بسم اللة الرحمن الرحيم ندخل في الموضوع على طول الهلال هذي الايام الهلال يعيش اوقات حصاد البطولات كلها لتفرغ للاسيوية والعودة على عرش اسيا اللي طال الغياب عنه والتاهل لكاس العالم للاندية فيجب علينا الحضور في جميع المباريات مباراة يوم الخميس مباراة قوية لانها مع متصدر دوري الاولى وعلية مباراة مؤجلة المهم علينا الحضور يوم الخميس واتوقع الملعب فل لانها في استاد الملز ادري ان المباراة في وقت اختبارات انا الحمد لله ماعندي اختبارات ولامدارس لاني موظف حكومي >> لاتحسبوني شايب ترا عمري 26 واعزب زي الطلاب نرجع لموضوعنا اليوم وانا طالع من العمل على طول رجعت البيت لبست ثوبي ورحت نادي الهلال اشتري تذاكر واثلك صدري اللاقبال الجماهيري الكبير لشراء التذاكر انا عن نفسي حاضر ومعي 3 من عيال حارتنا يعني اربع كراسي محجوزه لنا الخميس وعلى فكرة اتمنى كل واحد يحضر ولا يتكل على البعض قل لي انت بتحضر ولا لا وهل انت لوحدك ولا معك كم شخص الزبدة فضفضلي اللي بخاطرك لاكن اهم شي حضوركم لان حضوركم ياجمهور الزعيم هو البطولة بالنسبه للاعبين وشبية الريح

اخوكم حفيد الاسطوره