الحقوني شفت 1000 ريال نهاية الشارع ... لغز خش وفك الشفره ... موضع غير لا يفوتك
السلام عليكم ورحمة الله وبركته بسم الله الرحمن الرحيم والصلاة والسلام على اشرف الانبياء والمرسلين نبينا محمد واله وصحبه اجمعين الى يوم الدين اما بعد حيى الله الزعماء والزعيمات ابارك لم الفوز على الجار في مباره كنا نلعب ضد الحظ وليس النصر بس كنت واثق وقلت من قبل في موضوعي ناوي لك على نيه ...الخ والي ما شف الكليب يتفضل http://vb.alhilal.com/showthread.php?t=862869 نرجع لموضوع
وهو موضوع 1000 ريال وسالفتها
السالفه يا اخوان اني كنت في البيت وكان الباب مسكر ,ولا اقدر اطلع, وشفت مع الدريشه الفلوس وشفت واحد كبير طاح من حفره صغيره, وقمة اضحك عليه واتشمت عليه ههههه وانا ما عطيت الحفره اهتمام وقلت انها مو مطيحتني , ونزلت ابي اطلع, طلعت مع باب البيت الداخلي, الباب الخارجي مسكر بالمفتاح , قلت لازم انقز الجدار ونقزت الجدار بصعوبه, بس دايم انقزه متعود هههه, ورحة اركض با تجاه 1000 ريال ومبسوط وقلت خلاص مافي شي قدامي خلاص باخذها ’ واخواني يقولو خلاص اخذها .........يقولو خلاص اخذها........, وخلاص اخذنا 1000 ريال, ومدري ايش. فجائه تعرقلت في حفرة صغيره. وطحت ,وجاء واحد اخذ الفلوس ورجعت البيت بدون ما اخذ 1000 ريال واخوواني زعلوو علي و قالو انت ما تشوف ومدري ايش وزعلووو مني ليش ما اخذت الفلوس
طيب يا شباب يقولك المعنى في بطن الشاعر !!!!!!
انا الي كنت اقصده من كلامي السابق في سطور
1\الي طاح من الحفرهــ هو الكبير الاتحاد
2\الباب الداخلي كنت اقصد في الفيصلي جاء عندنا في بيتناء(الرياض)وفزناء
3\نقزة الجدار ,الجدار دايم ما يكون كبير ومرتفع وهذا النصرفريق كبير بس دايم ننقزه
4\الحفره كنت اقصد نجران وهذا هو موضوعي انه يا شباب نجران فريق صائد الكبار ويما يما خرب علينا وانتم تذكرو لازم نحضر ولازم نائزر الفريق ولا نستهين في الفريق الكلام موجه حتى للاعبين والكيان كامل
5\1000 الريال اتوقع تعرفهوا وهي الذهب ما حبيت ابالغ في القيمه الماليه حطية الف عشان ما احد يقول هذا ك....ب ولا احد يدخل
الله يرحم والديكم ، خلونا من الانتقدات، الي فات ما،ت نفكر في الي جاي واذا بتقعدو تنتقدو بس والله اللاعبين اوادم يحسو ويخشو المنتدى وبيزعلو ويصير عند الاعب حاله نفسه وتاثر عليه في المباره وهذا الي ما نبيه
هذا موضوعي حبيت اغير الروتين واخليه بطريقه مسليه جذابه وحلوه وخفيفه
اتمنى اني ما ثقلة عليكم
والصلاة والسلام على اشرف الانبياء والمرسلين
الوضع المتطور
