يا عيال عطوني فكرة منتدى أو إسم تكفووون ..
 

بسم الله الرحمن الرحيم

يا اخوان انا ناوي افتح منتدى و ابغى فكره لهـ ..
ياليت تكون فكره جديده و مش لازم جديده .. المهم انها حلوه و يصير فيه اعضاء يشاركون في المنتدى


و اهم شي ..
ما نبي أي فكره مخالفه للدين .. بنآت والا اغاني والا شي .. هذا مرفوض ثم مرفوض ثم مرفوض ..:s2:

و لو في الطريق تجيبون معكم اسماء حلوه يكون أفضل ..

و يعطيكم ألف عافيه

افتح منتدى مثل بردوق صندقان

افتح منتدى مثل دجه ورجه حلوووووو مررررره ويعطيك الف عافيه اخووووي

انا صاحب 3 منتديات وعرفت كل مايدور حولها ..

اول شي :-

الاعضاء مايحبون الي يصر عليهم بالقوانين والالزام بالاشياء ~ فهم يحبون يشاركون وهم مستانسين

مثل تجي يمنع اكثر من موضوع واحد في اليوم ~ تلقى الاعضاء يقولون وش ذا المنتدى الخايس ووووالخ...

خلك وسيع صدر واحررص على الاعضاء (((((( لأن كل عضو يجيب معه 10 اعضاء للمنتدى ))))
وبكذا ينتشر بسرعه

هذا اهم شي ~ وبث

ايه نسيت

حط مسابقات وعليها جوائز وتكون المسابقه كل بين شهر وشهر

وخلك مدير (خفيف دم)

وترى الاعضاء يحبون المدير اللي كذا
ويحبون بعد تحط لهم (لقب تحت اسم العضو) :D

لا اوصيك مسابقات واوسمه
وحط لك كم بنر في الواجهه < جاب شي جديد :D


والله يعينك على المغثه :D

منتدا العائلةخخخخخخ

نصيحتي لك لا تكثر المنتديات

وحط احصائيات تحت أخر 10 مواضيع وأعلى خمسة عددمشاركات وأخر خمسة مسجلين

بيجونك طايرين

والله الله خلني مشرف :d

طيب يا اخوان عطوني اسم لمنتدى حق رجه و هبآل ..

آحسسن شيئ بالمنتدىآ خلك مدير ونآسسه تكلم معهم كـآنـك عضوو ..
ورآح يجونك ..

نصيحتي لك ,ْ~

ستـآيل خفيـف !

قلل من آلهـآكآت !

خلك مديـر مفـرفش !

لآتكثـّر قـوآإنينْ !

آعمـل مسآبقآت وجوآئـز مغريه !

لآتكثـّر آقسـآم زيآدة عن آللزوم !

لآتكثر ولآتقلل مشرفيـن !

حفـز آلآعضـآء بآلآلقـآب !

آذآ بتفتـح شـآت حط مسآبقـآت وعليهـآْ سوآبر لمدة محدده من قبلـك !

آضف موضوعْ لتصميم آلتوآقيع < آنصحك بقـوه :) !

............... آلخـ,ْ ~

عندك آسمـآء كثيره مثل :

منتديآتْ رجهْ ,
منتديآتْ مرجوجْ ،
منتديآتْ حآرة آلزآحفينْ ,
منتديآت زآحفْ ,
منتديآتْ مطرطعْ ,
منتديآتْ دجّه ,
منتديآت حآرة آلمسآطيل ،
منتديآت دجّه ورجّه ،

... آلخـ,ْ~

ودّي

لا تقفل المنتدى..يعني إلا غصب التسجيل..:)
ترى هالشي يصعب الارشفه لمحركات البحث
يعني ما يخلي منتداك ينتشر بمحركات البحث كمواضيع..

ولا تحط هاك الرجاء الرد على الموضوع لرؤية المرفق
او الموضوع متاح فقط للأعضاء والرجاء التسجيل..
او لرؤية باقي الموضوع الرجاء التسجيل..

كل هذه تطفش وتجيب لك ناس تسجل وتطلع
نشاط مافي معدوم..