كيف نفوز على النصر +رابطة الهلال+جماهير الهلال+لاعبين الهلال+رسالة للامير عبدالرحمن بن مساعد
السلام عليكم ورحمة الله وبركاته
طبعا مبارتنا يوم الاربعاء امام الشقيق نادي النصر
بس في اشياء لو طبقها جيريتس والاعبين والرابطة والجمهور والامير عبدالرحمن بن مساعد ما راح يوقف الهلال اي فريق
ان شاء والطريقة اتمنى من جيريتس ان
1-ان يدرب جميع الاعبين على ضربات الجزاء لانه المبارة يمكن ما تنتهي الا بضربات جزاء
2-اتمنى من جيريتس ان تدريب الاعب رادوي والاعب نيفيز على الضربات الحرة المباشرة
3-تدريب الاعب رادوي ونيفيز على الركنيات وتدريب الاعبين على اتخاذ التمركز الصحيح لانه دايما ركنيات الهلال مالها فايدة
4-ان يدرب الاعبين على العرضيات الي تكون من دفاع الهلال الى المهاجمين لانه العرضيات للاسف ما تجي للمهاجم وتروح لفريق الخصم
الحين خلصنا من جيريس وجا دور الاعبين
1-التسديد من خارج منطقة الجزاء تحديد من رادوي ونيفيز وياسر والشلهوب لانهم ماشاءالله تركيزهم مرة ممتاز على المرمى
2-عدم فتح الملعب للنصر يعني لو تقدم رادوي يجي بسرعة خالد عزيز يغطي مكان رادوي وغيرهم من الاعبين يسوو زي الطريقة
3-الظغط على حامل الكرة خصوصا لعدم اعطاء فرصة للاعب لانه لو الكورة كانت مع حسام غالي تخيل شعوره لو جاه اثنين من لاعبين الهلال ما راح يقدر يفكر وين ينقل الكورة بيشوتها اي مكان وخلاص بس في نقطة مهمة وهي الظغط على حامل الكرة تكون سريعة من لاعبين الهلال لانه مالها فايدة يروحو اثنين على الي معاه الكرة وهم يركضو على خفيف
4-اتمنى من بداية المبارة ان يبدأ الهلال الهجوم عشان نجيب هدف من اول ربع ساعة ويطمئنو الفريق وبيسبب خوف لنادي النصر الي كل ما يكون متأخر يفتح ملعبه
5-في مشكلة من لاعبين الهلال والي هي لما يتقدم الهلال بهدف حماس الاعبين يخف بطريقة غريبة يعني المفروض لما نسجل هدف نتحمس ونجيب هدف ثاني بأسرع وقت عشان نضمن المبارة من الشوط الاول يعني لو جبنا هدف ما نبي ندافع طول المبارة لانه النصر بيحاول يتعادل وماراح يقدر يتعادل الا لو فتح ملعبه
بتكون فرصة للهلال انه يستمر بالظغط ان شاءالله فهمتو قصدي
6-اتمنى من ياسر لما يشوف اكثر من لاعب قدامه انه ما يحاول يسحب فيهم زي كل مرة لانها اخرتها تنقطع
7-ان شاءالله الفريدي والزوري يبعدو عنهم البرود
8-اي فرصة بتكون للاعبين انهم يشوتو من خارج المنطقة انهم يستغلوها الا لو فيه لاعب فاضي
الحين جماهير الهلال
1-ما عندكم اي تصريفة انكم ما تحضرو المبارة لانها بعد الاختبارات
2-التفاعل مع الرابطة لتحفيز الاعبين
3-اول ما تجي الكورة مع الدوخي نسوي وي ماسوينا لما كان مع الاتحاد كلنا بصوت واحد خاين خاين خاين
4-صافرات الاستهجان اهم شي
5-نبي نردد بأسم كل الاعبين الي بيلعبو ومانبي نردد امس ياسر بس
6-ممنوع اي مشجع يدخل الا ويكون معه اي شي لونه ازرق عشان يطلع المدرج بطل
الحين دور الرابطة
1-اتمنى من الرابطة لو كنا متقدمين بهدفين او اكثر ان شالله انهم يقولو اعدين ليه ما تؤومو تروحو
2-والله للمرة الرابعة اكتب هذا الشي نبي مكرفونات صوتها واضح وعالي الموجودة مع الرابطة مب واضحة ولا عالية بالنسبة لي الجالسين في الواجهة والله ما نسمع ولا شي من الي تقوله
لو الرابطة شافت الجماهير ماتتفاعل انهم يقولو اقوى يا شباب ويقولو على حسب المكان الي مب متفاعل معه الجمهور يعني مثلا الرابطة تشجع والي بالواجهة ساكتين اتمنى من الرابطة انهم يقولو يلي بالواجهة صوت واحد او اقوى ان شالله فهمتو
3-نبي حركة الزلزال نبي صافرات الاستهجان
4-لو سجل الهلال هدف اتمنى تردد الرابطة شيلوهم شيلة والفوز الليلة مع تفاعل كل الجماهير ونبي نسمع ياويلو ونبي نسمع حبيبكم مين ونبي نسمع الزعامة الهلالية وغيرها من الاهازيج الي تقدمها الرابطة
بس ماراح نقدر نسوي هذي الاشياء الا لو الرابطة جابت كرفونات صوتها عالي وواضح ولازم يتفاعل كل الجمهور مع الرابطة ولو ما تفاعلو انا كتبت الطريقة فوق
اخيرا رسالة للامير عبدالرحمن بن مساعد
اتمنى منك يا رئيسنا
انك تحفز الاعبين فبل المبارة لاني قريت انه كحيلان بيدفع ربع مليون لكل لاعب لو فازو
وشكرا وانشالله عجبكم الموضوع والله جلست عليه ساعتين واتمنى رفع الموضوع
الوضع المتطور
