|
الى متى الاهانات في ملعب الملز ... ألف مبروك الفــوز .. أقسم بالله العــظيم صار قدام عيني موقف أمس بالمباراة .. خرب جو المباراة كلهــا .. شباب وانا جالس بالمدرج العــلوي .. جاء عسكري كبير بالسن وسمين .. لشخص لحاله مامعه أحد .. وجلس فوق راسه يهاوشه ويقوله .. قم اجلس بالكرسي اللي جمبك .. وهو يكلمه . العسكري ينافخ ويشده بيده .. شوي الا يضربه على كتفه وهو يصرخ عليه .. قام معه ويدفه للمكان الثاني .. الولد مهوب صغير وعمره يمكن 28 أو 29 .. وباين انه محترم .. والله ياشباب لوتشوفون وجهه .. انقهر ولاعرف وش يسوي ... أقسم بالله واضح انه مغبون .. انا أقسم بالله اني بعيد عنه ولا يمديني اوصل له .. بصراحة أقل شيء اني اتكلم .. وامسك العسكري واذا مد يده .. والله العظيم ما اسكت .. وين عايشين حنا .. بمصر ... تحسبون الموقف خلص ..؟؟ ... العسكري نادى واحد من المشجعين اللي موقفين بالممر وقال اقعد جمبه .. وجلسه .. والولد الثاني كأنه قال بروح لاخوياي وجاء يوقف ... الا ويشده لتحت ويضربه على ظهره ... أقسم بالله العظيم ان هذا ماحصــل ... وانا أكتب منيب مصدق .. شباب عمري ماشفت مثل هالموقف ... والله العظيم أن صدري منكتم طول المباراة .. ولا لي نفس أحضر مرة ثاانية ... طبعا فيه عسكري صغير بالسن مع هالدب ... وجالس يطالع باستغراب ... أقسم بالله اهانة مابعدها اهاانة .. انا والله شرهتي على اللي جمب المشجع والمشجع نفســه ... مدري ليه سكت .. وش بيسون له يعني ... بينضرب زيادة بس أهون من انه ينضرب قدام العالم وساكت ... من أمس وهو مايفارقني هالموقف ... رسالة الى المسؤولين بوزارة الداخلية ورعاية الشباب .. رسالة الى كل صاحب قرار ... العسكر معاملتهم للجمهور غير لائقــة .. الملعب خدماته سيئة .. لا بوفيهات ولا أكل ولا شرب زي النااس ... الموية حارة البيبسي كله موية .. الخيارات محدودة .. شوفوا الدنيا شوفوا الناس وين وصلوا ... حتى شاشة الملعب مافيها اعادة للأهداف .. وماغير يلونونها بكل شوي لون .. احمر وأخضر .. وتعداد السكان مهم .. ولا للمخدرات .. طيب حطوا هدف ياسر ماشفته .. وبعدها حطوا اللي تبون ... والله لو مافيه منصة والمسؤولين يحضرون مع الجمهور ان كان مايتحملون ... وهذا وجهي أن أحد حضر منهم .. |
إقتباس:
هههههههههههههههاي ياخي مصر افضل منا الف مره لاجديد هذا الجمهور الهلالي دائما معرض للاهانه مع الاسف |
ومع هذا كله حاضرين حاضرين يحاولون يطفشون الجمهور بس يبطون ناشبين لهم مافيه فكه |
تلقى العسكري نصراوي وإلا غيره الله يعين الحال بس |
يعطيكم ألف عاااااااااااافيه يازعماء وألف مبروك التأهل وعقبال البطولة رقم 50 بإذن الله . ومااااااااااااااااعليك منهم بس الله لايعوق بشر حاضرين حاضرين وين ماراح الزعيم م م م م م |
يآآآآآآآآآآقلبي هو والله<<<كل الناس قلبها خخ سلامات ليه تسذا شايفه اصغر عيآله ولا وشو صدق اللي فوقي آكيد نصراوي ومنقهر <<اللي فوقي عاد مدري مافيني حيل اشوف اسمه خخ يسلموو |
ومع هذا كله حاضرين حاضرين والله المفروض يحطون رجال امن خاصين للحضوور الى الملاعب بس ويدربون ويسمون((امن الملاعب)) ولازم كل واحد على الفنيله مكتووب اسمه عشان اذا غلط يشتكي عليه |
