نادي الهلال السعودي - شبكة الزعيم - الموقع الرسمي - ابرز ماجاء في حديث الامير نواف بن سعد لبرنامج ( هجمه مرتده)

تحدث سمو الامير نواف بن سعد للبرنامج الاذاعي "هجمة مرتده".. وفي ما يلي ابرز ما ورد في اللقاء..

تطرق وجه السعد لموضوع استبعاد الدعيع وذكر انه من شؤون المددرب وهذا قراره الفني وما نملك الا ننا نحترم قراره. واحنا في نادي الهلال نثق بالمدرب القدير جيرتس ونحترم قراراته، ممكن اننا نقوله وجهة نظرنا لكن بشكل محدود جدا، ومادام جبناه واعطيناه الثقة لازم نحترم هذا الشي وتأكد انه هذي سياستنا في نادي الهلال. وتكلم وجه السعد في عن حظوظ الفريقين بالفوز وذكر ان اللي تعلمه من يوم كنت صغير ويشجع الهلال انه في كل ديربي كل فريق حظوظه 50% بالفوز او الخسار مهما اختلفت او تفاوتت الفروقات الفنية.
واثنى سموه على الخبرة اللي اكتسبها من عمله في الاتحاد السعودي مع الامير سلطان بن فهد والثقة اللي منحه اياها.

تحدث الامير عن الضغوطات ووجودها في اي لقاء ديربي.. وانها موجوده في اي ديربي في العالم مثل ريال مدريد وبرشلونه.. الاهلي المصري والزمالك.. الهلال والنصر وهذي منافسة تقليدية موجوده.. ومتى ما تغلب اللاعب على الامور النفسية واستطاع انه يدخل الملعب ويؤدي ما عليه كلاعب.. وينسى مسألة الهلال والنصر.. ويؤدي ما يطلبه المدرب ايا كانت النتيجة محد راح يلومه..
المشكلة احيانا لما تغلب النواحي النفسية على اداء اللاعب بشكل فردي كل لاعب على حده.. الفريق بالنهاية يكمل بعضه.. قد يكون لاعب مميز او لاعبين وينخفض ادئهم بسبب عوامل اخرى مالها دخل بالتكتيك.. ومايقدر لاعب او لاعبين يحملون الفريق..

المذيع: بالحديث عن نفسيات اللاعبين، تحدث الجميع عن النجم ياسر القحطاني هل تتوقع انه يكون له بصمه في هذا اللقاء..

رد وجه السعد.. والله ياسر لاعب كبير ونوعية من اللاعبين اللي تعودوا على المباريات الكبيره واي لاعب في العالم يتعرض لانخفاض مستوى وهو صرح واعترف بذلك.. لكن انا اعتقد انه ياسر راح تكون له بصمه ودور بالمباراة القادمة (آمين)

وهولاعب يملك الكثير من الخبرة بمثل هذه المباريات لكن احيانا سوء الحظ يلازمه، واحيانا ظروف مباريات معينه او طريقة لعب معينه تعيقه عن التسجيل.. لو تلاحظ الان لاعبي الوسط ما شاء الله تبارك الله كلهم يحرزون اهداف وهم هدافين الدوري.. كذلك صناع اللعب كثر في الهلال ولله الحمد.. ولعبة كره القدم لعبة جماعية وبالتالي المهم في النهاية ان الفريق ينتصر مو مهم مين يحرز هدف.. وهذا ما يحدث للهلال ولله الحمد..

المذيع: سمو الامير بالتأكيد انت تتمنى النتيجة هلالية، لكن هل تشعر بنتيجة معينه؟

وجه السعد: والله لا. اكذب لو قلت لك اني اتوقع نتيجة معينه او فوز او خساره وهي بالنهاية مباراه ديربي هلال ونصر ومباراة خروج مغلوب وكل فريق له نصيب 50% بالتساوي. انا اعتقد الفرصة مهيئة للفريقين بالفوز والنصر فريق كبير ويحسب له الف حساب والهلال فريق كبير واعتقد انهم عاملين للهلال الف حساب. وبأذن الله كل شي يبين يوم الاربعاء.

المذيع: يشكر وجه السعد على اللقاء

الامير: يشكره ويعتذر للساده المستمعين والمستمعات عن قصر اللقاء بسبب ارتباطه.. ويقول كنت اتمنى استمر معكم ولكن ارجو العذر من الجميع.

المذيع: معذور سمو الامير ونشكرك ونتمى تكون موجود معنا مره اخرى.

الامير:شكرا الله يحييك.