قال جيرتس .. صرّح سامي .. صار بالهلال >> وهذا شغل الأصفرين( وفي روايه الإعلام الغبي ) - نادي الهلال السعودي - شبكة الزعيم

ابو طـــــلال · #1 06/02/2010, 10:04 PM

يــــــــــــــــألله

متابعين للهلال ونجومه وتصاريح إدارته ومدربيه اكثر مني يالهلالي المتعصب ..

في إعلامهم ( الغبي ) وتكه على غبي

هو إعلام مهتم بالشئون الهلاليه أكثر من الهلاليين أنفسهم
يبحثون عن ( فتنه ) منا ... وإلا زله مناااك .. بس مهوب لاقين .. عاد مصيبه لو مالقوا شي يخترعون من عندهم وماقلوا في التفاح عيب قالوا ياأحمر الخدين ... هو تفاح وإلا رمان ؟

جستنيه صار ينافس أبو بلوتوث ( العصبي ) وتكه على العصبي خصوصا بعد تهديد البلطان

وعلى طاري البلطان فيه وحده من الأسئلة الغبيه اللى جته من إعلامي يقاله ( ذهين ) الرجال يقول الشباب فريق كبير .. رد عليه المذيع : قصدك إنه الباقين ليسوا كبار .. هل هذا إسقاط للبقية !! قاله البلطان مالي خص بالباقين وإسقاطات من عندك انا اتكلم عن فريقي .. طيب هذا سؤال غبي وإلا لا ؟؟ لك الإجابه ؟

المريسيل يكتب بجريده .. وبمنتدى .. ويكتب قصص .. ويوقع عقود .. وعضو شرف .. ورئيس نادي .. وصحفي نزيه .. وبنفس الوقت إعلامي غبي وصاحب المداخلة المصنفه محلياً ( مصخرة وإستدلاخ ) وذلك في غنتقال لاعب الهلال عيسى المحياني .. !

جستنيه .. نفع معه ( الدش الساخن ) اللى عطاه إياه ابو عبد الله صالح الحمادي .. وبعد بوق البلوي صاير يقول بمداخلاته .. اتفق مع الزميل العزيز صالح الحمادي

والى وده يسمع تحليل مهبول على الطبيعه لايفوته جستنيه مثله .. مثل اللمبي لاصار محشش .. يبي يتكلم وخلاص

أما الصحفي ( إياه ) السويد النصراوي اللى تحس من حواجبه داخل يدور الشر .. والمشكله إنه يسكت كل البرنامج ماعنده شي ومرات يناااام وإذا جاء طاري الهلال فز من نومته وأدلى بدلوه ( يونس شلبي ) بالعيال كبرت .. ومن نجاسته تحس إنه ياكل فار على الريق

والدغيثر أللى يبي يغث النصراويين بكثرة تواجدة في الإعلام المكروه لدى النصراويين وتصاريحة اللى تغث كل نصراوي .. زيارته للهلال .. ومدحة للهلال .. وتصفية حسابات مايعلم فيها إلا الله

أما ( طيش رلوى ) قصدي طير شلوى صالح الصالح

من كثر مايكتب بالمنتديات ومواقع الدردشه تحس إنه بالتلفزيون شوي ويقول ( برب ) وياهو مسوي نفسه فاهم .. هذا اللى كان في جرّه وطلع لبره

وفي مداخلة الأمير عبد الرحمن بن مساعد يهز راسه ( إنه يعني مؤيد لكلام الأمير ) يقاله الحق حق وهو حقاني

وعلى قولة أحلا ( ياحليله ياحليله )

اما صاحب العامود ( الكوميدي ) ثمووور الشمري واللى مصور الف صورة لين ماطلعت هاللى بالعامود ( مستنكر كلمة غبي ) من المدرب .. اجل لو يقراء لك مقال كان زاد عليها ( أثول ) فخلك على غبي ارحم ياخلفهم وكاتب عن تصايح سامي و ( فلسفته ) ؟؟ كل ذي غيره إن لاعبكم المخضرم مايعرف يفك الخط .. وكل تحليله ( علشاس ) = على اساس يعني

تعلم من سامي

ناس تقول بدال الأساس ( أشاش ) وناس ثانيين ( تهدد وتتوعد ) وناس ( تستنكر تصريح وهم كل مقالاتهم تفشل ) وناس همهم ( سامي والهلال ) والأغلبيه مريحين منهم .. مايشجعون لكن لو يتعادل مع ضمك صجوك بالحالمي ..

نعم أغبياء .. وكلمة الحق ماتزعل .. قلناها قبل مايقولها جيرتس ..

الأسئلة غبيه ... التحاليل مجرد سوالف .. المقالات تصفية حسابات وتعصبات .. المنتديات تجريح من خفافيش جبناء .. حتى وصلت لرئساء الأندية والاعضاء المؤثرين صاروا ( أردى من المجع نفسه )

نعم السؤال الغبي .. لابد أن لانساله

يعني قال السؤال الفني غبي .. تقول اجل وش أسالك فيه عن اهلك ؟؟ هذا رد أغبي من السؤال

المشكله إنه أصحاب الصوت الاعلى في الأصفرين هم الأكثر غباء وأشدهم تعصب ... لم تعدى الفرصه لأصحاب الفكر العالي والاخلاق الراقية للظهور

اخوكم الصغير ابو طلال