السلام عليكم ورحمة الله وبركاتة

مساء - صباح / الخير لجميع الهلالين

الكلام الي بقولة والله كان من زمن ودي اقولة

بس احس ان هاذا وقتة .........


الحين الهلال مقبل على مباراة مهمة جداً

مع النصر خروج ومغلوب ، والنصر مستواة الايام هاذي

عالي .. اذا فاز الهلال يلعب على النص النهائي مع الفايز بين ( نجران × الانصار )

وان شاء الله راح يفوز الهلال وبعدها الى النهائي :: وانا متاكد ان راح نلعب مع الشباب ::

وبعدها آسيا ..........

الي ابي اصله من الكلام الي قلته ان فيه بعض الجمهور الله يهديهم ما ادري اظاهر انة ما يشجع

الهلال ، يشجع لاعب في الهلال ، فيه ناس يقولون ان هل الاعب بحاجة ان نوقف معه ومن هل الكلام

اقسم بالله ان المشكلة انا عاطفين الى ابعد الحدود ....

لو نرجع للهلال ونشوف من العيبة الي نازل مستواهم ، طبعاً الي على راس الهرم والي الجمهور مسوين

ضجه علشانة الي هو ياسر ...!؟

طيب يا ناس منهو الي قال (( الي في المدرج يتفرج ))

معناتها الرجال مستغني ، بس المشكلة ما فيه احد متجاوب معة ، المنتدى زحمة مواضيع

لياسر طيب الى متى ، والهلال وين راح ، الهلال ما يعتمد على نجم ، الهلال منبع النجوم

لو قعد ياسر في الدكة ما راح يتأثر الهلال ، بس جميع الجمهور يتمنون ياسر اساسي وانا اولهم

بس ما نصفقله ونقوله ما قصرت وانت بدعت .. ارجع الى اوروبا ونتذكر احد مباريات انتر ميلان

في الموسم الماضي يوم كان جمهور الانتر يطلقون صفائر استهجان على ابراهيموفتش ليه ؟

لان مستواه نزل في مبارتين فقط والنتيجة انتها الدوري الايطالي و الهداف ابرا ...

وحنا سنة ونصف نطبل لياسر .. وعندما سأل ياسر بعد مباراة الاتفاق على ما اعتقد قال له المذيع الجمهور زعلان

عليك قال وبكل ثقه من يقول الكلام هاذا !!!!!

يعني ياسر عاجبه مستواه ؟


على العموم الهلال مقبل على مرحلة بحاجتكم ..

واهتموا بجميع العيبة ما فيه احد احسن من الثاني ..



اعذروني اذا كان الموضوع متشتت

ويارب يفوز الهلال يوم الاربعاء ..........


اتمنى من الاخوان المشرفين ينزلون الموضع بسرعة

اتمنى من الاخوان المشرفين ينزلون الموضع بسرعة

شكراً لاخوي هلالي ثنياني على التنوية ......

كلامكــ صحيح .................

إنه الـــــكـــــآآآآسر (قآهرهم)

^^

يآصبر الآرض على الكآسر بس

ياااسر مكانه الآن الدكة والمحياني اساسي لان يااسر اذا كان ف الاحتياط يدخل وهو متحمس
الحين هو ضامن انه اساسي عشان كذا ما يهمه المستوى

والله اذا رجع ياسر لمستواه راح نمدحه زي مامدحناه اول

اما مستواه نازل ويبغونا جمهور اللاعبين نمدح فيه هذي معصي

غريبه موضوعك صامد لين الحين!!!

ايه توني اشوف ماله ساعة نازل

الله يعينك من الهجوم الياسري..!!!

يا ما حكينا عن ياسر لكن ما فيه فائدة..يطبلون ويطبلون لين انفقعت طبولهم وشروا غيرها!!!

لكن الله يفرجها ويرجع ياسر زي ما كان او يفتح الله على قلب المدرب ويركنه احتياط زي كل العالم والناس!!!

ياشباب انتوا عندكم انا المهاجم لازم يجيب قول والا مستواه طايح

ياخي ابغاك تعيد مباراة الاتحاد والهلال الي فزنا فيها خمسه

شف اكثر الاهداف ياسر يكون ساحب له لاعب او لاعبين ويكون ويلي او نيفيز فاضي ويكفيك هدف نيفيز الثالث كيف انه ثبة الكوره ولا احد هجم عليه لانا مدافعيين ممسكين ياسر

ياشباب خلونا نتكلم بعقالنيه ياخي يكفيك انا النادي الوحيد الي يلعب بمهاجم واحد في السعوديه هو الهلال هاذا وش يدل عليه يدل على انا امكانيات ياسر ماشاء الله تبارك الله عن لاعبين

ياااسر مكانه الآن الدكة والمحياني اساسي لان يااسر اذا كان ف الاحتياط يدخل وهو متحمس

الحين هو ضامن انه اساسي عشان كذا يفكر ان مستواه ممتاز

نتمنا التوفيق للــزعــيــم

اتمنى من الجميع السعي لتحقيق البطوله هذي لانها دافع لتحقيق بطوله الأسيويه

ونخلي الباقي لهم ..