كلامك سليم ووويعطيك العافيه اخوي على الطرح |
للأسف الشديد هذه هي العقليات لكثير من عسكرنا !!!!!!! |
هذا مخططهم يبون الجمهور يعزف عن الحضور لكن حاضرين حاضرين مشكووور اخوووي |
مرحبآإأ أخوي .. أزيدك من الشعر بيت .. بين الشوطين كآن ورآي أربعه طلعوا يآكلون في وقت خروجهم جآإأء وآحد وجلس .. رجعوا يبونه يقوم !!! ورفض وجآأإء الأمن يقوله تقوم بالطيب ولا أقومك بـ القوة طيب ليه السؤال هنآ هل التذاكر ألكترونية عشآن كل وآحد محله معروف |
مد يده .. والله العظيم ما اسكت .. وين عايشين حنا .. بمصر ... هههههههه خلها على الله مصر احسن منا ولا للمخدرات .. طيب حطوا هدف ياسر ماشفته .. وبعدها حطوا اللي تبون ... ههههه والله انك صادق تسلم والله على الكلام عساكر بدوالله لايوفقهم فقراويه ومع ذالك حاضرين يعني حاضرين |
الله يعين حتى جماهير نجرآن .. وبالتوفيق للهلال آمام الأهلي الجمعة القادم .. شكراً |
المشكلة ماهي إن العسكري هذا مايحب نادي الهلال أو غيره ، المشكلة في اللي حط العسكري على أمن الملعب ، ياخي إذا كان العسكري هذا اخلاقه شينه برى الملعب ، وشايف نفسـه ،كيف هي اخلاقه وهو في ملعب مليان جمهور، ودوامه في هالزحمه ، طبعاًُ أنا ما أبرر للعسكري هذا الشي لأن هالشي معروف عنهم ومعروف عن (بعضهم) لاحظ قلت بعضهم ولا أعمم . معروف عنه عنجهيته وحقارته وغروره ببدلته ، وكأنه مقدس وممنوع تآخذ وتعطي معه . (لكن) ليه مايكون فيه شركة أمن هي اللي تهتم بالجانب الأمني في الملاعب ، هذا غير تطوير الأشياء التي ذكرها الكاتب .. طبعاُ كل هذا الكلام نفخ في قربة مشقوقـه ، ومن سابع المستحيلات تتغير.. إلا أن يشاء الله .. وفي الأخير نبارك للزعماء فوزهم .. وتأهلهم للنهائي المنتظر .. |
هنا كل شي ذل في ذل واذا بتسوي شي يودونك للجيب !! الله يصبرنا بس |
الله لا يوفقه يارب جعله ما يتهنا في حياته تحيتي لك |
من المعروف ان من اهم مقومات نجاح اي دوري هو الحضور الجماهيري والممارسات اللي يقوم بها بعض الجهله من رجال الأمن في الملعب تنعكس سلباً على الحضور اتمنى من الجهات المسئوله سواء في هيئة دوري المحترفين او ادارة الملعب النظر في هذا الموضوع دمـــــــتم بـــــود |
الكرامة أولاً ،،،،،،،،،،،،،،،،،،،،،،،،،،،،،،،،،،،،،، ثم :alzaeem: . |
هنا كل شي ذل في ذل واذا بتسوي شي يودونك للجيب !! الله يصبرنا بس |
تأكد أنهم مايسون هذا الشيء الا لأجل يطفشون الجمهور الهلالي لكن بنحضر عشان الزعيم وخلهم يسون اللي يبون ماحنا معطينهم فرصه لأنهم يبعدون عن الحضور |
حسبي الله ونعم الوكيل مشكووووورر اخوووي |
ياخوي هذا حال الامن هنا نفسيات يعني شي معروف ويحولن ويحلمون بس يبطون حاضرين حاضرين وحره على قلوبهم وبالتوفيق لزعيم |
أنا هنا ليس للدفاع عن المشجع الهلالي ولا عن رجل الامن ولكن للتوضيح جميع المسارات في الملاعب ما بين الكراسي يمنع الجلوس فيها من ناحية أمنية واحترازيه وانا في بداية المباراه كنت بالدور العلوي شفت التعامل : العسكري يطلب من الجمهور ترك الممر والجلوس في اي مقاعد اخرى (شاغرة ) وبعد دقايق يرجع ويلقى نفس الجمهور وجالس على الممرات المشكله مو من رجل الامن ولا من المشجع المشكله من بعض الجماهير هداهم الله يحجز مقاعد اكبر من العدد الحاضر فتتجول في المدرجات والكل يقول لك محجوز وتبدأ المباراه ويوجد مقاعد شاغره بسبب بعض الجماهير وكان محاولات رجال الامن بأن يكون الجمهور الذي يجلس بالممرات بالذهاب خلف الابواب لوجود أماكن شاغره ولا تلومه كمشجع يبي يشوف المباراه من مكان واضح ولا تلوم العسكري اللي يحاول بالعالم تتحرك ويروح ويرجع ويلقى نفسهم على الممرات ( عناد ) مجرد توضيح فائق احترامي |
متى نتطور وتتطور ملآعبنـآ وبمآ في ملآعبنـآ ؟؟ :( |
لو يسووووون اللي يسوووون حاضرين حاضرين بإذن الله |
حسبي الله ونعم الوكيل عليهم مشكوـوـور اخوـوـوي |
وين عايشييين ؟؟!!! لاتسكتون على هالأشكاااال .... الله يعيننا ~ |
يآآآآآآآآآآقلبي هو والله<<<كل الناس قلبها خخ سلامات ليه تسذا شايفه اصغر عيآله ولا وشو صدق اللي فوقي آكيد نصراوي ومنقهر <<اللي فوقي عاد مدري مافيني حيل اشوف اسمه خخ يسلموو |
و ما عليكم من كل هذا هلالنا يستأهل التعب .. ! |
لاتزيد المواجع اللهم وفق الزعيم يا رب العالمين . آآآآآآآآمين يارب. |
يلعن ابو القهر (لي ما تحميتو عليه وسدحتوه على الارض تنسونه اسمه ) والله مصر مطوره احسن مناااا(هع") |
لاحول الله اكيد هذا نصراوي او اتحادي بس وش ذنب الجمهور اعوذ بالله منهم |
ليش هذه التصرفات لا تحصل الا لجمهور الهلال؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حسبنا الله ونعم الوكيل |
ومع هذا كله حاضرين حاضرين يحاولون يطفشون الجمهور بس يبطون ناشبين لهم مافيه فكه |
كل هاذا على شان مانحظر لكن حاضرين حاضرين والله لو اني منه لااصرعه صرعه ماينساها |
الله يصبركم وحسبنا الله ونعم الوووووووووووووكيل |
الله يعطيك العافية .. والله أنه شي يقهر مررره .. بس وش يقول مجبور أنه يسكت من أجل الزعييييم وإبداع القناااااص .. ولو تعرض للعسكري كان دخل بمتاهات ما لها أول ولا تالي .. |
لاحول ابد الله ينتقم منه ويعطيك العافيه على الموضوع |
لا حول ولا قوة الا باالله كلمة قاال الشاعر عبدالرحمن بن مساعد |
والله قهرررررررررررر شي يقهر لا امزعه هو وكرشته المشكله مايسمى عسكرررررررررري سلتووح ومسوووووي ضابط ابوكرشه |
في الملز مالك الا الصبر يالغالي مبرووووووووووووووووووووك الفوز |
والله يا رجال العسكر اوصخ ناس في العالم الضباط يهينونهم ويسبونهم ويجون يطلعون حرتهم فينا والله إني مقهور منهم الواحد يجيك مستغل البدلة الي هو لابسها وينافخ على العالم وثقافتهم ضحلة جدا جدا جدا الى مارحم ربي |
والله العظيم انك صادق ان العساكر كرشوني من 3 اماكن كلما جيت مكان كرشوني تخيل تابعت الشوط الثاني واقف ومعاي اخوي عمره 5سنوات واقف طول المباراة |
انت هلالي والمعروف كل شي ضد الهلال متاهات !!!! |
حاضرين حاضرين لو تخلون الشرطه ضد الهلالين |
| الوقت المعتمد في المنتدى بتوقيت جرينتش +3.
الوقت الان » 02:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd