|
الحـل الامثل لـ عودة يآسر لمستوآآآآهـ .. وببسـآطه .. ! وستكون الانطلاقة من مباراة نجرآآن .....! السـلآم عليكم ألف مبروك الفوز على النصر والوصول الى نصف النهائي , وعقبال الكآس يآرب والبطولة خمسين بإذن الله أختلف مع سآمي بـ حديثه بأن الفوز على النصر بطولة .. لان لو فوزنآ على النصر بطولة , كان تخطيط الادآرة من بداية الموسم ع الفوز على النصر, الحمدلله حنآ أحسن من غيرنآ وتفكيرنآ دآئمآ بالذهب . :rose: يـآسر والحمله الموجهه ضـدهـ في كل موضوع وتوقيع .. يآسر قبل مايكون لآعب , فهو مشجع منذ الصغر وعاشق للكيآن , فهو يتمنى الفوز للهلال حتى لو كآن الفوز بدون بصمة يآسر .. يآسر يوآجه ظغط رهيب وعجيب ,, فـ الحل لايكمن في ترك الموآضيع اللي تنتقد يآسر .. ! فـ الحل أكبر من كذآ بكثير , يآسر يثق بنفسه كثيرآ , بس مشكلته نفسية أكبر من انهآ فنية والدليل ع كلامي مبآرآة النصر , قدم مبآرآة جميله ولو إستثمر الفرصة اللي أتيحت له امام المرمى لـ كـآنت الموآضيع كلهـآ تتحدث فقط عن نجومية يآسر وعودته الحقيقية امام النصر .. :rose: :rose: تصريح يآسر المتكرر .. الكل يعرف او قد سمع تصريح يآسر أكثر من مره , وفي أكثر من قنآة وفي أكثر من برنآمج في المرمى , كل الريآضة , صدى الملآعب , نقطة تحول , وبرآمج عديدة .. اغلب تصآريح يآسر تكون في , وآثق الخطوة يمشي ملكآ .. وفي تصريح اخر قآل بإختصآر لإني انا قاهرهم أبسألك انت يـآ قآرئ الموضوع , وش سبب تصريح يآسر ؟ بتقول غرور .. بتقول ثقة زآيدة .. بتقول تكبر او بمعنى الغرور ؟؟ يآسر عـآنى من الظغط الرهيب من الجمهور والاعلام الاصفرين داخل وخارج الملعب ,, فـ كآن تفكير يآسر وببسـآطة انه مافكر في كلآمهم وانه وآثق بـ نفسه .. وانه لايفكر الا بالجمهور الهلالي فقط وكان هدفه الاول انه يوصل المعلومة للاصفرين بـ انه وآثق بنفسه .. او بمعنى اخر إني ماطقيت لكم خبر .. :rose: لكن نحن كـ جمهور لنآ دور مهم , لـ نجعل ثقة يآسر ليست فقط خارج الميدآن نحن نستطيع ان نجعل يآسر في قمة مستوآه او نجعله في ادنى مستوياته سواء ياسر او غيره من اللاعبين .. :rose: :rose: الحـل الامثل لـ يآسر بوجهة نظري الشخصية , والاختلاف لايفسد بالود قضية كلنآ نريد يآسر يعود لـ مستوآه المعهود منه كـ يآسر قنآص , فـ إن عـآد فقد عـآد هجوم الهلال المرعب نريد عودة يآسر القوية دآخل الملعب اكثر من خـآرجة .. الحل .. عندنآ مبآرآة مهمه نصف نهائي امام نجرآن بالملز ( تقرر رسميآ ) .. من المؤكد ان الملعب سـ يمتلئ .. بـ إختصآر شديد لانه جمهوور الهلال .. :rose: الحل ان ننتظر يآسر بـ هدف او مهآرة , وهذآ ليس الطموح بـ كل تأكيد لكن ننتظر يآسر بمهارته او بـ أهدافه .. وبعدهـآ الجمهور كله الكبير والصغير الواجهه والرآبطة , نردد ونهتف بإسم يآسر يآسر .. يآسر .. يآسر .. يآسر .. يآسر .. يآسر .. يآسر .. يآسر .. يآسر قآرئ الموضوع : ضـع نفسك مكآن يآسر بعد ترديد الجمهور لـ إسمك وانت تعلم ان الجمهور غاضب عليك وبشدة بسبب مستوياتك , وش بيكون شعورك .. ؟ صـدقوني بـ هالطريقة رآح نكسب عدة اموور , اهمهآ .. إحسآس يآسر بـ أن خلفه جمهور يحبه ويحييه ويعشقه بالرغم من مستويآته .. إحسسآس يآسر بأن الجمهور معآه , مثل مكآن الجمهور مع الشلهوب ونواف وسآمي .. إحسسآس زملآئه اللاعبين بـ أن يآسر نجم من الهلال , وان لاعبين الهلال نجووم ولا نرضى كـ جمهور بنزول مستوياتهم وان حدث ذلك , فـ الجمهور معهم وخلفهم دآئمآ .. اتمنى تطبيق الفكرة .. واتمنى ان تترك مواضيع يآسر فـ لدينآ لقـآء مهم مع نجرآن وبإذن الله سـ تكون لنـآ الكلمة كـ جمهور في المبآرآة .. ودعوآتكم للفريق للوصول للنهآئي ومن ثم الحصول ع الكأس .. بالتووفيق :rose: |
ياسر !!! ااااااااااااااه يا قلبي يا ياسر ... صدقوني مشكلة ياسر بسبب الظغوط ... اللي سببها بعض الجمهور الوفي اللي انساق وراء المندسين .!!! ياسر كان يهمه العمل الجماعي ... و هذا ما حصل في الدوري ...!! و لكن الحظ و لو كان الحظ عاثر ... ياسر يصنع حظه ..! صدقوني ياسر كان قبل مباراة الفيصلي الاهم عنده ان يسجل الفريق ... امس لاحظنا هذا الشي ... لكن مع شوية حب استعراض و تفكير طويل ... ياسر صار يحاول يفتح المرمى عشان يسجل هدف ... بدل ما كان يسدد مباشرة وقت عز نجوميته ...! ياسر صار يفكر ... لكن التفكير من النوع المتردد ( اسدد ولا امرر ) فصار يتباطأ و تضيع او تنقطع الكره ...! صدقوني اللي في ياسر ظغط نفسي .. اكثر من كونه مجهود بدني .... و العلاج الوحيد هو اللي مسويه ياسر ... انت لما تكون مقتنع انك تأدي اداء كويس ... فأنت دائما تؤدي اداء كويس .... لما تكون مقتنع ان اداءك تعبان ... فأنت سترى دائما ان اداءك يتدهور مهما سجلت .... صدق او لا تصدق !! اللي بيركز على ياسر ايام عزه في 2007 و الان ... يلاحظ ان ياسر هو هو .... الفرق يكمن في النظره الايجابيه و النظره السلبيه .... لكن ما من حظ .... ياسر كلنا يقين انك ستعود في احد الايام .... لكن ارجو ربي و ارجوك ان لا يكون هذا اليوم بعيدا .... كلنا ياسر ... كلنا معك .... و لكن ارجووك يا ياسر ارجووك ثم ارجوك لا تتردد ... سو اللي بتسويه اينما كنت في الملعب بدون تفكير و هذا بيكون الاختيار الصائب دائما ولن يلومك احد صدقني ... |
لو تتذكرون كلامي ياسر فقد مستواه قبل هجوم الاصفرين على ياسر .. لكن الاصفرين ساهمو كثير بتدني اكثر .. الى متى نردد ونجامل اسم .. ياسر ... ياسر .. بكل مباراة انا مع الجمهور في مباراة الفقر .. يوم ضيع ياسر الهجمه كلنا رددنا ياسر .. الى متى سنجامل ياسر .. ياسر انتهى وتذكرو كلامي والله انه انتهى اذا ضيع هاذيك الهجمه وش تعني بنضركم .. عوده حميدة لياسر هذا اللي تعنيه صح كلامي .. .. سلمان مؤشر وبسس خلوه اهو ويا المحياني وبيعوا ياسر وخلونا نستفيد من اسمه كياسر ونعلي الفريق الهلالي .. قبل لايستفيد من اسمنا ياسر محد رفعه الى هالمستوا غير الهلال .. وانا ضد موضوعك مع احترامي الكبير لك .. (("فخامة هلالي").. |
والله ياسر لاعنده مشاكل ولا شئ ,, وبالعكس والله ممكن اقول افضل مهاجم آسيوي لكن .. عنده عيب وحيد اللي هو : يقعد يسحب ويتفلسف قدام الحارس يعني يصعب المهمة وهي سهلة ,, وبالعآآآآمية (( وده يجيب هدف عآآلمي )) .. والله لو يتركه ان يطلع اطلق مهاجم ,, وانا مسؤول عن كلامي .. لك ودي واحترامي ,.., |
كـــالعادة نتفائل بياسر قبل كل مباراه ونقول هذي رجعته .. ونجي بعد المباراه ونتفائل بالمباراه الجايه قسم بالله ملينا ياسر مكانه بديل للمحياني يدخل ياسر اخر 15 دقيقه يسوي الهوايل .. لان النفسيه راح تتغير وبيثابر عشان يرجع اساسي .. |
مشكلة ياسر انه اذا استلم الكورة داخل الصندوق يختبص مدري وش يصير له :cry: الله يعين بس :yes: يعطيك العافية:rose: |
إقتباس:
يالبى قلبك ياعمر .. :smilie47: واللهِ كلامك ميه بالميه .. :yes: |
قسم بالله نحبه حب موطبيعي لكن اذا هالشي رح يساهم في اعادة مستواه تدريجيا كلنا يــــــــــــــــــاســــــــــــــــــــر |
الحل الامثل لعودة ياسرانكم تفكونا من المواضيع اللي تتحدث عنه ياسر نجم مباراة النصر او ياسر بيجيب البطوله زي سامي واتحداكم اذا ماكان ياسر نجم المباراة الجايه وموضوعك وغيرها الكثير ياحبايبي هالمواضيع لما يشوفها الاعب تسبب له ضغط وعشان كذا الاعب متسرع قدام الباب وتركيزه صفر والا راح يقدم اي مستوى والا راح يتحسن مستواه اومواضيع التحطيم زي ماصار للشلهوب الموسم اللي فات يعطيك العافيه |
لا خلاص المباراه الجايه كلنا نطالب بجلوسه على الدكه اخوي ترى عيسى في الاحتياط ينتظر الفرصه وانتو شجعو ياسر صفقو لياسر طبلو لياسر كل مباراه نقول هذي هي مباراة ياسر لاكن ياسر يخذلنا كل مباراة اخس من الي قبل خلاص يا اخوان ياسر اخذ فرصته وزياده والله اخذها بزياده الين متى نطبل لياسر وعيسى في الاحتياط يحترق كذا راح نخسر ياسر ونخسر عيسى عيسى يدخل 20 دقيقه يسوي الهوايل يسجل هدف ولا يصنع لك هدف حسم لنا الدوري بالكعب وش تبون اكثر من كذا طبلو لعيسى بدل ماتطبلون لياسر كلنا عيسى ااااااااااااه ياعيسى |
ياعزيزي من اخر الموسم الي راح الى يومك واحنا ندعمه ولا شفنا شي تغير يعني دور غيرها واذا كنت ما تحضر في الملعب انا اعلمك وش يصير اكثر واحد يتم التفيق له من بداية الموسم هو ياسر طبعا وابشرك ان رادوي وهوساوي وكم لاعب بدوو ياخذون حيز اكبر منه وان شاء الله يجي اليوم الي ما نشوف التصفيق والتحيه الا للي يستاهل بكذا راح يحرق نفسه ياسر عشان يرجع مو الحين تصفق وتحييه وثاني يوم يطلع مصرح يقول الدليل ان الجمهور راضي علي التحيه الي احصلها منهم والتصويت |
ياااااااسر راح يرجع ان شاء الله ونحن راح ننتظرك . |
حلـــــــــــــــــــوه والله وتـــموت مــــــــــــــن الضــحك واحــد يحــرق الأعصاب ويضــيع الفــرص نجــلس نشجعه ليه ما يكون الحل الصحيح الابتعاد عن تشجيعه والمناداة با اسمه في المدرجات على أساس يحس أن الجمهور بداء يبتعد عنه ويراجع حساباته أكثر وأكثر أما سالفة كل مره راح يضيع كوره ونجلس نصفق له ونطبل له هذا شي يخليه يشعر أن الجمهور راضي عليه والعكس صحيح يا صديقي يـــاسر راجع حساباتك قبل مايجيك اليوم إلي ما تلقى احد حولك |
يعطيكم العـآفية ومنورين .. |
انا بنام إذا رجع مستوى ياسر صحوني |
| الوقت المعتمد في المنتدى بتوقيت جرينتش +3.
الوقت الان » 05:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd