملك اتخاذ القرار ماراح يطامر مثلنا يجيه الأحوال أو الجواز بمكتبه ولا تشوفه قدامك يدخل بدون أرقام والناس تطالع وتقول الله يقطع ابوالواسطة |
الله يعينكم ويعين الجميع عوووووووووووووووووووافي |
يا عمي عندهم انظمة مدري وش تبي انا جوازي رحت اجدده قالو لي انت خارج السعودية من عام 1425 ولا سجلت دخول وبهذلوني |
| الوقت المعتمد في المنتدى بتوقيت جرينتش +3.
الوقت الان » 12:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd