انتبهوا على خالد عزيز - نادي الهلال السعودي - شبكة الزعيم

الفتى الهلالي العاشق · #1 05/02/2010, 05:09 PM

بسم الله الرحمن الرحيم

احب ان ارحب بجميع الزعماء ومبروك لي تفعيل العضوية

ندخل في الموضوع دغري بدون مقدمات ..

يوم الاربعاء القاادم امامنا مباراة تعتبر بالنسبة لنا كهلاليين مباراة ثأرية من فريق

ما راح اقول انه الغريم التقليدي لانه مهو بكفوو .. تعادل معنا مع الرأفة لاننا كنا

الاحق بالفوز .. وفاز علينا في مباراة ما ادري وش الي حصل للعيبة هل بسبب

ان الرئيس او المدير العام للكرة سامي الجابر بالغوا في التحذير من النصر ؟؟

المهم نرجع للموضوع .. بحكم عملي كجاسوس هلالي في الرومات النصراوية

وجدتهم يتكلمون عن خالد عزيز ويطالبون لعيبتهم بنرفزته ونحن كما نعلم ان

خالد عزيز محور دفاعي له ثقل في الفريق اذا تنرفز ممكن يسبب للفريق مشكلة

وما يحتاج اذكركم في نهائي الدوري قدام الاتحاد .. المباراة القادمة خروج مغلوب

يجب على الكابتن خالد عزيز ضبط نفسه واعصابه ..

==========

وايضا احب ان اذكر المدافعين

ماجد المرشدي وهوساوي بان يحاولا عدم تكرار الاخطاء التي حصلت في مباراة

الامس .. خصوصا اننا سنواجه هجوم قوي بقيادة السهلاوي وفيقاروا الخطير

ومحترفهم الجديد باسكال فيندونو .. وكلنا ثقة في نجومنا وان يجعلوا فرحتنا مضاعفة

يوم الاربعاء القادم ان شاء الله .. فرحة الفوز على النصر وفرحة الاجاازة ..

بالتوفيق للزعيم

الزعيم10الزعيم20 · #2 05/02/2010, 05:09 PM

مشكور
باذن الله نردلهم الدين
واهم شي الفوز

تياقو نيفيز506 · #3 05/02/2010, 05:12 PM

ايوالله صادق اتمنى تحذير خالد عزيز لاينكبنا واتمنى يلعب بمحورين ومهاجم وحيد المحياني والقحطاني ورقه رابحه الشوط الثاني اذا كنا متعادلين ولاخاسرين بهدف الله لايقوله

الفتى الهلالي العاشق · #4 05/02/2010, 05:31 PM

^^^^
منورررين الموضوع يالله حيهم

غريبة وين الزعماء ؟
معقولة الموضوع مافيه الا انا

يا اخوان ترى الموضوع لا يستهان به

عبدالله ابوخالد ولين · #5 05/02/2010, 06:26 PM

اشكرك اخوي على الموضوع >> بس لازم نعطي الفرق الاخرى حقها >> النصر من فتره بسيطه تطور مستواه كثير >> وصار يحسب له حسب > بس ثقتي في الله ثم في الفريق ان شاء الله يفوزون على النصر >> واتمنى لك التوفيق ولزعيمنا الكبير وتقبل مروري

هلالي رمز السعادة · #6 05/02/2010, 10:35 PM

كلامك صحيح بدليل انهم نرفزوا رادوي المباراة الماضية وشتتوا تفكيره .. بس ان شاء الله لعيبتنا ينتبهوا لهذا الامر

هلاليه وقلبي ازرق · #7 05/02/2010, 10:49 PM

كلامك صحيح

اتمنى من المدرب اللعب بمحورين عزيز ورادوي .. ومثل ماقلت تنبيه عزيز ورادوي ايضا عن النرفزه الزايده ..

وباذن الله الفووز هلالي .. متى ما ظهر اللاعبين ونجومه في مستواهم المعروف سيكون الفوز حليفنا
مع تنبيه اللاعبين عن نقطة احترااام الخصم لان النصر مو سهل هالفتره ..

أبوفيصل511 · #8 05/02/2010, 11:11 PM

يخووووووووي عندك ميريل رادوي في المحور لاتشيل هم
يالبى رادوي نجم كبير
اذا مالعب الكابتن محمد الدعيع اتمنى شارة الكبتنيه مع رادوي والله يستاهلها دون التقليل في ابوكلبشه الله ينصرره بس رادوي في الوسط وحماسي
تحياتي

سطام ال · #9 05/02/2010, 11:14 PM

كلامك في مكانه

وبالتوفيق للزعيم بالفوز بإذن الله

هلال الوشم · #10 05/02/2010, 11:24 PM

هلا اخوي ومبروك تفعيل العضويه شكلي انا وياك تم تفعيلنا مع بعض .
اما بخصوص بمباراة ثاريه ما بينا وبين النصر ثار فاز بالحظ وبتساهل لاعبينا لانهم واثقين بالفوز .
اما بخصوص عزيز احس انه هذا الموسم اخذ درس ولا صار يعتمد عليه المدرب بشكل كبير.
وصار ينتبه للعب اكثر من كلام الاستفزاز الي تحصل بين الاعبين .

ودمتم بود

ниoǫođч · #11 05/02/2010, 11:44 PM

الله يعطيك العافيه
والله كلامك ينقط عسسل
ويارب الفوز هلالي يارب
دعواتكم ياشباب لزعيم

شبل حربي · #12 05/02/2010, 11:54 PM

صدقت اخوي ..
و ابو العز له روعه خاصة ..
و ابو العز انشالله انه فآهمـ اللي له واللي عليه ..

هلاليه زي القمر · #13 06/02/2010, 01:28 AM

عزيز اكبر من انه يتنرفز من مبزره واولهم القايد حسين دجاجه

مع الاخذ بعين التنبيه للاعب عشان يأمن منهم

يعطيك العافيه