تم شراء تذاكر المباراة + عدد التذاكر حتى الأن + تيشيرت الزعيم - ( صور × صور ) - نادي الهلال السعودي - شبكة الزعيم

ع ـبود الـزعيم ! · #1 09/02/2010, 08:47 PM

.
.
.
.
.

حي الله الـزعمآء والزعـيمآت ..
كيف النفسيات قبل الديربي .. متفائلين - خايفين - موسوسين ؟

من ناحيتي والله متحمس حماس ماهو طبيعي , والله من يوم الأحـد وانا على آعصابي

,
تشوفوني ادور بالـبيت زي المهبول أفكر بالمباراة .. اقول بيفوز الهلال ولا يسويها النصر !!
بيجيب ياسر ويسكت اصواتهم القذره ولا مو جايب - بيجيب المحياني ويسكتهم ولا مو جايب ..
ومن هالكلام اللي من شافني يقول بسم الله عليك ..

لين فكرت قلت آروح أشــتري التذاكر قبل لاتخلص بعدين أنغبن من جـد ..
دقيت على ولد عمتي عضو معنا هنا .. ( vip.3body )

انا : الو .. هلا عبود
عبود : هلا بك
انا : كيف الحال
عبود : والله تمام
انا : تجي معي لنادي النصر نشتري تذاكر
عبود : خلاص مافي مشاكل بس متى
انا : بعد العصر وانا عندك تولم
عبود : اوكي ,,

طوووط طووووط

والله وأصلي العصر ومسكني ابوي قال مافيه روحه لين تعبي الغاز فاضي ..

عبيته ورجعت , المهم مريت عبود وجلسنا نفرفر لين وقفنا عند مخرج 28
وآدق على اخوي أخذت الوصف منه ورحنا .. والله وادخل النادي وانا لابس 3 كمامات وشال ..

دخلت وشريت 3 تذاكر لي ولأخوياي .. سألته كم بعتوا من تذكره , قال شف الرقم مكتوب ع التذكره ,,
واشوف والله مابيعت الا 3 الاف تذكره وجاني إحبااااط ماهو طبيعي ..

بس ماعليه الزعماء بيشترونها بالإستاد إن شاء الله ..

وهذي صور التذاكر وتلاحظون مخلينها كلها صفرا وعلم النصر كبير والهلال صغير
<< تفكيرهم صغير ماسا ..
يحسبون إذا حطوها كذا يعني مب شارين تذاكر ..

:

- وهذي صوره لعدد التذاكر اللي بيعت :

--

عاد خلصت ورجعنا من النادي حطيت عبوود قلت لازم اشتري تيشريت للزعيم
ونظرا لاني ماني لابسه الا للمباراة فـ قلت مالها داعي اشتري اصلي بـ 300 ريال
مريت محل رياضه وشريت فنيلة عاديه طبعا رقم ابو عزوز لبى قلبه ..

:

--

وبس هذا اللي عندي حبيت أحــمسكم نبي الملعب فـل تكفوووون ,

- من العصر وانا ماشي إن شاء الله ..
ولايهمكم اللي يقول زحمه ومشاكل إحضر ولا عليك من أحد وبالتوفيق للزعيم يارب ..
- توقع شخصي ( الهلال 2 - النصر 0 ) !ّ!

.
.
.
.
.

ViP.HiLaLi · #2 09/02/2010, 09:07 PM

كفوووووو والله
انا انشاء الله بحضر وبشتري التذاكر بكرا مره وحده
بالتووووفيق للزعيم

الزعيم سام6 · #3 09/02/2010, 09:12 PM

بالتوفيق للزعيم غدا
عوافي اخوي

أحـبـك يـايـاسـر 20 · #4 09/02/2010, 09:15 PM

كفو والله .. شدوا الهمة ياجماهير الهلآل .. وبالله تكفون نبغى ـآ الملعب فل ومن ناحية إني حاضر حاضر .. بس بالله نبغى ـآ فل ياجماآهير .. وماقصرت حبيبي ع المعلوماآت .. وبالتوفيق للزع`ـيم .. ~ .

حصان ابيض · #5 09/02/2010, 09:15 PM

اين جماهير الزعيم بس 3 الاف تذكره والله احباااط

Maha` · #6 09/02/2010, 09:15 PM

كفو يآ زعيم عسآك ع القوه
وآلله لون التذكره يسد النفس

ان شآءالله الرقم الصعب يحضرون بكثآفه ومآ يقصرون
وبآلتوفيق لنآدي القرن

آلف شكر لك

بن جبله المطيري · #7 09/02/2010, 09:18 PM

كفوووووووووو والله ياذيباااااااااااااااااااان

وباااااااااااالتوفيق للزعيــــــــــــــــــــــم

بس انتبه لايخلص الغاااااااز بكره

وتبتلش وماااااااااااتحضر المبااااااااراه........هههههههههههههه

ميسي الشلهوب · #8 09/02/2010, 09:19 PM

كفوووووووووووو

ياليتني فالرياض

ابوجريبه · #9 09/02/2010, 09:20 PM

مشكورررررررررررررر
بتوفيق لزعيم الارض
احبك يازعيم

mjno0onk_2003 · #10 09/02/2010, 09:22 PM

اين جماهير الزعيم بس 3 الاف تذكره والله احباااط

هواي ازرق · #11 09/02/2010, 09:23 PM

عشان تعرفون ... التفكير النصراوي البسيط .....

شف شعار النصر اخذ نص التذكره .. وشعار الهلالالالالالال صغيييييييير مره ..

لاتعليق .. والله يرحم بحالهم ياااارب