|
نحن لانستحقك ياياسر وحتى الدوري لانستحقه بسم الله والحمد لله ولاحول ولا قوة إلا بالله هذه بداية مقالي فبسم الله / نبدأ بها دائماً وأبداً والحمد لله / على نعم الله ((الدوري & النجوم & الأدارة & التوفيق ......إلخ)) ولاحول ولاقوة إلا بالله / على حالنا وحال قلة من الجماهير أخواني الزعماء بقدر ماسرني مستوى زعيمنا هذه السنة والأداء المقنع بقيادة الأدارة الواعية إلا أنه وللأسف شوهنا نحن كجمهور هذه الفرحة , نعم نحن من شوهها. لم يمضي على فرحة الدوري زمن ومع ذلك نجد قله من الجمهور هداهم الله يشوهون هذه الفرحة بأمور للأسف بعيده كل البعد عن النقد البناء. فريق يحقق الدوري بهزيمة واحده فقط متصدر الدوري بأقوى هجوم وأقوى دفاع وهدافين ((الأول والثاني)) ومع ذلك ننظر لصغائر الأمور ونلوم ياسر لماذا لم يسجل !!!!!! نسوا مستوى ياسر مع الأتحاد & الأهلي & الوحده ......إلخ والذي كان السبب من بعد الله هو وزملائة في الأنتصار حتى ولو لم يسجل وأصبحوا يلومونه لماذا لم يسجل أكثر ولماذا ولماذا !!!!! للأسف ياسر يتمناه ألف نادي ونادي ومع ذلك نقف معهم ونحاربه نعترف أن اللاعب مستواه في إنخفاض وهو ليس بياسر 2007 ولكن في هذه الفترة اللاعب يحتاج لمسانده وليس لضغط اللاعب يحتاج لوقفه صادقة من الجمهور ولو أني أعتقد أن ياسر في هذه السنة أفضل من السنة المنصرمة لذا أعزائي كونوا سنداً له وعوناً ولا تكونوا جلادين داعمين لأعائه اللاعب بشر ومعرض لهزات في المستوى أسعدنا بمستواه سابقاً وهذا ماعهدناه منه وفرحنا له وأشدنا به كثيراً حقق لنا أنجازات وحفظ لخط هجومنا هبيته حتى وهو وحيداً ولما حصل له هذا الدروب في المستوى أنقلب حالنا معه رأساً على عقب .........عجباً لأمرنا هذا ونحن نحبه سؤال / أسامة هوساوي ((مشاء الله عليه)) حالياً يعتبر أفضل لاعب لدينا بمعنى لاقدر الله حصل هبوط في مستواه هل سنتغير عليه على سيتبدل المحبه إلى كره لا لا لا لا ياجمهور زعيم القرن نحن أكبر عقولاً من من يحاولون دس السم بالعسل تخيل / لو أن ياسر مستواه أفضل لاعب في الهلال والفريق بأكمله سيئ وأنتهاء الدوري بخسارة الهلال للدوري وتحقيق ياسر لقب الهداف ........هل هذا هو المرضي بالنسبة لكم ؟؟؟ أخواني نحن نملك أقوى فريق ويتبقى لدينا حبيبنا ياسر نعم حبيبنا وحتى وإن كان مستواه في إنخفاض يجب أن نسانده ولا نخذله فهو ولدنا لذا أتمنى منكم الوقوف مع اللاعب من هذه اللحظة وتحكيم العقل والمنطق ونحن لنا أستحقاقات حالياً كفيله بأن يعود إلينا هذا الكاسر وبتظافر جهود الجميع ومن بعد توفيق الله محبكم دائماً وأبداً / وليد اليحيــــى |
مشكور اخوي على الموضوع الممتميز ليت الجمهور يوقف النقد على الهلال وياسر اهم شي البطولات |
