نادي الهلال السعودي - شبكة الزعيم - الموقع الرسمي - قصيدة الشاعر سلمان بن محمد الحقباني في بطل الدوري

الشاعر سلمان بن محمد الحقباني قال هذه القصيدة في زعيم اسيا وبطل الدوري . رغم ان الشاعر نصراوي الميول احب ان يكتب شعرا في من يستحق ...

من يجيب الكاس؟؟

من يجيب الكاس غيرك ياهلال

في حضورك منهو يسمى بطل

ماتعرف الصعب وتعشق المحال

دايم [ن] لك عالي القمة محل

دونك رجال[ن]ومن خلفك رجال

تعشق الامجاد ياكل الامل

من قديم الوقت حبك لايزال

دايم[ن]في زود عمره مانزل

ريشة الفنان في بدع الجمال

ترسمة في لعبك الي مايمل

وتبهر الانظار يالسحر الحلال

كن في حبك مسوى لي عمل

ياوقار الطير ياشموخ الجبال

اتزاحم بي على مدحك جمل

يازعيم الارض عندي لك سؤال؟

في حضورك منهو يسمى بطل؟

هذي قصيدة الاخ سلمان بن محمد الحقباني من سكان مدينة الاحساء وحبيت انشر هذي القصيدة بناء على رغبة الشاعر