|
ياسر القحطاني بين المطرقه والسندان .. ويحتاج للمساعدة السلام عليكم ورحمة الله وبركاتة اعتدنا ان يحاصر ياسر بلاعبين على الاقل ان لم يكونوا خمسه عند استلامه الكره وان كنت لا التمس لياسر العذر كون هذا الحصار لم يوقف اساطير الهلال الذين سبقوه ومنهم يسوف الثنيان قد يرى البعض ان الامور تغيرت كثيرا من عهد الى عهد ولكن هذا الامر لم يختلف كثيرا وهو التخلص من الرقابه والمراوغه والتلاعب بالمدافعين لشق اقصر الطرق الى المرمى . ياسر القحطاني لديه المقومات التي تجعل منه اسطوره هذا العقد فلديه السرعه والمهاره والقوه ولكن يحتاج للمساعده خصوصا في هذه الفتره بلاعب سريع وخطر يحسب له المنافسين الف طريقه وطريقه لايقافه واعتقد انه متى وجد هذا اللاعب بجانب ياسر القحطاني فانه سيكون في افضل حالاته وسيضهر منه مالم تراه جماهير الهلال من قبل . اما ان بقى الحال كما هو عليه فانني ارى ان ياسر القحطاني بين المطرقه والسندان بين مطالبات الجماهير التي تطالبه باكثر من ذلك لانها ترى فيه اكثر من ذلك وبين الحصار المحكم من اللاعبين ومن وسائل الاعلام التي ترصد كل خطوه حتى وان كان خارج اسوار النادي كونه يحمل على عاتقه (هجوم الهلال) متى ماحضر كان للهلال هجوما ومتى ماغاب اصبح الجمهور لا يتفائل بالهجوم بقدر ماهو متفائل بخط الوسط والقادمون من الخلف . وجهة نظر قابله للخطأ والصواب |
موضوع جميل وانا اوقفك في الرأي |
كيف يعني يحتاج للمساعده انا معك ان ياسر يحااصر من اكثر من لاعب بس هذه المراقبه تفك الرقابه عن غيره ماعلينا ياسر سجل أو ماسجل يكفي دووره المهم داخل الملعب يعطيك العافيه عالمووضووع اتمنى التوفيق لياسر ولبقية اللاعبين |
معك حق اخوي وانا اوافقك الراي انا اشوف ياسر من اول ما تجيه الكورة والكل يتحرك اتجاهه يعني على قولتك يحاصر بأكثر من اربع من لاعبين الخصم يعني بعد من وجهة نظري نزل مستواه وهو مسجل 7 اهداف ومصلح اكثر من هدف لا تحضرني كم اعدادها حاليا ما اقول الكلام هذا دفاعا واحنا كجمهور هلالي تعودنا على الطمع من ناحية الاهداف وما نرضى بعدد الاهداف مهما كان كثرتها يعني نبي المزيد وبعد المزيد اتمنى من كل مشجع هلالي تهمه مصلحة الكيان الهلالي الوقوف مع اي لاعب هلالي سواء ياسر او غير ياسر للمسانده على استرجاع مستواه المعهود اللي كان عليه سابقا اعتذر عن الاطالة ولكن هذه وجهة نظري لك الشكر اخوي ويعطيك العافية (( الله ينصر الهلال في مباراته القادمة ويكون الكاس من نصيب الهلال )) |
علشان يفتك من المطرقه والسندان يصك الفقر بقولين يحبهم قلبك ويخليهم ياكلون تراب الفقر |
حـال ياسر كما هو حال ابراهيموفيتش ..! يؤدي ادوار ربمـا تحرمه التسجيل وجعلت ويلي والشلهوب ونفيز يسجلون أكثر وهذا حال البرشا ابرا جعل ميسي وانيستـا يسجلون اكثر منه وتصريح مدرب برشلونه عن حال ابراهيموفيتش يطنبق على ياسر |