[SIZE="6"] ماعليك ابو سعيد ]اتوقع اللي يهاجمونك اشخاص عدة بمعرفات كثيره لتشويه صورتك معيك منهم انت نجم والدليل المدرج الهلالي دائما يهتف باسمك ماعليك ابو عزوز صبرا جميلا[/SIZE |
موضووع رائع ومثل قال ابو عبد العزيز مرضى: ادعوا لهم بالشفاء العاااجل |
موضوع رائع مشكووورياخوي اللي يتكلمون على ياسر اعضاء حاقدين او مندسين |
هو بس لو يخفف الظهور الإعلامي الي طايح فيه هالفترة صاير كنه اعلانات موبايلي كل شوي طالع في قناة والا جريدة ياخي خلك ثقيل يا ياسر وخل عنك الظهور الكثيف هذا !! ماحبيتها منك يا ياسر حتى مراسل العربية الظاهر متكي معك ليل نهار.. انت لاعب كبير ومحترف ويجب ان تقلل ظهورك وتتكلم بدبلوماسية واحترافية وتحفظ.. مو كل من قال لك تعال باسوي معك لقاء رحت معه. |
اخواني نحن جمهور الهلال ولسنا جمهور ياسر الي يطبل لياسر يدور على منتداه ويروح يطبل له هناك مو هنا كلنا نعشق الزعيم وهذا ليس بجديد ليش مانتكلم بالعقل يعني (( بعقلانيه )) تقولون مستى ياسر نازل --------------------->> طيب ليش وش السبب 000000 فكرو شوي اجل يقول في اخر تصريحه اني تنازلت علن الاهداف للشلهوب ونيفيز (( بالله عليكم في احد بيقول هالكلام -- اجل وش شغلتك انت ياياسر ))) والله اول ما احب اسمع احد يتكلم بياسر بس هاللحين ماعاد اقدر ارد ولا اقول شي فالواقع واقع طيب 000000 تقولون لاعب مستواه هابط يعني الى متى قلنا معليش نرفع معنوياته والله ماقصرنا ترى معه هذا الموسم الثاني وهو محلك راوح لامستوى ولا شي يرفع من معنوياتك اعتقد عدم وجود مهاجم بحجم ياسر في الهلال هو السبب اتمنى من المدرب اراحة ياسر مع زملائه بالاحتياط حتى يحس شوي ويقدر الجمهور الي يحضر يكفي خروجنا من كاس اسيآ العام وفكونا من التطبيل ياجمهور ياسر كلنا نعشق الزعيم وبس |
اشوفكم ماهتميتوا في مباراة اليوم ولا في الحظور لها كل اهتمامكم في ياسر عندنا مباراة مهمه اليوم ياليت نفكر فيها بالتوفيق للهلال اليوم |
ياعزيزي احنا نبي نكون سند وعون له واحنا اكثر جمهور وقف مع لعيبته بس اهو يكون عون لنا بعد ويبعد عن التصاريح الي تبط الكبد اجل اروح اصوتله فضل لاعب بالجوله عشان ارفع معنوياته وبعد ماخذها يقول الجمهور ما صوت الا انه يقول اني افضل لاعب واخرتها التصريح الاخير يقول اانا افضل لاعب ويقول تنازلت عن البلنتيات ولا كان صرت هداف سجل الانفرادات والي الباب يجي فاضي بعدين فكر في البلنتايات الله يصلحك ويهديك ويهدينا يارب صبرنا عليه وعلى بعض المواضيع ! |
إقتباس:
للأسف ردك مدعاة للشك فبدلاً من أن تقف مع اللاعب تذر الرماد على الأعين ؟؟؟؟ أنا لست مع أو ضد أنا مع الزعيم كفريق ومن ثم أفراد ((لاعبين)) لأنهم بحاجه لوقفتنا أسمحلي أقولك أنت أحد الأمرين : أما أنك مندفع وتسمع لأراء الغير ((وأعتقدك ذلك)) أو أنك مــندع أيضاً (( أتمنى أن أكون مخطئ)) أخي وحبيبي وعزيزي أتمنى منك الوقوف وعدم التجريح |
هلال الذهب سلامات اخوي وش تحس فيه انت الانتقاد مو عيب اخوي واذا انت تتضايق من شخص يقول كلام صحيح عن لاعبك المفضل روح لموقعه وفرفش على كيفك احنا جمهور الهلال ولسنا بجمهور ياسر |
ياخي ملاحظين ان المواضيع اللي عناوينها ناريه عن ياسر ياخي هذا مشغلنا في التلفزيون وفي الجرايد وفي منتدى الهلال !! خلونا نتكلم في مباراة الفيصلي ابرك لنا الف مره وياعزيزي كاتب الموضوع .. الجمهور لما يتكلم كذا لان ياسر الله يعطيه العافيه يدخل في صدامات مع الجماهير بدال مايقول انها وقفت معي كل يوم طالع يسولف انه يحب الملوخيه وانه يحب مادري وشو ويكره مادري وشو وبعدين هذا الشلهوب اكثر لاعب وقفت ضده الجماهير وكلهم قالوا انه انتهى ومادري وشو ما اذكر احد نزل موضوع يرقع له زي ماترقعون لياسر ومع كذا رجع وبحكم ترقعيكم لياسر والله ما اظن انه يرجع ع فكره انا مابي احد يرقع له ولا يطلع له ايجابيات .. بس ع الاقل لا احد يمدحه وهو ماسوى شي .. لا يجي احد يقول جاب 8 اهداف ترى هذي جابوها لاعبين وسط مب عاد مهاجم بعدين انا احس اني اليوم تكلم عن ها الادمي بالكثير فـ ياريت تفضوها سيره وتخلونا نشوف زعيمنا ونتكلم بكره في الحضور واستعدادات الرابطه وشغلات تهم المباراه بكره |
باختصار ياسر لاعب قتلة الغرور |
ياســـــــر كبيــــــــر ويبقى كبيــــــــــر الموضوع مو بتطبيل لياسر ياسر ما فيه احد يختلف انه مهاجم صعب انكـ تحصل مثله واذا فيه هبوط بمستواه ممكن بس اللي ابي اوضحه ان ياسر كان شايل الفريق ايام كوزمين بسبب خطته اما الحين العب جماعي يعني لا تستبعد يسجل ابو دعيع حتى في مباراتنا امام الاتحاد يوم ضيع والله يا فرحة الفوز اني ما عرفتها بس اللي ابي اوضحه شوف تحركات ياسر بالملعب وبعدها وجه انتقادكـ له بالدفاع صناعة لعب هجوم يعني حتى لو جيريتس يششوف انه ما راح يفيده ما كان لعبه اساسي طوال الموسم الى جالنب ما قاله ياسر نجم جماهيري وتبقى هذي وجهة نظري تحتمل التأييد والمعارضه .............تشكووووووورات |
والله هذي المواضيع كثـــــــــــرت..:mad: وانا احترم وجهــــــــة نظرك.. يعني بدال مانجلس نهزئ في ياسر ونتكلم عليه.. :ranting:خلونا ندعم فريقنــــــــــا.. مافي شي رااح يضيعنــــــــا غير هادي الامور التافهـــــه.. خلونا نشووف مباراتنا اليوم.. وندعي رنبا اننا نفـــــــــــوز.. يعني بالله مافكرتوا.. ليش منزلين الخبـــــــــر هادا مدري اللقاء قبل المباراة؟؟:mad: عشان يشتتونا.. :cry:وبس يارب من اراد زعيمنا بسوء فاشغله في نفســـــــــه.. خلو الانتقاد بعدين.. قدامنا بطولات جايه..:rg: وبالتوفيق للزعيم s13s |
| الوقت المعتمد في المنتدى بتوقيت جرينتش +3.
الوقت الان » 08:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd