السلام عليكم يازعماء ...
كل من يتتبع الكتاب الرياضين ويقراء لهم يجد فيها المفيد ويجد فيها العجيب وخاصه كتاب الاصفرين بصراحه
لما تقراء لهم خطر يصيبك شد عضلي في مخك من تزييف وتزوير وقلب للمفاهيم وضحك على المحرومين من البطولات
فهم ليس لهم مبداء ولامنطق ولا فكر لكي تقتنع بما يكتبون وانما هم يهذون بما لايعلمون وللأسف تجد لهم قراء في كتاباتهم يستشهدون ويحاجونك بجنون واذا اثبت الحقيقه لهم لايقتنعون
الان اشوفهم طالعين في موضة الهلال بس محترفينهم هم اللي شايلين الفريق ويستشهدون كتابهم بكأس فيصل رحمه الله .

نرد عليهم
الهلال شارك في البطوله هذه بفريق الاولمبي واحتياطيين الاساسيين امثال عمر الغامدي وحسن العتيبي يعني اللي ماجته فرصه بالعب بالفريق الاساسي اضافه لمن هم تحت 23 سنه .

واغلب الفرق شاركت بشبه فريقها الاساسيين من غير المحترفين ويكفي ان الهلال اخرج النصر والاهلي من دور الاربعه وهم اكثر االفرق التي شاركته بفريقها اللي يلعب في دوري المحترفين .
ووصول الهلال لمباراة النهائيه وحصوله على المركز الثاني يعد بفريق خليط من الاولمبي واحتياطيين يعد شي جيد وهو ماعجز عنه الاخرين .
ملاحظه الهلال خصر بأخطاء فرديه (حارس).
كانو يقولون زمان اذا راح منكم سامي راح ينتهي هلالكم وقالو بعضهم ابعدو الشريده ومنهم قال ابعدو الثنيان وقالو شيلو كماتشو ووصلو الي تفارس وفرحو بأنتقاله لقطر ومن ثم قالو الهلال طارق التايب .
وكثير النجوم الذين حجمو بهم الهلال والان يقولون محترفين الهلال هم الهلال .

طيب فيه عندي استفسار بسيط هل الهلال هو النادي الوحيد اللي مسموح له بجلب اجانب

المشكله تجد من يصدق ويبصم على كلامهم ان الهلال مافيه سوا لاعبين اجانب .

والهلال كل لاعبينهم من الاساسيين والاحتياطيين مثلو المنتخب يعني من نخبة لاعبين المملكه

الكبير الله وحده
الاتفاق حقق بطولات عربيه وخليجيه وبطولة دوري بدون هزيمه يعتبر كبير !

القادسيه حقق بطولة كأس الكوؤس الاسيويه قبلهم بس بدري عليه قبل الزعيم هو ثاني نادي بعد الهلال بتحقيق البطولات الاسيويه يعتبر كبير .

الرياض حقق بطولة ومراكز متقدمه في البطولات المحليه وله تاريخ وحقبه من الزمن كان ينافس فيها مثل الحالمي
وانتهى جيله والله يخارجه من درجه ثانيه يعتبر كبير .

الوحده كمان والاهلي ايضا كلهم لهم تاريخ وبطولات ترتبط في اجيال ولما ذهبت هذه الاجيال توارو عن المنصات

ناديهم النصر ارتبط بجيل ماجد وهريفي ومحيسن ولما ذهبو اصبحو مثل سابقيهم

والاتحاد نور وبقايا جميل ولما ينتهي هذا الجيل كأني اراهم على طريق السابقين

اما الهلال ماضي وحاضر وان شاء الله كمان مستقبل للاجيال هم من قالو الهلال ثابت والبقيه متحركون .

رولندينو وياسر
الله يستر لا يصير مصيرك ياكاسر مثل مصير رولندينو من القمه الي القاع ولكن يبقى الامل فيك موجود لاتكون هذه بداية السقوط.
اتمنا ان تنتهي الافراح بفوز مباراة لان جمهور الزعيم جمهور بطولات لانكون مثل الجيران ومن الان نعد ونستعد لبطوله تكمل عقد الخمسين