كلآمك صحيح وفي محله لآزم يُعزز خط الهجوم بمُهآجم ثآني حتى يرتآح يآسر من الضغط والحِصآر ومآ نختلف على أن يآسر يطببق مهآم أُخرى غير التسجيل ، لآكن يآسر القوة الضآربة ولآنكتفي بقوة أقل منه يآسر لآبد يُفتح له المجآل لتهديف وتعزيزة بمُهآجم آخر .. ولاهنت يآآبطل .. |
شكرا على ابداء ارائكم والجميع يسعى لمصلحة اللاعب والنادي من يقول ان حال ياسر كاحال ابراهيمفوتش قد ينظر للطريقه التي يلعب بها السيد قريتس ولكن لم ينظر للفروقات الكبيرة بين اللاعبين من كل النواحي اذا ماتجاهلنا الفرق بين الناديين والعناصر واتحاد الكره بشكل عام لابد ان نكون واقعيين قدر الامكان حتى تكون كتابتنا مفيده للاعب والكيان الازرق ونحن هنا لسنا في موقف هجوم ودفاع فكلنا نطمح لهدف واحد وان اختلفت وجهات النظر في النهايه نتمنى ان تكون مفيده لاصحاب القرار حتى وان استندوا للقليل منها وان كنت ادرك انهم ادرى بمصلحه اللاعب كونهم اصحاب خبره وعلى كفائه عاليه بمثل هذه الامور ويكفي ان نقول انهم اقرب من الجميع وعلى اطلاع كبير مباشر ومستمر ياسر يواجه الحصار الاعلامي والجماهيري والمسؤوليه الاولى عن بادره التسجيل في اي لقاء وهذه امر طبيعي كونه يلعب لنادي كبير وصاحب شعبية كبيرة في اسيا وهو مجتهد بقدر مايستطيع ولكن ماذا لو اقتسم هذه المسؤوليه وهذا الحصار مع لاعب اخر . هنا اعتقد اننا نفسح له بعض المساحه التي يستطيع منها التقاط انفاسه في الملعب وخارج الملعب .. تبقى وجهه نظر قابله للخطأ والصواب |
ماقصرت على الموضوع والصراحه ياسر يحتاج مهاجم بجانبه |
ويش رايكم لو نهتف باسم ياسربالمدرج تكفووون والله راح يصير لها معنا كبير بنفس اللاعب |
أنا صراحه طفشت من كثر ماقراء عن ياسر اي شخص يبي مشاركته يصير لها صدى يكتب عن ياسر اما يتدلع فيه او يينتقده بحده * ياسر مشكلته نفسيه واجزم بذلك * لن يقتنع احد يفهم في الكوره ان غياب ياسر عن مستواه للرقابه لان اللاعب فقد اكبر موهبه في ياسر الكنترول والتركيز شوف استقبال ياسر في هدفه في نهائي ولي العهد قبل العام أمام الاتفاق وطريقه التنفيذ وقبلها في القادسيه وغيرها كثيييير والحين مو سوء في استقبال الكوره الا التنفيذ محبط جدا والجميع شاف هدفه في الرائد أمام المرمى ولعبها بطريقه مايلعبها حتى اللي مايفهم بالكوره على العموم نختلف كثير في اللاعبين ونتفق في حب الشعار ومن يستحق أن يرتديه |
الهرج ماينفع يايجيب هاترك الاربعاء ولا يقعدبه |
أحسنت خيوو كلامم جمميل ياسر ينقصه الوقوف معآه وان شــاء الله هاتريك على النصر تكفىى يآبو عزوز |
يا نااااااااااااااااااااااااس اتركوا ياسر بحااااااااااااااااااااااااااااااااااااااااااااااااااااااله |
الله يوفق الهلال وياسر وجميع لاعبين الهلال اهم شي الهلال يفووز مو مهم ياسر سجل ولا ماسجل اهم شي الهلال يفووز |
| الوقت المعتمد في المنتدى بتوقيت جرينتش +3.
الوقت الان » 01:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd