نادي الهلال السعودي - شبكة الزعيم - الموقع الرسمي - الاربعـآْء يوم الحسم .. ليس في المباراة فقط بل في ................

السلام عليكم ورحمة الله وبركاته ..
اسعد الله صباح الزعماء بكل خير .. والي عنده مساء برضوا مثل الحال >~ مب رايق يعيد التصبيحه :d

تصدقون ..؟!
توني افكر في مباراة بكره ...!
وش يبي يصير ..؟
معقوله النصر يتهور ويطلعنا من البطوله ..؟!
معقوله النصر يلعب معنا ثلاث مباريات هالموسم يفوز بثنتين ويتعادل بوحده .؟!
هذا غيرانه باقي كاس الملك واحتمال نقابله ؟

المهم وانا اهوجس واسولف مع ولد خالتي الذي وقد بلغ من عمره 8 سنواات ..!
ادري انه صغير .. بس ياهو هلالي بجنون :d
المشكله اني مابيه يصير متعصب ضد الاخرين ومتحيز :d
انا قلت له خلك هلالي وبس .. المشكله صار هلالي وبدا يذب على النصراويه :d
صدقوني لو تروحون تسالون من الاحفوره بيقولكم ماجد :d

ماعلينا ..!
المهم اني مالقيته الا هو بوجهي .. !!
وانا الي امسكه واحطه بجنبي ..!
اقوله ياموسى وشش توقع بيصير بكره ؟!
قالي مباراتنا بكره مع النصر ؟
قلت ايه ماغيرهم ذولي ..!
قالي اصلا النصر لا فاز علينا ياخذ بطوله :d
قلت له يرحم امك فكني من كلامك البايخ :d
اخلص قلي وش تتوقع بكره ومن برايك يكون احتياط ومن يكون اساسي ؟ :yes:
قال والله شف اسمعني زين وركز معي >~ لاتخلينا يالشنيف :d
قلت له اسلم ..!
قالي ياسر نازل مستواه مره والجمهور ضاغط عليه ويبيه يرجع غصب ..!
قلت له ياسر عادي مستواه بس انه مايسجل كثير وهذا ماهومعناه انه نازل مستواه .. يعني يتحرك ويعطيك مساحه لزملاائه

رد علي وبكل جراه .. !
هماي قايلك لاتقاطعن ؟ ..:d
قلت له طيب .. اسلم ياطويل العمر :d
قالي ياسر انا ودي يصير احتياط ويلعب الشوط الثاني
كذا يدخل يكون متحمس !
قلت صحيح .. بس ماقلت لي من بداله ؟
قالي عيسى المحياني..
قلت له تبي جريتس يلعب بمهاجم واحد يعني ؟
قالي لا يلعب معه نواف العابد اوالصويلح ..:yes:
قلت كويس والله خلاص اجل بكره تجهز عشان ابارك لك بالفوز

وراح الولد ..!

المهم انا جلست افكر في كلامه ..!
الولد يفكروعنده منطق ويعرف يسترسل بالحديث ..
لاوصايرن يزبد الله يصلحه :d

المهم ..!
وانا الي اتذكر الصبحيه وش ابي اسوي ؟
:cry:
تذكرت اني بقوم وبدق مشوار لسمو مدرستنا وخذ الشهاده ولارجعت البيت يا انك بتنجلد جلد :d ..
قلت ياولد تهقى بكره تجي الشهاده كويسه ويفوزز الهلال ؟
قسم بالله يصير اطلق يوم في حياتي :d
وياسلام وعلى من ؟ على النصر :d
وتوك ماخذ شهادتك وطالعه كويسه :d
وتنهال عليك الدراهم والهداي :d
الله ياله من يوم كويس ..

بس تذكرت العكس :cry:
وتعوذت من ابليس قلت لا ان شاء الله مهب منهزم الهلال ولا الشهاده تطلع شينه باذن الله :smilie47:

ادعولي ياجماعه طلع شهادتي زينه ولاتنسون من دعواتكم الفوزالهلالي اليوووووووووم ..

( خارج النص ) : تحيه لكل يوزرات روم الهلال بالبالتوك العزيزين على قلبي والله اني فقدتهم بس غايب لظروف خارجه عن ارادتي .. >~ لاتخلينا يالوليد :d

يالله باي يازعماء انتظر ردوكم ..
والله يوفق الهلال :smilie47: :d