نادي الهلال السعودي - شبكة الزعيم - الموقع الرسمي - نجران والاستهتار والاسطوره والاقلام الماجوره ورسالة من جمهور الهلال إلى الاعبين

السلام عليكم ورحمة الله وبركاته

صباح أو مساء الخير كل على وقته :d:d

بما أني لاأجيد الغه العربيه خلونا بالعاميه أحلى :ga:

بصراحه فيه كم موضوع يقرقع براسي وحبيت اسدحهن سوا وماله داعي كثرت المواضيع وأتمنى أخذ الموضيع بنقاش

جاد وهادف وكل هذا لمصلحة الزعيم ولاغير الزعيم :alzaeem:

1_ جمهور الهلال والاستهتاربنجران

لاحظة أنه فيه ناس من جمهور نادي القرن حاط النهائي بمخباته ولاكائنه راح يلعب الاثنين نصف نهائي مع نجران

وناسين أن نجران من أهم الاسباب بعدم حصولنا الدوري الموسم السابق وأنه طلع روحنا ذا الموسم

وياليت ناخذ من مبارة النصر الدور الثاني درس

وأتمنى من كل قلبي أن الموج الازرق يغرق الملز ويخلي مدرج الملز يهتز طربا كم ستهتز أرضيته بابداع

نجوم الزعيم <<< تراي تعبان على ذي الجمله ولادري كيف اطلعت فاتحسبلي صراحه :to:

وترانا ملينا الملك فهد محنب عجزين على الملز ولو يحطون المبارة بالكامبنو ملينا المدرج ملي >> أبوك يثقه:wub:

2_ الاسطوره والاقلام الماجوره

يالبيه بس ياأبوعبدالله ياخي تسيف أنك حارق قلوبهم لاعب وإداري بس والله متلومهم والي سويته بهم شوي

حتى ان مقالاتهم ماتحلى ولاتنشر الا بوجود أسمك فانت هدفهم بس بدري عليهم يهزون شعره منك والله بدري

وأجمل شي أنك ردك عليهم ذهب في ذهب بطولات وانت لاعب وبطولات وأنت إداري وش أحسن من ذا الرد :smilie47:

أما سالفة القناة الرياضيه فا يابو عبدالله خله على ربك والله مافيه أمل تتطور ذي القناة ولو بعد مئة سنه

(بالله ماحسيتو أني أمون على خلفهم سامي :wub::wub:)

3_جريتس وهيبة الملوك

وهـ بس يالبيه على ذا المدرب ياخي صدق أنه يخوف :s2: بس ياحبيل قلبه هيبة ملك :ga:

وداهيه بماتحمله هذي الكلمه من معنا وأحلى شي فيه فرحته اذا راح لم جمهور الهلال بعد المبارة ياخي تحس أنه

له عشرين سنه يدرب الهلال من روحه وحماسه >>> مهب عاقل فيرجسون :to:

4_ نقاط هامه

أ- جمهور الهلال البطوله الخمسين على الابواب فادعمنا هو وقودهم فلا تحرمونهم

ب- ياسر ورب البيت أن كل الهلالين يحبونك مهب يحبونك الا مجانين فيك بس يحبون كيان الهلال أكثر

وإذا مارجعت نفسك ستجد نفسك بموقف محرج وتاكد أن أي هلالي معك الى الاخر واهـ يا 2007

ج_ عيسى المحياني ياليت كل الصفقات الفاشله على كلام جمهور الجار مثلك كان ادعي ليل نهار أن تكون

صفقات كل الهلال فاشله بس ودي أفهم وشلون قالو أنه فاشله وأنت حسمت دوري وأهلتنا لم نصف نهائي

وبغيت تحسم أول بطولات الموسم بس نعذرهم ماعمرهم شاف الزين حتى صار الزين شين والشين زين بعيونهم

>>> إذا أحد فهم وش أقصد يعلمن :naughty:

د- لي يونق مهظوم جماهيرين وهذي غريبه منكم ورب البيت أنه من أهم أسباب قوة الهلال

ولبيه يابو عيون أوساع :naughty:

هـ- رادوي :smilie47::smilie47:والله أني خاق مع ذا الاعب خقق مايعلمه الا الله وهـ بس ياناس روح

حماس ياخي يلعب من قلب ليت منك أثنين

ط_ أبو دعيع وأبوعتب عينان براس مهما حاول الاقزام التطاول عليهم وكلهم قد الثقه

ز_ نيفيز ياخي مالك داعي ارحم الحراس شوي ياخوي قطعتهم تر تبي تنقرض الحراسه السعوديه بسبتك

غ_ ويلي ياويلي ياويلي من ولي ياخي ذا الاشقراني مهبول يشيل فريق ماشالله وروح مرحه برا الملعب لاتقولون

وش دراك الكتاب باين من عنوانه بتمارين وغيره وفوق هذا كله اكثر الاهداف الهلاليه من صناعته يالبى قليبه

ع_ الشلهوب و أبو كلبشه وعزيز والزوري والمرشدي والعابد لو بمدح كل واحد فيكم كان ماخلصت

ولاكن ساكتفي بكلمه تفي بالغرض شكرا من القلب

رساله هامه إلى لاعبين الهلال

أنتم تلعبون لي أعظم نادي أسيوي وجمهور هذا الكيان لايرضى ببطوله أو بطولتين لانه طموحه

الذهب ولا غير الذهب فاأعانكم الله على هذي المسوليه العظيمه وأنتم اهل الثقه

في الاخير أسف على الاطاله وأتمنى منك الحظور يوم الاثنين لكي يشعر الاعبين في أهمية المبارة

ودمتم بود :rose::rose:

أخوكم : عاشق الابداع