|
الحين هدت النفوس... خذوها مني أجل... ياسر هو من سيجلب لكم البطولة ووعدنا مباراة.....؟؟؟ ولا عزاء للحاقدين او المندسين...انتظروا ياسر في مباراة نجران...او مباراة النهائي... وان لم تجدوا ياسر وقتها..فاعلموا انه يخبأ لكم مفاجأة في آسيا..لانها الاهم بالنسبة لكم... والا ممكن في المونديال لان ياسر ما يظهر الا مع الكبار!!!!! والله يا جماعة تعبنا من هالكلام وتعبنا نصيح ونقول ونعيد ان ياسر اليوم مو ياسر 2007!!! ليه ما فيه احد يبي يعترف بهالشي!!! كل العالم شايفه ياسر نازل مستواه الا المطبلين والياسريين!!! حتى اليوم اشوف موضوع مكتوب بنفس الاسلوب "انتظروا ياسر في النهائي"!!!! والنتيجة انكم اقنعتوا ياسر ان مستواه تمام وعال العال!!! وهذ كان واضح في كل مقابلاته الصحفية والاعلامية!!! يا عالم...يا هوو...والله ثم والله اننا نحب ياسر زي ما تحبونه وان اللي تسوونه فيه يضره ما ينفعه!!! انتم زي اللي يقول للانسان المريض تراك بعافيه وصحه!! أعمل ما بدالك!!! بدال ما تساعده على فهم واقعه وطريقة علاجه لمصلحته!!! هل انتم مدركين حجم خسارة نجم بقامة ياسر القحطاني!!!! اذا المعني ان نقف كلنا معه بس مو بالتطبيل!!! نقف معه بان اولا يدرك ان مستواه هابط وان الطرق اللي جالس يسويها من انانيه ومحاولة التسجيل بأي طريقة ولو على حساب الفريق غلط واكبر غلط وراح يخسر منها أكثر من ما يربح!!! نقف معه بأن يشعر بالتنافس على الخانه باعطاء المحياني فرصة واثارة التنافس الشريف بينهم لمصلحة الزعيم!!! بدال ما يجي يوم نخسر فيه اللاعب اللي كان نجم واللاعب اللي مقطع نفسه يبي يثبت وجوده!!! اتوقع ان اللي صار أمس من خروج ياسر و منظر الاسى اللي كان بادي على وجهه هو أول خطوات العلاج!! وكون المحياني هو صانع هدف الانتصار هو ثاني الخطوات!!! باقي خطوات العلاج مني ومنكم... بان نقف جميعا مع ياسر بقول الحق والصدق... فصديقك من صدقك لا من صدقك :yes: |
ان شاء الله بيحالف الحظ ياسر اصلاً ياسر موجود بس ما توفق بأستغلال الفرص لكن مستواه وفنياته موجوده ارجوا من الجميع انهم يهدأون ويخففون الضغط والهجوم على ياسر لانه ببساطه ياسر هو المهاجم الاول بالسعودية . اصلاً وجود ياسر بالفريق يساعد باقي اللاعبين بالتهديف لان ياسر دائم يسحب معه من ثلاث الى اربع مدافعين وهالشئ يعطي الفرصه لباقي اللاعبين لتسجيل الاهداف . |
إقتباس:
هذا الكلام الصحيييييح وبسسس واتوقع انتهييينا من هاالمووضووع |
والله هو فنان لاكنه مايبالي بمصلحه الفريق يتفلسف قدام القول اصلا هو ودة يصير بالاحتياط يبي يرتاح لاكن جريتس والمطبلين هم الي خربوة امس في كور سهله واي مهاجم يجيبه لاكنه تفلسف وماتوفق ولازال قريتس مصر عليه الله يعين |
يارب ملينا من الانتظار وعندنا اسياء |
^ أخوي اهنيك على الموضوع الروعه .. يآسر ماراح يرجع ياسر الا اذا اعترف بان مستواه نآزل ..وحاول يصحح اخطائه ..ويترك الغرور والترزز قدآم الكآميرآت :d |
ياسر لاعب خطير لكن عيبة الوحيد انه ما يعرف ينهي الهجمة من لمسة وحدة وهو السبب بعد الله عز وجل في تنافس الشلهوب ونيفيز على الهداف لانه يسحب معة المدافعين ويفتح المجال لغيرة وهذا شي مهم واتمنى ان المدرب يريحة المباراة الجاية مع نجران ويكون في الاحتياط حتى اذا فزنا باذن الله يكون مرتاح ويخف الضغط علية ويجيب البطوله الـخمسين وباتوفيق لـلـــــــزعــــيــــم |
القداسه التي يتمتع بها القحطاني لديكم هي من جعلته يتصرف برعونه أمام المرمى ياسر أبدع في مباراة الأمس كما قال أحد الأخوه أبدع في إضاعة الفرص وفي رفع ضغطنا كلما خالفكم احد بالرأي قلتم مندس وحاقد نحب ياسر ونحب جميع اللاعبين والمصيب نقوله اصبت ونقولب للمخطأ أخطأت ليت القداسه المعطاه لياسر يتمتع بها جميع لاعبي الزعيم ولكنها الإنتقائية |
قسسسسسسسسسسسسسم بالله صرقعتوبنا بها الياسر والله العظيم اي مغفل بيسجل الفرص الي ضيعها الى متى واحنا نرجي ياسر ياسر ياسر كان مافيه مهاجم الا اهو انا افضل لاعب عندي ياسر 2007 حتى توبيكي مصلحه له بس خلاص خذ اكثر من فرصته دبل عشر مرات اهو يضيع فرص وانا ننجلط ورا الشاشه بالله لو مهزومين مع النصر وش بتقول بتقول نرجي من وراه استغفر الله العظيم ياخي لعب عيسى اساسي وريحنا اذا مافيه مهاجم ذكي بها الدنيا الا ياسر مانبي مهاجم ذكي وجهة نظر تحياتي |
الصراحة ياسر جيد في صناعة الكره للمهاجمين ولكنه امام المرمى فاااااااااااشل كامس عصبت والله لو اني رئيس الهلال كان نسقته ع طووووووووووووووووول ضيع الفريق كان ممكن نخسر بسببه لكن الحمد لله يوم طلع عبدالغني وياسر عرفت اننا بنفوز |
وفيت وكفيت ياغاااااالي لأول مرة اطلع من طوري أثناء مشاهدةمباراة للزعيم مع يقيني التام بعد المشيئة بأن الزعيم سوف يتأهل المباراة كانت سهلة جداً ولكن ضياع الفرص السهلة جداً أفقدنا أعصابنا خاصة من ياسر ماذا لو خسر الزعيم المباراة لاسمح الله من المسؤل الأول؟ ياسر نجم كبير ونحبه كحال غيره من نجوم الفريق ولكن أخشى أن يأتي اليوم (الله لايجيبه) الذي نخسرفيه الكاسرفقد آن الآوان لأعطاء الفرصة كاملة لغيرة ليعود كما عهدناه تذكروا ماحصل للموهوووووب وما كان يقال عنه حتى هناك من كان يقول بأنه لايصلح أن يلعب بالممتاز أين هم الآن ؟؟؟ المهاجم القناص هو من تراهن عليه في حسم والتسجيل في كل المباريات وليس في أندية صغيره مع احترامي لها!!! جيرتس ألف مليون لالالالا مانريد خسارة القناص وكفى ماحصل بالأمس ويكفي ياعشاقه دفاعاً وتطبيلاً عنه !! الكل يحبه ولكن الضغط والسكر حصري للجار وليس للزعماء!! شكراً على موضوعك وربي يعينك على بعض الردود أنت تكلمت بلسان صادق ومحب لك تحيتي وودي:ba: |
ياعمي اسمح لي .. وكل لاعب هلالي يسمح لي.. الى متى ياياسر .. واقسم بالله .. لو خسرنا المباره امس .. الكل راح يقول السبب ياسر .. والحين تقولون ياسر عطوه فرصه الى متى .. سؤال الى متى ياياسر .. ياسر وكل لاعب هلالي اسمحو لي .. ياسر مكانك احتيييييييييييييييييييييييييييياط .. ياجماعه يبي له فتره يترك الكوره شوي تحطه في الاحتياط عشان يعرف كيف .. جيرتيس يقول ياسر الجمهور صنعه .. يعني مايبي يطلعه عشان مايقولون عن المدرب شي .. شكرا .. |
ياصبر الارض على ياسر ذا !! والله انه يحب نفسه اكثر من الفريق ! كل كوره يبي يعدي وبس !! |
من جد وش ذا الحصانة اللي يتمتع بها ياسر !! حنا كلنا مقتنعين ان مستوى ياسر هابط , طيب ليش ياسر نفسه مو مقتنع ! صدقوني إذا اقتنع ياسر أن مستواه مدحدر ويترك عنه مقوله (واثق الخطوة يمشي ملكاً) بيرجع لمستواه ! أتمنى أن يذوق لسعة الدكة قليلاً .. حباً في ياسر !! الشي الثاني واللي عجزت افهمه , ياسر مبدع في التمرير وفاشل امام المرمى وعيسى عكسه تماماً يعيبه البط في صناعة الهجمه وأمام المرمى يقتنص انصاف الفرص .. إلى متى خطة جريتس تعتمد على وضع ياسر بالصندوق وعيسى خارجه !! |
والله ما ودى ياسر بداهية ... الاجمهورة .... لو يرجعونه للقادسية اعارة ويرجعون سلمان المؤشر والله ابرك قال ياسر الكاسر .... هذا النجم الآفل منذ زمن .. مله الا مقبرة النجوم (دكة الاحتياط) حتى يرجع توهجة الموسم القادم |
| الوقت المعتمد في المنتدى بتوقيت جرينتش +3.
الوقت الان » 05:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd