30/01/2010, 07:23 PM
|
| موقوف | | تاريخ التسجيل: 01/01/2009
مشاركات: 71
| |
|
مذكرات زوج في الخمسينيات
بسم الله الرحمن الرحيم
مســـــــــــــــــــــــــــــاكم الله بالخير جميعا ً
وأنا أتصفح البريد لقيت هالرسالة من صديق، الله يرج إبليسه متسلط على الشياب، طبعا مررتها على مقص الرقابة "وعرمنا مالايستحب نشره" هههههههه.
مالكم بالطويله إليكم مذكرات زوج الخمسينات، وفي الواقع العنوان كان غير ذلك ولكن رأيت أن يكون هكذا أفضل.
مذكرات زوج في الخمسينيات
المشهد الأول
يقول:
البارحه ذهبت أم العيال الي عرس وفي السابق كانت هكذا ليله تكون مثل ليله الأنس في فينا ولكن دوام الحال من المحال
في تمام الساعه العاشره بتوقيت "بيتنا" جائت من عند الكوفيرا وكانت تضع طن من المكياج يكفي لتجميل نصف حريم لبنان ونظرت الي وقالت: ها وش رأيك؟ فقلت بلساني تهبلين ..... اما قلبي فقال وهل يصلح العطار ما أفسد الدهر.....قالت وهي تستعد لحشر كتل الشحم في الفستان المسكين وحاولت أن تضع شيء من الغنج والدلال في صوتها ..... عاد لا تنام الليله ...ابي احاول أرجع بدري.....قلت مع بدايه غثيان في الكبد....متي يعني؟...قالت يعني ثلاثه ونص أربعه...قلت...ابنتظرك علي احر من الجمر ولو جاني النوم راح اصقع راسي بالجدار عشان يطير مع انه ودي لو اصقع راسها هي بالجدار المهم:
بدأت عمليه حشر جسمها في الفستان وهي عمليه أشارك فيها....وتبدأ طقوس الحشر بعمليه لبس المشد وهو حزام من المطاط القوي..تحاول فيه جمع الكرش ودفعه للخلف...وهي عمليه مضنيه لا أفهمها أطلاقا....المهم تم حشرها بعون الله في الفستان..... وبقيت العمليه الأصعب وهي صك السحاب وهذه مهمتي أنا.....والمشكله إن حديده السحاب صغيره وصعب مسكها وشدها بقوه ما أعرف ليش مايخلونها مثل حقت الشناط كبيره شوي المهم....بدأت هي تشفط نفسها بقوه وأنا أحاول تسكير السحاب اللعين...وما أدري ليش تذكرت طريقه تسكير شنطتها اذا جينا نسافر حيث أقف علي الشنطه وبعدين أسكر سحابها..وتمنيت لو أقدر أبطحها هي وأضغط علي ظهرها برجليني وأسكر السحاب اللعين....المهم بعد معركه شرسه وكر وفر تمت العمليه بنجاح...وتنفست الصعداء مع اني ما ادري وشي الصعداء......ونطلقت هي للعرس............يتبع........
مذكرات زوج في الخمسينيات
المشهد الثاني
غادرت وهي تحمل الجزمه ام كعب بيدها لأنها ما (تركبها) الا في هكذا مناسبات.....وحلقت انا في عالمي الخاص عندي أربع ساعات عزوبي وقمت أوزع وقتي الثمين.....علي نفسي انا وبس وسهرت سهره جميله مع الأخبار والمنتدى ....!!!
وفي تمام الساعه الثالثه صباحا بتوقيت "بيتنا" طلعت فوق بسرعه وجبت طاسه وحطيت فيها ثلج ومويه ومنشفه صغيره وجبت من الفريزر الكماده البلاستيك ومن الصيدليه بنادول وتانيول وكل شيء اخره اول ....وركضت للسرير وانسدحت مثل اي فار ينتظر غزوه قطاوه (بساس)
وفي تمام الساعه الثالثه وسبع وثلاثون دقيقه حسب توقيت "بيتنا " سمعتها جايه قمت وبسرعه وضعت الكماده علي راسي وأتخذت وضع البؤساء.............كني ابي اموت خلال دقائق.....
دخلت وقالت اسم الله عليك وشفيك اجبتها بصوت ضعيف مع بحه ....تعبان حاس معي سخونه ... ثم وضعت فاصل من الكحه الخفيفه....وبدأت المناوره... قالت....ياشيخ ما فيك الا العافيه قم خذ لك دش ،وأسوي لك عصير برتقال....صدقني هذا كسل وبعد الحمام يروح _اوف ما راح تستسلم ناويه شر_
قلت بنفس الصوت السابق....يابنت الحلال اي حمام...انا ما جاب لي البلا الا الحمام بعد ما رحتي تروشت وطلعت من الحمام والظاهر صفقني المكيف......وضعت يدها علي جبهتي وقالت بصيغه جازمه ما معك حراره....قلت يمكن صخونه داخليه.... ..وقلت لها وأنا أحاول أنهاء الموضوع تعالي بس اتمسك فيكي..ابي اروح الحمام....وقمت بالحركه البطيئه مستندا علي كتفها وعندما أستويت واقفا رجعت وجلست بحركه مسرحيه........وقلت ماش حاس بدوخه ما اقدر.امشي..هاتي لي قاروره مويه صحه فاضيه......عندها شعرت ان هجومها بدأ يضعف وأن الفرج قريب...........فقررت ان اضرب الضربه القاضية ،وقمت أتاوع ..........اووووع....... .اووووع.... ....... وهي تقول وشفيك ..وشفيك صرخت قلت حاس بمر علي كبدي....احسن افرشي لي تحت مادري وشو هذا وأخاف اعديكي..........وهكذا نفذت بجلدي
...........يتبع..........
مذكرات زوج في الخمسينيات
المشهد الثالث
في ضحي اليوم التالي وعلي الفطور......سألتني بلهجه جافه ووجه عابس....شلونك اليوم عساك اشوي قلت لا أبشرك اليوم احسن بكثير الحمد لله....والله البارح...أعوذ بالله....ما ادري وش جاني، كنت مره متحمس نقعد مع بعض....لكن الشكوي لله .......شعرت من نظراتها انها غير مقتنعه
وأن الموضوع ما راح يعدي علي خير...........وساد صمت........وفجأه وبدون اي مقدمات قالت:
هالحين انت ليش ما تاخذ من الحبوب الي يقولون عليها...او تروح تكشف.........قلت يابنت الحلال
انا ما في الا العافيه......وهذي الحبوب لها اعراض خطره.......وأنا البارح مريض....بعدين لا تنسين العمر.....والله اني الا مشيت دايم اتلفت وراي اخاف يطيح مني عضو وانا ما أدري.....ضحكت وقالت لا مهوب طايح منك شيء...المهم وش تبي غداء...قلت علي كيفك...قالت انا مشتهيه سمك وروبيان،
قلت عز الطلب......وعلي الغداء...وضعت امامي حزمتين كبيره من الجرجير....وعرفت انه فيه هجوم
...............يتبع..............
مذكرات زوج الخمسينيات
المشهد الرابع
وأقبل الليل والليل مخيف...وغادر الأولاد ألي غرفهم.....وخلي لها الجو بألفقير ألي رحمه ربه ولطفه .
قالت وش تبي عشاء.....قلت...مادري والله...ماني مشتهي شي...قالت....وش رأيك أحط لك عسل حضرمي...جابته لي زميله..تقول انه حر...وزين...لحظتها عرفت أن الغزوه جايه جايه وأن ألهروب مستحيل....فقررت الأستسلام.....وقرأت في سري ايه الكرسي والمعوذات وتوجهت ألي غرفه النوم،كمن يساق ألي حبل المشنقه.....وقامت هي تركض كصبيه في العشرين ألي المطبخ تجيب العسل.
وبعد ألعشاء وفي تمام الساعه العاشره وسبعه عشر دقيقه بتوقيت "بيتنا" بدأ هجومها بأن تسلحت بـ........وبخت نصف قاروره عطر ....وللمعلوميه هذا كل الي عندها من أسلحه...وقمت أنا وأنسدحت علي السرير أنتظر قضاء الله وقدره...وعلي لساني دعوه اللهم ألطف أللهم ألطف .....
وقامت هي بالروتين المتبع...قبل الغزوه.....أقفال باب غرفه النوم...وتشغيل التليفزيون علي قناه الجزيره أو العربيه...عشان لو صحي أحد من ألأولاد وجاء للصاله الملاصقه لغرفه النوم مايسمع شي.
قالت..اطفي النور...قلت علي كيفك...وانا اتمني تطفيه...قالت احسن أطفي ألي فوق واولع الأباجوره وهكذا كان.....
قالت..أهمزك؟...قلت اي والله تكفين تري عظامي الي هالحين توجعني ونسدحت علي بطني وبدأت عمليه التهميز.....وأثناء عمليه التهميز خطرت في بالي فكره...وهي كامحاوله الغريق التمسك بقشه.....قلت وش رأيك تدهنيني بفكس...وكانت في تلك اللحظه الحاسمه تهمز الرقبه فضغطت عليها بقوه حتي كدت اختنق....فقلت ياشيخه...أمزح.
...........يتبع.......
لا الباقي محذوف من قبل الرقابة .....هههههههه.
.................................................. ...............
ترى والله مالي فيها لا ناقة ولا جمل نقلتها من بريدي ، وتكفون لا يجي واحد مطفي النور ثم يحوس الشغلة.
ترى والله حذفنا مشاهد واجد.
إلي مر عليه مثل هالمواقف ينتبه لالالالالالالالالالا يعلق. وإلي بيضيف تعليق أكيد مامر عليه مثل هذه التجربه.
تحياتي للجميع وموفقين إن شاء الله. |
الوضع العادي
