السلام عليكم ورحمة الله وبركاته

أبارك لجميع الزعماء بفوزنا على الفيصلي

و.... الصراحه ما اعرف اقول مقدمه لذلك بدخل بالموضوع على طوووول >>

ومن العنوان البعض يتسائل ليش اطالب الجمهوور الكبير الوفي بعدم الحضوور


اولا : جمهور لا يساند فريقه في نهائي (ولو كان دوري فئات سنيه ) المهم انه نهائي واللي يلعبه الزعيم .

وجمهور لا يتواجد الا بالمباريات الكبيره جدا ونهائي بعد او مباريات الاحتفالات .

وجمهور لا يتواجد في مباراة مصيريه والسبب الفريق المنافس ضعيف << اللي افهمه من عقلية الاخوان انه يحضر للفريق الثاني مو للزعيم .

والله يا ناس شى يقهر قسم بالله !!!

ما ادري هل اسعار التذاكر غاليه للدرجه هذي ما اتوقع ... هل الرياض جوها بارد للدرجه هذي ابدا لا
هل الهلال لا يقدم مستويات جيده للدرجه هذي اكيد لا ... هل ..... وهل ..... وراح اطلع اكثر من 100 سؤال
للشى هذا .

ومن وجهة نظري ان الجمهور لازم يشوفله حل من الحلول هذي :

1_ يا نعبي الملعب ونخليهم يشتكون من عدد المحبين والعاشقين لهذا الكيان ونحمس لعيبتنا << مو صعب ابد ابد

2_ والا كل المبارايات ما نحظر ... ونهيء لعيبتنا ان الهلال جمهوره لا يتعدى نصف واجهة الملز << احسن من انه يتوقع حظور كبير ولا يشوف احد ويقل الحماس اللي عند الاعب .

اولا المدح :

ثانيا العتب: :

1-ياسر :لاعب غني عن التعريف ، ولاكن ما ادري وش سبب انخفاض مستواه !!!

قالوا انه افتقد لطارق .. وقالوا انه بسبب تكتيك المدرب .. وقالوا انه نفسيته متدهوره وما اظن ان فيه واحد يجيه ولد وتكون نفسيته خايسه .. وقالوا ان الوسط ما يعرف يصنع لعب .. وكل ما ادخل المنتدى القى 3 الى 6 مواضيع عن ياسر ويا ليتها مفيده الا بالعكس تزيد الهم هم .<<<< ما ابي جواب لهذا ولكن شى قاهرني وقلته وطفشت من المواضيع الكثيره عنه .



2- الفريدي : لاعب يملك مهارات عاليه ومناولات دقيقه وأحب فيه شيئين : اذا زحلط غصب عنك ياخذ الكوره وبدون فاول .. والشيى الثاني هو خذ وهات ( ون تو ) مع ياسر ابداااع ولكن :

افلقني اذا مشى بهجمه مرتده .. اي هجمه لازم يوقفها ويتعلعل فيها .. برووووود زياده عن اللزوم ..لا زم من الجهاز الفني معالجة الشى هذا حرام المهاره ترووح هباء منثورا .

أشياء ابي لها جواب :

نيفيز : لاعب ما دخل راسي للحين قالوا عنه مهاره ما شفنا شى .. قالوا عنه اي فاول هدف ما سجل للحين الا فاول وحيد .. قالوا انه تكتيك وما شفنا شى لاعب ما يعرف يلعب من لمسه وحده وما يعرف يحط كوره بينيه واناني ..ادري انه يحاول يثبت وجوده وراح نصبر عليه مثل ما صبرنا على غيره .
ولا يجين واحد يقولي ينافس على الهداف .. بلنتيين و3 اهداف قدام الاتي مقشره قدام الباااب .. وباقي الاهداف اذا تقدم الهلال وتحطم الفريق المنافس جابلك هدف ماله طعم ولكن له هدفين حلوات اللي بالراس واللي قدام الاهلي بس هذا ما يشفع له ، اقنعوني بالعكس تكفووون .

وجهة نظر : ااااخ لو ان الفقر يوافق على المبادله بين نيفيز وفيقاروا ... ولا يوافق الشباب ويجي كماتشو كات تكمل تشكيلة الهلال .

ليش ما يكون نواف بديل لنيفيز ؟

يعني تكون التشكيله كذا :
الدعيع
الزوري .. المرشدي.. هوساوي ..لي يونج
عزيز
رادوي
نواف .. الشلهوب .. ولي
ياسر

قسم بالله تشكيله حريييقه << بدون زعل قلتلكم شطحه .

أمنيات

أتمنى فوووز تاريخ وكبير على نادي الفقر .. وأتمنى ياسر يسجل هاتريك واحد منهم دبل .. وأتمنى عيسى يدخل ويسحب ب 7 لاعبين من الفقر ويسجل بالكعب .. وأتمنى الشلهووب يسجل بالراس ..وأتمنى رادوي فاول من نص الملعب .

<<< مجرد امنيات ويا ليت تتحقق

ويا ناس يا عالم تكفوووووووووووووووووووون فكونا من التخدير قسم بالله ما بهذلنا الا هوو .

اعذروني على الاطاله ولكن كل شى مقهور منه كتبته بالموضوع هذا

تحياتي