|
لكل منتقدي ياسر .. جاوب على هذا السوال ان كنت شجاع عندي سوال مهم للجميع هل انتم مقتنعين بمدرب الفريق السيد جريتس او لا ...؟ ان كان الجواب نعم اقتنعتم فيه وفي تدريبة فمواضيعكم عن ياسر لا تسمن ولا تغني من جوع فالمدرب افهم واعرف بما يفعل وما يريد ولو كان ياسر غير مفيد لخطة المدرب في الملعب لما وضعه اساسي ومدربنا ليس من المجاملين او الذين يرضون التدخل في عمله وخالد عزيز خير شاهد ودليل.. وان كنتم غير مقتنعين بالمدرب فطالبوا بالغاء عقد المدرب حتى ترتاحون وتجيبون مدرب على هوى الجمهور ان صاح في المدرج وردد اسم لاعب قال المدرب للاعب قم سخن الجمهور يبيك .. والله عيب عليكم فريقنا يقدم مستويات ومعه مدرب محترم واحترافي اعتقد انه افهم ببواطن الامور ويعلم من يفيده في الخطه ومن ينفذ تعليماته على ارض الملعب ليست الامور ركل الكره وتشبيكها بل الامر اكبر مما يتخيله المشجع البسيط فدعوا الامور لمدرب الفريق واستمتعوا بالزعيم ودعوا عنكم ترديد كلام المنافسين كل صباح ومساء في روماتهم ومنتدياتهم الصفراء ومن كثرة ما يرددون تاثر بعض جماهيرنا بما يقال حتى اصبح يهلوس ويردد ما يقال بدون تميز او تركيز فثقتنا في مدربنا اكبر من ان يغيب تفكيره عن لاعب سيء بنظرنا ولا يراه مدرب احترافي مثل السيد جريتس الذي يجندل الفرق واحدا تلو الاخر ويغفل عن لاعب سيء مثل ياسر القحطاني.. نعم بنظري ياسر ليس مثل السابق في التهديف ولكن انا اثق بالمدرب انه لن يضع لاعب في ارض الملعب غير مفيد للفريق ....... ان استطعت الاجابة على سوالي فربما تتغير نظرتك كليا عن الموضوع... فقناعتك يجب الا تتجزا بحسب هواك وحسب قناعتك فهي ام انك مقتنع بالمدرب وما يقدم وتضع فيه كامل الثقه... او انك غير مقتنع بما يعمل وهذا رايك.... |
بالنسبة لي مقتنع ان المدرب مايخلي ياسر أساسي إلا وهو مقتنع لكن الأمور زااااااادت . ياسر ماترك الاستعراض يعني إلا يسحب بالمدافعين ؟؟؟؟ ياسر أمامه راضي الكورة لاترضى بالدخول ... كم مرة تكررت كان بالامكان ننهي المباراة بالاشواط الاصلية أتوقع الأمور خارجة عن سيطرت اللاعب .. يعني فيه شي.. أتمنى عودة الكاسر وعودة سهامه. تحياتي لك بالتوفيق للزعيم :alzaeem: |
انا غير مقتنع في المدرب وياليت يرجع كوزمين لانه بصراحه من السهوله جدا التسجيل في مرمى الهلال حتى من الفرق الضعيفه اما عن ياسر بعد مشكلته ماعد يسوى واصبح عاله على الفريق واتمنى وضعه على دكة البدلاء |
ياخوي يعني بكلامك هذى بتقنع الكل ان ياسر في مستواه الدليل مباره النصر يضيع اسهل فرصه والله شي غريب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
إقتباس:
وبعدين لاحظ اننا في الدوري حاصلين على اقوى دفاع وهذا بفضل الله سبحانه وتعالى ثم بفضل الداهية السيد / جيريتس وبالنسبة للكابتن ياسر مستواهـ ؟؟؟؟؟؟؟ والله مانقدر نحكم عليه وتقبلوا مروري |
جريتس بشر يخطيء ويصيب , ومن أكبر أخطائه ابقائه على ياسر أساسي . |
الجواب مقتنع .. الموضوع جـــيد ويستاهل ياسر كل خير .. لكن فيه اسلوب ما يختلف عن المواضيع الثانيه اللي يضنون كتابها انهم يدافعون عن ياسر وبس . كلنا نحب ياسر وندافع عنه لأنه (لاعب هلالي) . ولكن في نفس الوقت لا نجرد من يختلف معنا في الراي من هلاليته او من عقليته او من تفكيره .. عبارات كثيره خرجت من من (يحبون ) ياسر اتجاه من يخالفهم الرأي .. وانا الان اشاهد واحد منها .. (هلوسه) ياساتر يعني من مندسين لبزران واللحين هلوسه ؟ حبو ياسر واعشقوه فهو يستحق .. ولكن لا يكون حبكم هذا ضد جماهير الهلال الكيان .. وبالتوفيق لجميع نجوم الزعيم بدون استثناء .. |
نعم المدرب ممتاز وداهيه وبالتوفيق لياسر وانشاء الله يرجع مستوه وبالتوفيق لزعيم |
ابو ليان الارسنالي والله العظيم انك ضايع ولا تفقه في الكوره شي وانت ياصاحب الموضوع اقول لياسر عيب عليك تحرق اعصاب الجمهور وتهدر فرص مايهدرها حتى البزر وهو يلعب كوره ياشيخ خلوا عنا التلميع ترى تعبنا ياسر نعم لاعب ياسر نعم نحبه ياسر اذا صار على هذا المستوى ببنتقده وبنطالب بجلوسه على دكة الاحتياط والسلام |
انا مقتنع بالمدرب ولكن مايمنع ذالك من ان ننتقد لاعب او نمدح لاعب اخر لاننكر دور ياسر المهم لزعزعت دفاع الخصوم وايضا هيبة ياسر ولكن نكاد نتفق جميعا ان ياسر ابدا ليس في مستواه المعهود واكبر دليل هذه الفرص التي يتفنن في اضاعتها وهو اللذي كان من انصافها يسجل وفي المقابل نحرم لاعب مجتهد من حق من حقوقه بأن يلعب اساسي لا وهو عيسى لمحياني لاعب دخل في اواخر المباراه ومرر تمريره حاسمه لايمررها الا لاعب كبير وسجلنا هدف الفوز الكلام اللي ابي اقوله ياسر لاعب كبير ووجوده في الملعب مهم ولكن لماذ لا نعطي عيسى وخصوصا في المباراه القادمه فرصه اللعب اساسي من بدايه المباراه وبهذا نضرب عصفورين بحجر واحد منها ياسر يراجع نفسه ويحس بخطوره الموقف وهو في مقعد البلاء ومنها عيسى يكسب الثقه اللي مفروض انها كسبها من قبل ويلعب راس حربه من بدايه المباراه بالتوفيق لبوعزوز ولطلق المحيا |
بالتوفيييق للقناااص وانا مع المدرب يعطيك العافيه |
يا اخي ياسر مستواه في النازل و كور اما الباب تضيع بالدفعات و لا تقول يسحب مدافعين و الا يغطي على الحارس المهاجم وضيفته الاولى التهديف فقط |
جريتس حاليا يعتمد على خط الوسط الناري للفريق وسطنا يقدرون بيطلعون اسوى مهاجم وبيخلونه افضل لاعب في اسيا ووالله لو واحد من الأجانب طايح مستواه و ممكن يستبدل والله أن يغيره ويجيب اطلق مهاجم لأنه في الدوري السعودي مافيه مهاجم جريتس يقدر يعتمد عليه وممكن يجاري أجانب الفريق مع احترامي للمحياني والعابد المدرب ماقال لياسر ترزز في كل قناة وجريدة ماقال له كل شوي طيح في منطقة الجزاءكود ان الحكم يعطيك بلنتي ماقال له يتحدى الجمهور في تصاريحه ويقول(أنا ا لأفضل) (وانا قاهرهم) ماقال له لا تحاول تطور مستواك ماقال له لا واجهة المرمى سددها في أم العارضة |
ياسر يحتاج الى تهيئة نفسية من جديد وعلى الادارة تفهم وضعة |
يا اخوان يا حبايب كل لاعب يتغير مستواه والله انا ياسر وده يخدم الهلال ويسجل اهداف بس الكلام الي يطلع وغيره يحطم اللاعب لابد من مساعد ياسر لكي يعود مستواه الطبيعي |
| الوقت المعتمد في المنتدى بتوقيت جرينتش +3.
الوقت الان » 07:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd