08/02/2010, 03:56 AM
|
 | زعيــم متألــق | | تاريخ التسجيل: 09/07/2008
مشاركات: 962
| |
|
حصريا : مدرب جديد في مباراة النصر + شكرا صالح ..!
بسم الله الرحمن الرحيم نواف الهلالي يعود لكم من جديد  طع شوري يا سامي خلوني أدرب الفريق بهالمباراة ترا قريتس مهب نافعكم << اطلع برا 
وترا يكفيني مقدم عقد لو مبلغ رمزي خمسة ملايين مثلا << تحلم ولا تشوف هالمبلغ 
المهم إننا نبي نقابل فريق عالمي .. طبعا عالمي بسبب وجود لعيبه عالميين في الفريق مثل ( دروقبا الصغير ) عبده برناوي  لكن تقولي ليش تبي تصير المدرب الجديد في هالمباراة أو وش تبي تسوي لا دربت الفريق أقولك : مع أن الفريق اللي أمامنا مجمع شيبان وكديش مع ذلك ما فيه أحد قدر يفوز عليه في المباريات الماضية لسببين :
السبب الأول : الحماس الكبير اللي يعيشه الفريق في جميع مبارياته هاليومين كيف عاد أمام الهلال ..!
السبب الثاني : الخطه التي تعود عليها الفريق النصراوي من مباراة الهلال الأخيرة
ولا زال يطبقها في كل مباراة وهي : الضغط الرهيب بثلاثة لاعبين على حامل الكرة وإقفال المناطق الخلفية
واللعب على الهجمة المرتدة السريعة ..!
على شان كذا سلمكم الله لن نستطيع الفوز على النصر بأي خطه قبل أن نلعب بهذه الطريقة وهي : تقارب الخطوط واللعب من لمسه واحدة ! هذي الطريقة ( تقتل ) الحماس في صفوف الفريق المنافس .. وهي الطريقة ( الوحيدة ) المناسبة
لأسلوب الضغط على حامل الكره اللي يطبقه النصر ..! ولو تدربنا عليها وطبقناها بالشكل الصحيح صدقوني راح ننهي حماسهم ونخلي دفاعهم شوارع ..!
وأنا أضمن إن النصر بيظهر على حقيقته لو طبق قريتس هالأسلوب
وبعدها يلعب بأي خطة يبي إن شاء الله 2 - 6 - 2 وأنا أضمن له الفوز .. ويدورني عقب المباراة  تبقى مشكلة الهجمات المرتدة .. مسألة اللاعب السهلاوي .. هذا اللاعب هو مصدر الخطوره الوحيد للنصر
لأنه لاعب حماسي طول المباراة وفي أي لحظة يمكن يسجل لذلك يجب إن الدفاع الهلالي ما يغفل عنه لحظة واحدة ..!
+ التركيز في الكور العرضية من الكرات الثابتة سواء الفاولات أو الركنيات لأن أغلب أهداف النصر تجي بهالطريقة ..!
# أول ربع ساعة مهمة جدا .. إذا طبقنا الخطه تمام وقدرنا نمنعهم من التسجيل أول ربع ساعة فـ صعب جدا
يفوزون علينا .. ولو حصل وسجلنا في الربع ساعة هذي صدقوني المباراة راح تكون في يدينا على كذا لابد وضروري من جريتس أن يبدأ المباراة بـ رادوي وعزيز في المحور .. إضافة لتواجد العابد بدل الشلهوب
لانخفاض مستواه ولأننا بحاجة لـ لعب سريع ..!
وأيضا نيفيز لابد أن يكون أكثر نشاط من المباريات الماضية وأكثر فاعلية .. وإلا فإن وجوده سيكون مثل عدمه
مثل المباراة السابقة مع النصر ..
وقتها لما يقفل النصر العمق ويعطل حركة نيفيز فـ على المدرب سرعة التبديل وإشراك المحياني بديلا عنه
والإعتماد على عرضيات ويلي والعابد .. ولا يتأخر في التغيير مثل ما حدث سابقا .. يعني الدقيقة 60 كحد أقصى ..!
^^ طبعا الكلام هذا اللي ذكرناه هو المتوقع إن جيرتس يسويه إذا ما تفلسف طبعا 
وهو ماهو متفلسف إن شاء الله لأن هزيمتنا في المباراة الماضية كانت بسبب غرور جريتس وفلسفته ..!
وأعتقد إنه أخذ درس الآن .. واللاعبين بعد أخذوا درس في عدم الاستهتار بالخصم ..! صدقوني أنا متفاءل وبقوه بالفوز بهذي المباراة لهذا السبب وهو إنه لا المدرب ولا اللاعبين كلهم بيدخلون
المباراة وهم مفتّحين وحاسبين حساب للخصم ..!
ولا هو معنى هذا إننا نعطيهم أكبر من حجمهم .. لا .. ولكن ما نستهتر فيهم مثل المباراة الماضية ..! وفالنا التوفيق إن شاء الله .. وعقبال ما نهني بعضنا بالفوز بعد المباراة  بـرا الـمـلـعـب
# برّدت كبدي يا صالح السليمان بـ عازف السمسمية نجس النية ومن غيرك يبرد كبودنا بهالأشكال
شد عليهم تكفى ولا يهمونك فـ أنت الكاتب الرياضي رقم واحد في المملكة ..!
شكرا صالح
# معلقين لا أتمنى سماع أصواتهم مع كل الاحترام والتقدير والمحبه لهم لكن لا يصلحون للتعليق ..
خالد اليوسف وسعيد الزهراني
كما قلت مع احترامي الشديد لهم فـ واحد منهم صوته أصلا ماهو صوت معلق والصوت من أساسيات التعليق
والثاني أقرب إلى معلق سباق هجن أو سباق خيل منه إلى معلق كرة قدم
ولا يزعلون علينا لكن والله هذا الواقع !!
س : توقعاتك للنتيجة ؟!
جـ : 2/1 بـ إمضاء المحياني و ويليهامسون
وأتمنى حسينوه يجيب هدف على مرماه << حاقد |
الوضع المتطور
