نادي الهلال السعودي - شبكة الزعيم - الموقع الرسمي - منتخب الهلال بنشوة الدوري .. وياسر راح يعود لتخصصه في مرمى النصر .. واستغلال ضعف القرني والدوخي..وكل الفرق اللي تلبس الفانيله الزرقاء كسبت هذا الاسبوع

اسعد الله اوقاتكم جماهير الزعيم في جميع انحاء العالم

فرقة الرعب الهلاليه امام فريق النصر والغلبه بحول الله وقوته لنادي القرن
11لاعب منتخب هلالي امام 2 لاعبي منتخب نصراوي فقط..

نظره فنية واتمنى ان ينتبه لها جيرتس واللاعبين ..

معلومه : خلال هذا الاسبوع جميع فرق العالم اللي تلبس الفانيله الزرقاء انتصرت باستثناء السالميه الكويتي تعادل .. ومباراتنا لاتقبل التعادل يعني بحول الله الفوز للهلال..

hاحتفلنا في الايام الماضية بلقب غالي ويعتبر الاقوى من ضمن المسابقات وهي بطولة الدوري ويجب ان يدخل لاعبينا المباراة بنشوة الدوري وانهم هم الابطال ..

المتابع لمبارايات النصر الثلاث السابقه يجد ان الفريق النصراوي بدأ يعود لمستوياته الهزيله وضعف شديد في خط الدفاع وخاصه قلوب الدفاع بعد مغادرة البرازيلي ايدير ..

اتمنى من السيد جيرتس الضغط ثم الضغط من العمق لما يملكه العملاق ياسر من مهاره فرديه عاليه ودخول اكثر من عنصر للمسانده واللعب السريع ..

واتمنى الضغط على حامل الكره بأكثر من لاعب والسرعه وعدم البرود والتركيز العالي..

لاعب النصر عبدالله القرني كذلك الدوخي نقطة ضعف واضحه في الدفاع النصراوي يجب استغلالها فالقرني لايجيد ابجديات كرة القدم وثقيل الحركه ولايجيد التمركز في المباراة السابقه مع الرائد لو استغل سيرجيو بعض الفرص لخرج الرائد منتصراً بأكثر من هدف فأتمنى الاستفاده من هذي النقطه ..

ماهو المطلوب من نجوم الزعيم ..

1. هوساوي المرشدي التركيز على الكرات الطويله التي راح يعتمد عليها مدرب النصر ومراقبة السهلاوي
2. الزوري التركيز والقتاليه وسرعة اللعب كما عرفناك يابو عابد واتمنى الانطلاقات السريعه لاستغلال ثقل الدوخي
3. عزيز ماشاء الله عليك عيني عليك بارده اتمنى تغطية مركز الزوري لما يتقدم والانتباه لدوخول حسام غالي من العمق ..
4. رادوي ارسال الكرات الطويله والتسديد المباغت لاستغلال فهاوت راضي
5. ولهامسون الدخول لمساندة ياسر واتمنى ان يستغل خانة الدوخي وثقله
6. نيفيز ياليت يترك البرود ويسرع اللعب شوي ولازم الايعاز له بالتسديد واستغلال الكرات من المهاجمين اللي متأكد انها راح تفلت من راضي..
7. الشلهوب لازم تركض واجد يابو حميد ونبي نشوف التمريرات اللي يسمونها انت وضميرك ولاتنسى التسديد وياليت لو يتجه للعمق شوي كما مباراة الشباب..
8. المحياني قاتل حضن ارفع راسك انت هلالي لعبت في اخر عشر دقائق في مباراة النصر السابقه واقولها لك كنت افضل لاعب في المباراة بصراحه فواصل ابداعاتك يابطل.
.................................................................................................... ..........................

9. ياسر وبحول الله وقوته توقعاتي كالعاده انك راح تسجل وتحسم المباراة نعم ياسر افضل مهاجم خليجي وعربي بدون منافس اتمنى من ياسر قبل الدخول للمباراة ذكر المعوذات ومنها ( اعوذ بكلمات الله التامات من شر ماخلق) والتوكل على الله والهدوء واللعب بأريحية تامه كأنه في مناوره لأن شغل النصر الشاغل هو المخضرم ياسر وبحول الله انا متفائل ان ياسر راح يقول كلمته كما عهدناه ..

جمهور الزعيم كونوا على الموعد فنجوم الزعيم بانتظاركم اجازه وليلة خميس ومالكم عذر.

كل التوفيق والاماني بالفوز للهلال والتأهل لدور الاربعه ..