نادي الهلال السعودي - شبكة الزعيم - الموقع الرسمي - مداخلة سمو الامير نواف بن سعد في برنامج الجولة كتابياً,,,

السلام عليكم ورحمة الله وبركاته :ba1:

صباحكم / مسائكم زعامة :smilie47:

بما اني فاضيه وماعندي شي قلت اكتب لكم مداخلة سمو الامير نواف بن سعد في برنامج الجولة عشان الجريمة اللي سواها جيريتسhttp://vb.eqla3.com/images/smilies/139.gif http://vb.eqla3.com/images/smilies/038.gif <<جيت بكتب كوزمين http://vb.eqla3.com/images/smilies/Looking_anim.gif
تفضلوا :

المذيع:مساء الخير سمو الامير
نواف بن سعد: مساء الخير لك ولضيفك الكريم
المذيع : سمو الامير ابدا بالحديث عن الدعيع واتمنى ان لاتعتبره سؤال مثل ماوصفه مدرب الهلال سأسألك عن هذا الوصف الذي سأله بالامس ابدأ الحديث عن الدعيع وغيابه عن المباراة هل يعتبر غياب الدعيع امر منطقي ولايستحق السؤال عنه بالنسبة لكم كهلاليين ؟
سمو الامير : اخ عادل انت تعرف انو احياناً خلني اكون صريح معك زي مااحنا نتقبل النقد من الاعلاميين يجب عليهم برضو ان يكون صدرهم رحب احياناً بعد المباريات انا اواجه المدرب يواجه سمو رئيس النادي يواجه مدير الكره يواجه الاعبين يواجهون نوعية من الاسئلة ماهو وقت سؤال يلي المباراة مباشرةً ,بمعنى اصح تتحول الاسئلة , انت تعرف بعد كل مباراة الاسئلة سريعة والناس وراه ارتباطات بعد المباريات , فيه اتوبيسات تتحرك ,فيه ترتيبات حتى تتعلق بنقل الاعبين,الاسئلة تصبح مناقشة اكثر من انها اسئلة ,بمعنى اصح يسأل صحفي سؤال قد تكون اجابة المدرب غير مقنعه لصحفي اخر يتحول الصحفي الآخر الى مناقش اكثر من انه سائل ,يصبح يدلي بآراء يعني اراءه كمشجع اكثر من اراءه كصحفي ,او يبدى يطرح اسئلة كأنه
يطرحها في مجلس واحياناً المدرب لما يسأل عن سؤال اللي حصل اذا كان عندكم وقت كالاتي :
سُئل المدرب من احد الصحفيين عن غياب الدعيع وهل هو فني ؟ فقال المدرب ان هذي اشياء فنية وانا احترم عملك كصحفي او شي من هالقبيل وارجو ان تحترم عملي كمدرب والامور الفنية هذي ,سُئل من صحفي آخر سؤال اخر وجاوب عليه المدرب , رجع نفس الصحفي يسأله نفس الموضوع ويقول فيما معناه تعتقد ان الدعيع مو مؤهل انه يكون حارس مباريات خروج مغلوب
ولاتعتقد ان هذي فيها مجازفه ؟لانه تكلم عن موضوع معين كمحاولة اختلاق مشكلة غير موجودة ,بطبيعة الحال المدرب بمعى اصح هو انتقد السؤال ولم ينتقد الصحفي يعني لازم احنا نفرق ولازم احنا نفرق ايضاً بين الكلمات باللغة الانجليزية والعربية قد تعني شي بالانجليزي تفسر بالعربي الى امر آخر .بس هو انتقد السؤال ولم ينتقد الصحفي حتى هو بالمناسبة هو قال للصحفين الموجودين شكرهم وشكر الصحفي هذا وقال شكراً لأنك اختصرت علي الوقت لأني مااقدر اجاوب على اسئلة ثانية وانسحب ,
في الحقيقة الاخ عبدالعزيز الدغيثر انا احترمه جداً واقدره وهو صديق عزيز الحقيقة لكن امس حتى هو كان حكمه متسرع لانه هو ماحضر الموضوع وحسب مانُقل لنا الموضوع لم يكن فيه صوت عالي ولم يكن فيه مثلاً زعل شديد من المدرب ,المدرب دخل علينا بعدها في غرفة الملابس مبتسم يعني , ولكن واجه نوع من الأسئلة قد يكون استفزازي برأيه هو ,هو طالع من مباراة بيلحق على اللي موجودين انا اعتقد احياناً ان نوعية الاسئلة تجبر احد على الجواب بطريقة خاطئة ,
المذيع: هذا اقرار منك سمو الامير بأن المدرب قال مثل هالكلمة ؟
سمو الامير: انا حقيةه ماكنت موجود, حسب مانقل لي انه هو انتقد السؤال ولم ينتقد الصحفي ,
المذيع: بنفس الوصف سمو الامير ؟
سمو الامير : مااقدر اجزم لك لاني ماكنت واقف ,بس اللي انا فهمته انه انتقد السؤال يعني ياانه قال اما السؤال في غير مكانه او مااعرف وش قال بالضبط لكن انتقده سؤال وماقال انت كذا يعني لم يصف الرجل وبالمناسبة والله الى الآن مااعرف منهو الصحفي ولكن لم يصف الصحفي بوصف لايليق هو وصف سؤاله زي مثلاً بذكر لك شي زي مثلاً الحين بعض النقاد وبعض الصحفيين مايقولون خطة عقيمة من المدرب مايقولون اسلوب غبي احياناً
المذيع: هذا سمو الامير اللي يقول مثل هالكلام مع احترامي لايجب ان يجلس في استديو
سمو الامير : لا لحظه خلني اكون معك صريح احياناً بعض المحللين ومن خلال مانقرأه في الصحف يجيبون كلام اكبر من الكلمة اللي قيلت ان المدرب قالها بمراحل ويزعلون احياناً لما يوجه انتقاد لسؤال سألوه فأرجو ان يكون عندهم نفس رحابة الصدر اللي يتمنونها من مسؤلي الاندية والمدربين.
المذيع: سمو الامير انا اتفهم مثل هالكلام لو كان صادر من لاعب اما من ادراي او مدرب فهو بالتأكيد لايمكن ان نقول ان والله بحكم انه منفعل بعد المبارة او مشغول او شي نقبل منه اي تصريح هو مدرب عالمي ويثنون عليه الصحفيين منذُ بداية الموسم حتى الان وبالتالي يجب ان يتعامل معهم باحترام ومع اسألتهم التي يطرحونها ؟
سمو الامير: طيب اخ عادل انا بسألك سؤال الله يخليك انتم الان كأعلاميين انا اعرف حماسك للأعلاميين وهذا من حقك , ولكن انتم كأعلاميين لما تقدموا مادة صحفية انتقدوا فيها انتقاد ايجابي او سواء انتقاد لمجرد كره الشخص نفسة احياناً , المدرب الحين من جاء عامل مؤتمرات صحفية بمنتهى التعامل الراقي مع الصحفيين واتحدى صحفي انه يقول عكس ذلك
المذيع: واشادوا بذلك سمو الامير .
سمو الامير :بالتأكيد اذن وش اللي يخليه ينفعل بشي مثل كذا هو كل اللي نطقه انتقد سؤال الصحفي وهذا من حقه يعني السؤال في غير محله مثلا لما انت تجي تخلق مشكله من لاشي والرجل قالك هذ امور فنيه ترجع تزيد وتحاول انك تخلق مشكله بين الاعب والمدرب وبالمناسبة يمكن يكون الموضوع الرئيسي اكثر اللي هو مشكلة الدعيع اللي اُختلقت يعني اذا كان الاعب يطلع ويصرح اللي هو الدعيع المعني بالامر والمدرب يطلع ويصرح وسامي الجابر يطلع يصرح ليش مازال بعض المحسوبين او بعض وسائل الاعلام تصر على ان هناك فيه خلاف تصر على ان هناك فيه مشكله , يااخي الرجل لما عاقب مثلاً خالد عزيز كان صريح لو بيعاقب الدعيع يعني مثل ماعاقب خالد عزيز وخالد عزيز من اعمدة الفريق لو كان هناك عقاب مثلاُ للدعيع لكان صريح الرجل لقال مثلا انه مثلا فيه عقاب اداري انضباطي الى اخره , الرجل قال لكم هذا يتعلق فيني كمدرب الدعيع طلع وقال كلام جميل عن المدرب وقال كلام جميل عن علاقته بالاعبين , الدعيع احد اعمده الفريق الاساسية ان لم يكن هو الاول يعني انت تعرف الدعيع بالنسبة للهلال لايعتمد عليه فقط كلاعب مهم وحارس مهم يعتمد عليه حتى في امور اخرى علاقاتنا بالاعبين احياناً علاقات الاداراة بالاعبين احياناً تمر عن طريق الدعيع , الدعيع يعمل دور كبير غير دوره اللي في الملعب على فكره .
المذيع: من اجل ذلك سمو الامير استغرب كل من يتابع عدم وجود الدعيع في المباراة فقط هذي هي المسأله؟
سمو الامير : الحين عندنا عدد كبير من الاعبين هل المعني ان يجهز الاعبين كلهم عشان مااحد يشارك منهم هو له رأي فني هو يمكن يبغى يريح الدعيع هو بالتأكيد يثق في حسن العتيبي زي مااحنا كلنا نثق في حسن العتيبي فمعنى وجود لاعب بديل لأيش بالضبط ؟!! انو يكون الاعب البديل مثل الاساسي بالضبط وهذ ي جملة دايماً تسمعونها احنا نطبقها طيب فعلياً . الشلهوب مثلاً غاب عن مباراة الحزم وكان جالس جنبنا لافيه أي اصابه ولا يعاني من أي شي وقال المدرب مالعب لأسباب انا اراها فنية او ارى اني اريحه عشان يلعب المباراة اللي بعدها , فاانا اعتقد مافيه مشكله وجود البديل المشكلة اختلاق مشكلة لم تكن موجودة اصلاً الدعيع كان موجود معاهم في غرفة الملابس الدعيع حفز الاعبين قبل لايدخلون اقولك اياها بمنتهى البساطة كل اللي يعمله الدعيع قبل المباريات وهو اساسي عمله وهو خارج التشكية حضر بنفسه مع الاعبين دخل غرفة الملابس معهم تكلم معاهم قبل المباراة وعلى فكره كل الصحفيين شافوه بالملعب يعني ماكان متوزي الرجال هو قبل المبارة واقف مع سامي الجابر والصور طلعته والصحفيين كلهم شافوه , انا الى هنا اقولك نقطتين : اولاً أؤكد انه لايوجد أي مشكلة وانا اعتقد بعض الناس من نية سليمة ان شاء الله الاغلبية نيتهم طيبة يتسائلون لأهمية الدعيع هذي انا اجزم معك ان نيتهم معظمهم طيبة ان شاء الله وبعض الناس يمكن لهم هدف بااختلاق المشاكل في الهلال عرفت وهذي بالتأكيد بعيده عن تفكيرنا وتفكير الاعبين .

المذيع: سمو الامير يعني الربط بين ماحدث للاعب خالد عزيز ومحمد الدعيع غير منطقي برأيك؟
سمو الامير بالتأكيد انا اقولك الرجل لما غاب خالد عزبز المرات الاولى بدون عذر صرح والامير عبدالرحمن وقتها صرح وسامي الجابر وقتها صرح وقالوا ان الاعب عوقب بقرار فني وابعد عن المباريات بقرار اداراي من المدرب يعني عدم انتظامه في التدريبات عوقب من اجله الاعب وأُبعد .
المذيع: سمو الامير عندك استعداد تسمع تصريح الدعيع وانت معنا على الهواء ؟
سمو الأمير:ايه طبعاً
المذيع : اخذنا له تصريح بعد المباراة اذا كان لديك وقت سمو الامير تسمع التصريح ثم تعلق عليه بعد نهايته ؟
سمو الأمير: طيب
المذيع : جميل نستمع الآن مع سمو الامير ومع المتابعي تصريح الدعيع بعد المباراة وماذا قال بعد المباراة وعن غيابه ..
(كان جواب الدعيع عن سبب الغياب ان المدرب فضل اراحتي ) <<جبت التصريح بااختصار http://vb.eqla3.com/images/smilies/004.gif
المذيع: سمو الامير أُحيي فيك ثقتك يعني عندما قلت نستمع لتصريح الدعيع يبدو انكـ واثق من كلامك ومن كلام الدعيع
سمو الامير : يعني اعتقد مافيه شي نخبيه اخ عادل لااحنا ولا اداراة الهلال ككل ولا لاعبين الهلال مافيه شي يخبى , بالمناسبة احنا شفنا الحقيقة يعني زي ماقلتلك اختلاق اخبار احياناً زي ماقلت لك هي اجتهادات لاعب بحجم الدعيع لما يغيب بالتأكيد حيكون ملفت للنظر خصوصاً اذا لم يكن مصاب انا اتفق كثير مع الاعلاميين اللي يتسائلون عنه ولكن لما يجاوبك المدرب جواب انا اعتقد انه مقنع بالنسبة لي وبالنسبة للصحفيين مافيه داعي لعملية المناقشة مناقشة المدرب بطريقة قد تكون مستفزه هذا اللي انا كنت اتكلم عنه والكلام هذا بالتأكيد موجه يعني لنا احنا احياناً مانقدر نناقش المدرب في امور تخصه فنياً صدقني لا الامير عبدالرحمن ولا انا فيه امور معينه انا شخصياً والله لم اسأله لماذا لم يلعب الدعيع ..
المذيع: ولكن حتى لو سألتوه سمو الامير ماراح يقول اسئلة غبية بنفس الوصف يعني ؟
سمو الامير : لاشف اسمع انا ماادري تركز على الكلمة تروح وتركز على الشي هذا , مورينهو قبل امس غرموه لانه تلفظ على احد الصحفيين صح ولا لا ,,لكن في المقابل ماذا يحدث للصحيفة لو تهجمت على لاعب هناك او اتهمت احد بالرشوة او اتهمت حكم بذمته نفس الشي لايحدث شي للصحيفة هنا بينما هناك يحدث تغريمات كبيرة وقضايا ,,فمن يريد ان يطبق أي غرامه على المدرب مثلاً او يُساء للمدرب مثلاً ويجبر المدرب على الاعتذار لأنه انتقد سؤال , بالتأكيد يجب ان يرحب ايضاً بتغريم الصحيفة التي ينتمي لها وتغريمه هو شخصياً والتشهير فيه , فأرجو ان تكون المعادله مضبوطة من هالناحية ,
المذيع : سمو الامير بالنسبة للمدرب لما قدم عملاً رائعاً حتى بالأستديوهات حتى كنا مابقى الا نصفق له حقيقةً لانه قدم عمل رائع وكانت اجاباته رائعة وكان جداً راقي بتعامله لكن لما يتجاوز مثل هالتجاوز يجب ان نتحدث بغض النظر عن اسم المدرب ..هذا اذا كان تجاوز سمو الامير ؟!
سمو الامير : استغرب اصرارك الشديد على الكلمة اللي قالها المدرب ولم تتطرق ابد ولم تسأل ماذا كان سؤال الصحفي اصلاً لا انت لما تجي وتقول للمدرب فيما معناه انت كيف اوصفها لك يعني لما تقول للمدرب فيما معناه انت ماتفهم بمعنى اصح بطريقة سؤال معينة المذيع: على المستوى الشخصي ؟ سمو الامير يكمل : فوش تتوقع من مدرب محقق انتصار بنفس يوم المباراة حسن العتيبي ماشفنا والله منه مثلاً غلطات لان حسن حارس متميز ولم يختبر حقيقة ً جيداً في المباراة لكن احنا نثق في حسن فانت وش تتوقع ............ انقطع الاتصال
ورجع مره ثانية سمو الامير : انقطع الخط وانا كنت اتكلم عن اصراركم على المدرب المدرب بدا سيرة طيبة لما جاء تعامله مع الصحفيين كان رائع جداً يقاطعه المذيع : والكل يشهد بهذا يكمل سمو الامير لكن بعد مرور الاشهر الطويلة هذي كلها سؤال يجي في نظره هو استفزازي في نظري انا جداً استفزازي فالبتأكيد هو انتقاده ماكان للشخص انا شوف لو غلط على الشخص نفسه انا اقولك لابد انه يعتذر هو ماغلط هو انتقد سؤال يعني هو لو يقول انت سؤالك مثلاً باي طريقة هو ينتقد السؤال ..
المذيع : سمو الامير اخيراً هل سنشاهد الدعيع في المباريات القادمة ؟
سمو الامير : والله ماادر الامور هذي علمها عند المدرب وعادةً قبل المباراة بليلة كل شي يبين .
شكراٍ سمو الامير ,,

اتمنى اذا شفتوا اخطاء املائية تغضون الطرف لأني مستعجلة http://vb.eqla3.com/images/smilies/biggrin.gif http://vb.eqla3.com/images/smilies/rose.gif

ملاحظة : ترى كتبته بمنتدى ثاني للتنبية فقط :)