06/02/2010, 02:26 PM
|
 | زعيــم جديــد | | تاريخ التسجيل: 20/07/2009
مشاركات: 25
| |
|
وش ذنبي اني هــلآلــــي
--------------------------------------------------------------------------------
السلام عليكم ورحمة الله وبركاتهـ
أعزائي مدري من ابدآ ومن وين أنتهي
المهمـ /
في يوم من الأيام الجميلهـ وفي الصبآآح الباكر (( عقب ماوديت بزارينا للمدرسهـ )) وعلى زقزقة
السيارات المزعجهـ وفي زحمتها القاتلهـ وفي طريقي للعودهـ (( جلست افكر قلت : ياولد وين
ترووح مالك الى البيت بحكم اني عاطل عن العمل ))
وش رايكم نتكلم بالعامي أحسن ماعرف بالفصحهـ :
نكمل جلست اطقطق على النت شويات الآ ويتصل علي رقم غريب استغربت منهو الي داق علي في هالوقت رديت واليكم ما جرى :
الشخص / ألو السلام عليكم .
أنـآ / وعليكم السلام ورحمة الله وبركاتهـ ، سم اخوي
الشخص / الأخ مشعل عبدالله .
أنآ / وصلت خير آمرني
الشخص / معآك فلان الفلاني من بنك الرآجحي .
انـآ / بنك الرآجحي وش بغيت
الشخص / ايه بنك الراجحي انت مرسل السيرهـ الذاتيه على الإيميل تطلب وظيفهـ
أنـآ / تبي الصراحه (( قولها لي ماتبيني )) خخ / تبي الصرآحه اني ماخليت ايميل شركه في المملكة
ماأرسلت سيرتي عندهـ ومآ أتصل الا انتو
الشخص/ انت وش شهادتكـ .
انا / انت تقولي السيرهـ الذاتيه عندكـ وتسآ ل عن الشهاده .
الشخص / مو مهم انت تجينا اليوم الساعة ستة ونص المغرب (( على أمهم وقت مقابلة
شخصية )) وجب ملفكـ معك والأوراق كاملهـ
انا / ابشر بس وين اجيكم فيه .
وصف لي المكان حقهم وسكرت ، المشكله مو في هذا كله المشكلة بـ ع ـد هذا
وتمر الدقائق والساعآت الين جات السآعه خمس ونص قلت خلني أرووح لهم وصليت في الطريق وكويت شماغي
ووصلت للمكان المطلووب وأرقى لهم للدور الثاني وكلمت الاستقبآل قلت له انتو متصلين علي بخصوص وظيفه
قالي ايه ايه خذ هذا الاستبيان وعبيه قلت (( 91 ولا 95 )) خخخ // المهم عبيته
وجا وقت المقابله هنآ الفلم :
واحد في آخر السيب ينادي مشعل عبدالله مشعل عبدالله مدري ليه يكررون الاسم مرتين
قلت : نعم
قال : تفضل هنا
دخلني على وآآحد مدري وش يحس فيه :
أول سؤال سألني ايـآآهـ وش تتوقعون
سألني : وش تشجع ؟
انا: ههههههههه جلست اضحكـ
الشخص / وش فيكـ تضحك استرح استرح
انا / جلست على الكرسي وكان هو جالس في مكتب
الشخص / هاهـ ماجوبتني على سؤالي ؟
أنـآ / من جدكـ انت جاي تسوي معي مقابله والي تسآلني عن فريقي المفضل ؟
الشخص / شكلك نصرآوي ؟
انآ / لأ هلالي .
والله ياناس يوم قلتله اني هلالي كني سبيت امهـ والآ قاتل ولدهـ ، وتغير وجه موب 180 درجه ألآ 280 درجهـ
انا / ارتحت الحين انا هلالي ممكن نبدأ المقابلهـ
الشخص / أجل الله يعينكـ ؟
انا / اضحك بإستهتآر .
بعدها خلصت من المقابلة الشخصية
وسآلته المزايا الوظيفية وش هي ؟
يقول الرآتب 4800 ريال وتأمين طبي وتأمينات اجتماعية ومن هالخرابيط
بعدهآ سألني بتكمل دراسه قلت له اكيد تبغاني اقعد بالثانويه العامه
قآلي آها طيب كذا ماينفع .؟؟ ليييييييييييهـ ،، يقوول فيه شرط جزآئي انك اذا فكرت تسحب علينا قبل ثلاث سنوات لازم تدفع الشرط الجزائي
قلت : كم الشرط الجزائي ؟؟ احسبه بيقول خمسة آلاف عشرهـ آلاف
قال : عشرين الف ريال ولازم تجيب لي كفيلين يكفلوونكـ
قلت : اقوول الشرهـ مو عليك الشرهـ على الي اتصل علي وقالي عندي لكـ وظيفهـ
وطلعت وخليتهـ 0الله لا يوفقهـ
وكل هذا عشاني قلت له اني هلالي
وحبيت اطرح المشكله في المنتدى وحبيت اشوف ارائكم حول هذا المتخلف النصراوي ، ، ،
مــلآحظه //
انــآ انســآآنـ عــآآطل من أربع سنوات وشهرين
الشهـآدآت : ثانوي / حاسب آلي 6 شهور / لغه انجليزي / 5 شهور في شركة الإتصالات السعوديه (( وظيفه صيفيه ))
وإلى الآآآآآآن عــآآآآطل
ماعندي شغله إلا اني اروح لمباريات  الزعيم فقط والله في الأربع سنوات الي مضت مافوت مباراة للزعيم والله على ماأقول شهيد
وربي يوفقك الزعيم ومع مباراة الفقراويه حسبي الله ونعم الوكيل
|
الوضع الشجري
